CODM

المشكل ماشي غير فقلة الميزانية… المشكل فطريقة تدبيرها

كل مرة كنسمعو: «ما كايناش الميزانية»، ولكن السؤال اللي خاص يتطرح هو: واش فعلاً المشكل هو قلة الموارد، ولا طريقة صرف الموارد اللي كاينة؟

النادي كيصرف فلوس على لاعبين ما كيقدموش الإضافة، وكيخلص منح التوقيع، الشهريات، الأكل ومصاريف أخرى، وفي الأخير كاين لاعبين ما لعبوش حتى دقيقة.

هاد الأموال إلا تم تدبيرها بعقلانية، كان ممكن تستثمر فصفقات نوعية أو فمشاريع تقدر تعطي للنادي مداخيل مستقبلاً.

وزيد على ذلك، فين هو العمل الحقيقي على جلب مستشهرين كبار ومستثمرين وشراكات تجارية؟ النادي خاصو ما يبقاش معتمد بشكل دائم على الإعانات والمنح.

الإعانة كتعاونك اليوم، ولكن المشروع والاستثمار هما اللي كيضمنو ليك المستقبل.

ما يمكنش كل عام نقولو ما عندناش الميزانية، وفي نفس الوقت الفلوس كتضيع فصفقات ما كتضيفش قيمة للنادي.

خاصنا تدبير مالي واضح، ترشيد المصاريف، وتنويع مصادر الدخل.

حيت قبل ما نقولو ما عندناش الفلوس، خاصنا نشوفو أولاً كيفاش كنصرفو الفلوس اللي عندنا.

الميزانية ما كتجيش غير بالتسول على الإعانات، الميزانية كتخلقها الإدارة.

الانتدابات ماشي غير باش نعمرو اللائحة… الفريق محتاج لاعبين يصنعو الفارق

الموسم اللي فات كشف واحد المشكل واضح: غياب الفعالية قدّام المرمى.

الفريق كان محتاج لاعبين يقدرو يصنعو الفارق، خصوصاً فوسط الميدان والهجوم. لاعبين يقدرو يصنعو الفرص ويسجلو الأهداف، ويقلبو الماتش ملي كتكون الأمور صعيبة.

لهذا، الانتدابات خاصها تكون مبنية على الجودة والحاجة، ماشي غير على جلب لاعبين والسلام.

ما محتاجينش لاعب يجي غير باش يكمل العدد، ولا لاعب فاقد للتنافسية ونستناو حتى يرجع للمستوى ديالو.

خاصنا لاعبين جاهزين، عندهم الجودة، وعندهم القدرة يقدمو الإضافة من اليوم الأول.

وفنفس الوقت، خاص النادي يعطي أهمية كبيرة للاعبين الشباب اللي عندهم الإمكانيات. الاستثمار فالشباب يقدر يعطيك لاعب يفيدك رياضياً اليوم، ويقدر من بعد يجيب لك مداخيل مهمة مادياً.

الانتداب الناجح ماشي هو اللي كتعلن عليه فالفايسبوك، الانتداب الناجح هو اللي كتلقاه فالملعب كيزيد الفريق قوة.

حنا محتاجين مهاجم يسجل، لاعب وسط يصنع، ولاعبين عندهم الشخصية والجودة باش يصنعو الفارق.

الجودة قبل العدد… والإضافة قبل الاسم.

واحد 300 مليون والله يربح

فالحقيقة خسارة كبيرة النادي مدافع كبيير يستاهل مليون دالاورو 😶‍🌫️🫣

الاعبين المزيانين الفرق لي كتمشي تبحث عليهوم .
اما دوك السيڤيات لي كيجيبو ليك السمسارة، فيها غي الاعبين المنتهية صلاحيتهوم لي مابقى ليهوم ما يظيفوا او حمام ميت بدون موهبة ، او الاعبين المطرودين من فرقهم ، المهم فيهوم هي الگميلة .

النادي كيشتكي من بعض الفرق عندها مزانية كبيرة كتاخد گاع الاعبين المزيانين ، لي ماعرفينش هو ان داك الفرق المزانية ديالهوم ماكيخسروهاش على لاعبين مالعبو حتى دقيقة ، وديك الفرق ماعندهوم مسترزقين فالمكتب كيتسمسرو فاي صفقة ، ديك الفرق كتخدم وكتجلب مستشهرين ومستثمرين .... وانثوما اش كديرو من غير سياسة التسول من الجهات المانحة ؟

صورة تختصر واقعاً يعيشه النادي

النادي جدد مع هاد الشركة
حنى كجمهور كنشوفوها ماشي فمستوى الفريق ولهدا مغنشريو حتى قميص بهاد العلامة التجارية من محلات لي تابعة النادي من غير قبة السوق
غيبان للبعض ان هدشي ما غيستعدش النادي ولكن مكاينش لي كيضر بالنادي كثر من التسيير لي غادي بيه

الا كانت شي حاجة كضر بالنادي اكثر هي تجيب لعابة كياكلو ويشربو ومايلعبوش حتى دقيقة وتعطيهوم منحة التوقيع والشهرية من اموال النادي وزيد فلوس السمسارة هدشي بلا مانهضرو على نفخ فالعقود والنادي يخلص ...

يواصل فريق نهضة الزمامرة في خطف المواهب، هاد المرة جا الدور على رضى الله بلمين داوه من الوداد .

وحنى عندنا واحد المكتب نصو ناعس ونص عاطيها التسمسير ونفخ فالعقود وجلب العجزة للفريق .
بدل مايمشيو يجيبو مواهب سواء من اكاديمية شيبو لي عندهوم فئة u21 مزيانة هاد العام وفيها شباب مزيانين ولا يمشيو المنتخب الموريتاني لاقل من 20 سنة لي بالامس لعبو النهائي ، السمسار ديالكوم جهدو يجيب العيد يدير عندنا السياحة واكل شارب ؟
هدشي ماكيعرفوش ليه ولكن لكان شي گميلة وداكشي تحت طابلة ولا جيب شي فكتورة للكوديم تخلصها هدشي كيطيرو فيه .
لي عندو شي كريدي يمشي يديرو باسم الفريق يخلصو .

بصحة الزهو الحاج
راه سمعت واحد ولد الحومة واقف فراس الدرب كيگول وراء العشاء افعل ما تشاء
ماشي مهم الكوديم باشماكان غيدوز العام ونطلبو المجالس ونبكيو عليهوم شوية يدفعو الفلوس باش ندفعو الكروسة، المهم هي صحتك النفسية وتكون ناشط لينا راه كتجي من اگادير عيان خاص ترتاح .
الله يطول لينا فعمرك ويخيلي لينا الذكتور ديالنا .

ها واحد المنتخب u20

الا كنتو زعما باغيين وناويين وهداكوم الله وجات على خاطر خاطركوم ديرو شي انتقالات فالمستوى وتجيبو مواهب وماشي اسماء لي أكل الدهر عليها وشرب .

شنو كنستافدو من لاميني لي فالاكاديمية الا مكانش يجيب لينا مواهب منها ؟ على الاقل تسمسير بعقلو .

وخاص الفريق يتحرك ويطلق عروقو ويجيب مواهب ناضين سواء لمدرسة الفريق او الفريق الاول .

شفنا مداخيل بعض الفرق اليوم لي كتستثمر فهاد الواهب وهي لي كتستافد من الاعبين دالاكديمية .