Az Sports

مزال يندمو فاش يشوفو الفينال ملعوب ف ملعب مراكش الكبير 🥺🥺

و شوف ليك دابا هاد باردين لكتاف مخليين الفرجة د كاس العالم و المنتخب ، الماتش جاي مع هولندا ..
قالك خارجين كيطالبو بالماء الصالح للشرب و بطريق معبدة يوصلو بها للحضارة ، و ينهيو العزلة لي كيعيشوها ..
واش هادي وقت الطريق و الماء ، شي حد يتكلف يحفر ليهم بير و يهنينا
يتكمشو يخليو الدولة توجد لينا شي بنية تحتية عالمية لمونديال 2030 , يتلاهاو بالمنتخب هاد الايام و يشجعوه لعل و عسى يجيب شي نتيجة مشرفة بحال ديال قطر 2022 .. لي بغا الما شري سيدي علي و لي ما عندو سيدو عندو لالاه
و ديما مغرب 🇲🇦

💔 “حسبناه ولدنا.. وفالأخير خدا لينا كلشي”

هاد الأم المسكينة عندها جوج بنات، وحدة معاقة كتتحرك على أربع، ووحدة أخرى مريضة نفسياً… عايشين فالبساطة وعلى قد الحال، لا عمرهم ظلمو شي حد لا دخلوا فمشاكل مع الناس. كان عندهم غير قطعة أرض فلاحية حوالي 5 هكتارات، وكان حلمهم الوحيد يبيعوها نهار من الأيام ويشريو دار فالمدينة باش يكونو قراب للمستشفى والعلاج ويعيشو شوية بكرامة 😢

واحد النهار جا عندهم شاب خطب البنت، دارو ليه العرس وفرحو بيه واعتبروه بحال ولدهم. عطاهم الثقة الكاملة وقال ليهم: “أنا ولدكم وما يخصكم حتى خير معايا”.

ومع الوقت بدا كيتصرف فالدار بحال المالك الحقيقي… حتى جا نهار الناس تقهرو بالفقر والمرض وقالوا لما لا نبيعو ارضنا جاب ليهم شاري للأرض، وتكلف بكلشي. الناس مساكن أميين وبسطاء، وثقو فيه ثقة عمياء، وهو بدا كل مرة يديهم يوقعو ويبصمو فالأوراق بحجة غادي يدير ليهم “أمو تضامن” ويقضي ليهم الأغراض ديالهم 😔

لكن الحقيقة كانت صادمة…

هاد الشخص استغل ضعفهم وأميتهم، وتحايل عليهم بطريقة خطيرة. وصل به الحال ياخذهم حتى للغابة باش يزيدهم يبسمو على وثائق لم يعلموا لما تصلح وسط الليل باش يكمل مخططو، ومن بعد بدا كلشي كيبان… الأرض مشات، والسيارات كتبهم حتى هما في سميتو، وكل ما كانوا كيملكوه ولى فاسمو 😢💔

الأم وبناتها ملي واجهوه قالو ليه:
“حنا درنا فيك الخير، زوجناك بنتنا واعتبرناك ولدنا… علاش درتي فينا هاد الشي؟”

لكن الجواب كان قاسي وصادم:
“ما عطيتوني والو… ولي بغيتو ديروه ديروه.”

اليوم هاد الأسرة تشردات، وتسرقات منهم أرض كتسوى اكثر من 160 مليون سنتيم وجوج سيارات، وبقاو غير بالحسرة والدموع 💔

هاد القصة ماشي غير حكاية، هادي صدمة وثقة تقتلات فناس بسطاء كان ذنبهم الوحيد أنهم وثقو فالإنسان الغلط 😢
لمشاهدة الفيديو 👇

https://www.facebook.com/share/v/1CAeDgHYTx/?mibextid=wwXIfr

الله ياخذ الحق فكل ظالم 🤲
#الحوز #الظلم #المغرب

نفس الجريمة ،نفس الصفحة، نفس الوقت ولكن زوج العناوين متناقضين، المصداقية مشات في دكشي ديال سميتو عليه