Ismailovitch Tv

رسالة لمكونات نادي ألمبيك أسفي
أعلن بأننا نراقب كل صغيرة وكبيرة ونراقب ما يقع داخل كواليس الفريق ، الخبار كاملة كتوصل بالتدقيق
راه وقت الإستعداد بدا
مطالبة بمدرب جيد لعندو مشروع ونطالب برئيس جيد يكون كيفهم في الكرة ، وكنطالبوا ببعض المنخرطين الإنسحاب حسن ليهم حينت 0 إضافة للفريق من نهار نخارطو ، وكنطالبو من شي وحدين في المكتب الإنسحاب حينت من عهد أنور دبيرة وهما كيمصو دم الفريق بدون ذكر أسمائهم رهم عارفين راسهم
وكنطالبو شي وحدين في المكتب يعاونوا الفريق في الإنتدابات ماشي يتعاقدو مع الكرارس من أجل الربح معاهم ويخلو ليتيج الفريق
راه حد الٱن راكم مصمكينها ناس كتجيب لاعبين متمرسين وتقلب مصلحة النادي ونتوما غرقتو الفرقة ومخرجين ولادكم مسافرين
الرئيس السابق محمد الحيداوي دار أخطاء ولكن ناس في المكتب هي لكانت كتخور فيه وخلاتو في الواجهة ومعروفين شكون ، وضعية ألمبيك أسفي سبابها المكتب الفاشل كامل
راه كلشي مقيد وكلشي مكشوف غير كندير راسي مكنشوفش
وأخيرا حرية التعبير حق في الدستور وأي تهديد يوصلني راه السيد وكيل الملك رهن إشارة المواطن
#عبدة #أسفي

أفشل مكتب مسير مر بتاريخ نادي ألمبيك أسفي
مزال كنتسناو التقرير المالي المفصل وكنتسناو الجمع العام
فين هما هاد الوجوه فين غبرو ؟
أفشل رئيس مر بتاريخ النادي غرق الفرقة خاص المحاسبة ونشوفو مال الفريق فين مشى ؟
مع العلم الانتدابات لكانت كلها مشبوهة مع تضخيم القيمة السوقية للاعبيين كانت تفس قيمة سوقية للمغرب الفاسي غير هما داو البطولة وحنا طحنا القسم الثاني
أين الجامعة أين مسؤوليين المدينة ، ننتظر تدخل السيد العامل لهذه المهزلة
كنتسناو في القريب العاجل ولا غادي نرجعوها قضية رأي العام ، فين هي صحافة أسفي لكانو كلاب رئيس ولحستوه وكتغطو عليه
من حقي نطرح تساؤلات ومن حقي ندوي كيف بغيت

#المغرب #أسفي #عبدة #مسفيوي #مسفيوية #عبدي #عبدية

رسالة للمكتب المسير لنادي ألمبيك أسفي
بغينا الناطق الرسمي لألمبيك أسفي يخرج لينا بتصريح يوضح لينا ما يقع داخل ألمبيك أسفي حينت شفزا سياسة صمكها هي لديرين لينا الناطق الرسمي معمرنا شفناه مرج دوى واش كيتخبص فابور ؟؟؟؟
بغينا نعرفة امتى الجمع العام ، بغينا نشوفو فين وصل التقرير المالي ، بغينا نعرفو ما مصير ألمبيك أسفي
بغينا نعرفوا استراتيجية النادي ألمبيك أسفي ، الناطق الرسمي أو الرئيس المغضوب عليه ولا مكتب الفاشل مخرج تا بتصريح اعتدار للجماهير على المهزلة لدارو للنادي وهبطوه
بغينا نعرفوا استراتيجية لغتلعب بيها الفرقة باش طلع قسم الأضواء ، بغينا نعرفو الانتدابات لغدير أسفي باش تلعب على الطلوع
راه كنتسناو وحتا حاجة مزال مبانت
فينكم ملي كنتو تبانو في التصاور وتبانو في في منابر اعلامية ملي كتعطو الوعود الكاذبة
فين هادوك لي كانو في المنصة لي عاطينها غير المضاربات وكيفوكوا ههههههه
راه مواكبين أي حدث وكنتسناو الجمع العام والتقرير المالي والمحاسبة
وبالنسبة للمنخرطيين حتا نتوما خاص تنساحبو من الفريق حينت بلا منجبد أسمائكم بعتو الفريق ولحستو الرئيس وساهمتو في الفساد ، ومكتنفعو بوالو لا مساهمات لا حلول لا والو
كنتسناو في أقرب وقت
أسفي وراك رجال والفرقة يوقف عليها جمهورها
#أسفي #عبدة

رسالة هامة لساكنة أسفي بأكملها
بدون مقدمات غندخل في الموضوع نيشان ، كاين بزاف الصفحات وحسابات فيسبوكية تهاجم الفصيل إلتراس شارك والجمهور المسفيوي بأنه هو السبب بما يقع لفريق أسفي
الإخوان غندوي بدون عاطفة ، هاد لوغو أول حاجة شريف وكيتحارب من كل رئيس كيجي أسفي من الوازاني ودبيرة وزيد الحيداوي وزيد أعضاء المكتب حينت كيفضح الفشل ديالهم وكيفضح الصفقات المشبوهة لكيديرو
هاد المجموعة مخلاو ما دارو ليها كانت اعتقالات وتهديد وترهيب باش يحاربوها ويحيدوها لكن مقدروش لكيجي كيفشل يطيحهم ،حينت شباب واعين وعارفين أش كيديرو ،
هاد الشباب كيعانو من التنقلات وكيعانو وسط مدينتهم وكيحنو راس من أجل مصلحة الفريق
المجموعة متباعتش وماتشراتش حينت شارك ديال المدينة كاملة
واحد السيد باغي يكون رئيس ودار خطة ديال مكلخين بغا يحاربها من الأول باش يشد الفريق ويدير ما بغا لكن والله ما غتكون ليه
حذاري من المتربصين ومن الشناقة لكوسخو صورة المجموعة حينت حاطين عينينا وسارحين ناس لكدير هدشي
الشارك شرف الإنتماء المدينة وفيه ناس ماتو وفيها ناس خارج أرض الوطن وفيها ناس قاريين واعين وعارفين اش كنديرو
الإخوان حذاري من المغالطات المجموعة هاد السنة حاربات وخرجات ببيانات كدق ناقوس الخطر على الفريق وملي كانو الاعتقالات في الدار البيضاء ومستسلموش وكيخرجو فوجه أي وحد
الشارك قوية بزاف وكتزيد تقوى والشارك لكدخل في الفريق كونا مكنوش كونا شفتي أسفي مبقاتش فرقة حينت عايشين وسط من مدينة فيها النهب والسرقة والفريق رؤساء كيجو لفريق باش يقدو أغراضهم فقط
المهم حذاري لكل شخص ينقص من المجموعة وحذاري من كل حساب يتهم الشارك بالمغالطات
بالروح بالدم نفديك يا ألمبيك

كبير وهبيل
الوحيد لي في مدينة أسفي فاهم معنى الحياة وعايش حياتو وخارج من ستريس المدينة بطريقتو
باش تكون في مدينة اسفي لما فيها لا خدمة لا صحة لا عيش كريم. تعيش هبيل خاصك تكون سميتك الناصيري خليل
أنا بعدا شهادة حق نقولها دعموه الدراري حينت ولد البلاد ومحتوى غير كيضحك بيه ، راه هو بعيد كل البعد على داكشي لكيدير راه بعقلو وانسان مثقف
تخية ليك خليل عيش خوك مساندك
#عبدة #مسفيوي #أسفي #المغرب

خبر حول فريق ألمبيك أسفي
الشاݣنة كيروج إسم ديالو باش يكون رئيس أسفي ومزيد معاه بعض صفحات الكترونية باش يطبلو ليه وزيد عليها شي حقوقيين ديال الله يحسن العون واخدين جوايات شاݣنة أسفي بعيدا عليك والتسيير النادي بعيد عليك وغنشبهك بمحمد الحيداوي نفس الأفكار نفس الأفعال
بلا متجي تغمق على المحيط المسفيوي
نتا اصلا منخرط في فرق أخرى لا داعي للذكر
نتا مكانتك ليست فريق ألمبيك أسفي غير سير دير داكشي لكتعرف ليه وبعد علينا ها العار
مطلب الجمهور
محاسبة رئيس محمد الحيداوي والمكتب لي معاه وأي واحد شاد منصب في الفريق خاصة يتحاسب بلا منجبدو فلوس فين مشات
انشاء شركة ، ضخ الفريق بمستشهرين كبار + ضخ الفريق بمال كبير ليقدر يمشي بيه الفريق وانتدابات وازنة للصعود الى القسم الأول
حنا ولاد اسفي حفضناكم واحد واحد عندك غرض ماشي دير أسفي طريق
حذاري من دخول البلطجيين للفريق ماخاصش يتعاود نفس السيناريو ، نستافدو من اغلاط
#أسفي #عبدة

رسالة لأبناء ومسؤوليين مدينة الوالدية
انظار للمسمى " مول الثلج " والإسم الحقيقي عطيف بطاش
نقص شوية من تاهرݣاويت وتوسيخ سمعة وصورة مدينة الوالدية من دوك الفيدوات لكدير كتمس بساكنة الوالدية ، نتا اصلا ماشي ولد الوالدية نتا من العروبيات المجاورة ، جمع راسك شوية حينت غتكون عليك حملة وباركة من هاديك تاهداويت ديالك ،
هذا انظار ولقد أعذر من انضر ولا غادي نحطو شكاية ونجمعوا حقوقيين ونجيبو صحافة ونحطو شكاية عند سيد عامل اقليم سيدي بنور
الوالدية ناسها ديال الكرم ومربين ومتخلقين ، وليتي كتعطي صورة مسخة في نشر فيدوهات تمس بكرامة مدينة الوالدية
هذا ماشي تهديد هذا انظار وترقب فيدو توضيحي لكاع داكشي لكدير في خفاء وبأدلة راه نحط كلشي وتخوي المدينة الوالدية ومعندك تا صلة بالوالدية باش تشوها بديك الطريقة
جيتي تخدم على راسك مرحبا نقدروك ونهزو بيك ، لكن تخصر صورة أبناء مدينة الوالدية هذشي لا
الوالدية خد أحمر عدها ولادها 🇲🇦🇲🇦💯💯💯

رسالة لسيد عامل أسفي
سيدي العامل من فضلك حيد لينا هاد السيد المدعو مول الطابلة ميبقاش يحط في الكورنيش بمدينة أسفي حينت هاد السيد خطير على الأبناء صغار كيبيع طاطواج ومواد مصرطنة ضارة بجسم الإنسان ويقدر يتسرب ليهم في سرطانات جلدية
والمواد لكيخدم بيها لا تخضع لمراقبة الجودة
وكينشر غير الخبت في عقل الأطفال الصغيرة
، وزيد عليها سي العامل أنه كيحط طابلة في ملك عمومي وكيخصر جمالية منظر كورنيش أسفي وكيجمع حداه شباب مدمنين وعدشي كيضر بينا كساكنة مدينة أسفي
والفيدوات ديالو كيخسرو صورة أسفي
مطالبة بالحقوقيين وبرلمنيين مدينة اسفي بشي تدخل سريع باش نحبسو هاد النمادج الغير اللائقة
كنتي مسفيوي حر بارطاجي
#عبدة #أسفي

سفيان رحيمي.. رجل كل المواعيد والبطولات مع أسود الأطلس 🇲🇦👏🏼🔥🔥