Kite Sri Lanka Organization

🪁 සරුංගලයේ සුන්දරත්වය විඳිමු — ආරක්ෂාවත් රකිමු! ❤️

සරුංගල් යැවීම අපේ ළමා කාලයේ සුන්දර මතකයක්. විනෝදයක් වගේම එය කලාවක්, සංස්කෘතියක් සහ අපේ අහසට එක්වන සුන්දර වර්ණයක්.

නමුත් ඒ සුන්දරත්වය අතරේ *ආරක්ෂාව කිසිවිටෙකත් අමතක නොකරමු.*

පසුගිය දිනක පැවති කුඩා සරුංගල් තරගයක් අතරතුර සරුංගලයක් විදුලි රැහැන්වල ගැටී ගිනිගන්නා ආකාරය දැක්වෙන වීඩියෝවක්ද සමාජ මාධ්‍ය ඔස්සේ හුවමාරු වෙමින් තිබෙනවා.

එවැනි සිදුවීම් අපි සුළුවෙන් නොගෙන, *අනතුරක් වීමට පෙර අවදානම හඳුනාගෙන කටයුතු කළ යුතු බවට වන අනතුරු ඇඟවීමක් ලෙස* දැකිය යුතුයි.

මේ අතර, රිජ්වේ ආර්යා ළමා රෝහලද සරුංගල් යැවීමේදී දරුවන්ගේ ආරක්ෂාව පිළිබඳ විශේෂ අවධානය යොමු කරන ලෙස ජනතාවගෙන් ඉල්ලා තිබෙනවා.

⚡ විදුලි රැහැන් ආසන්නයේ සරුංගල් නොයවමු.
🛣️ අධිවේගී මාර්ග හා මාර්ග ආසන්නයේ සරුංගල් නොයවමු.
🏢 ගොඩනැගිලි හා උස් ස්ථානවල සිට සරුංගල් නොයවමු.
✈️ ගුවන් තොටුපළ ආසන්නයේ සරුංගල් නොයවමු.
🧵 අනාරක්ෂිත හා විදුලි සන්නායක නූල් භාවිතයෙන් වළකිමු.
⛈️ අයහපත් කාලගුණ තත්ත්වයන්හිදී සරුංගල් නොයවමු.
👨‍👩‍👧 දරුවන් සරුංගල් යවන විට වැඩිහිටි අධීක්ෂණය ලබා දෙමු.
♻️ භාවිත කළ නූල් සහ සරුංගල් පරිසරයට නොදමමු.

සරුංගල් යැවීම නවත්වන්න කියන එක නොවෙයි අපේ පණිවිඩය.
ආරක්ෂිතව, වගකීමෙන් සහ සුන්දරව සරුංගල් යවමු.🪁❤️

සරුංගලය අහසට යවමු…
**අපේ ආදරණීයයන්ගේ ජීවිත අවදානමට නොයවමු.**

🪁 **KITE SRI LANKA**
**FLY SAFE • FLY FREE**

🪁 නිල් අහසේ වසන්තය 2010

**2010 අගෝස්තු 28 සහ 29...**

මාතර වෙරළ උද්‍යානයේ දින දෙකක් පුරා පැවති **“නිල් අහසේ වසන්තය 2010”** අපේ ගමනේ අමතක නොවන පරිච්ඡේදයක්.

එදා සරුංගල් **3,000කට ආසන්න ප්‍රමාණයක්** මාතර අහසට එකතු වුණා. 🪁

දසුන මීඩියා සහ මාතර යූත් සමඟ සංවිධානය කළ මේ වැඩසටහනේ ප්‍රධාන ආරාධිතයා වුණේ එවකට ශ්‍රී ලංකාවේ ජනප්‍රියම ක්‍රිකට් ක්‍රීඩකයෙකු වූ **සනත් ජයසූරිය මහතා**.

එදා ජනප්‍රිය චරිත රැසක්, ඇමතිවරුන් සහ විශේෂ ආරාධිතයන් අතර **අනර්කලී ආකාශා**ත් එක්ව සිටියා. සරුංගල් පිස්සෙක් වූ එවකට බුද්ධ ශාසන නියෝජ්‍ය ඇමතිවරයෙක් ත්‍රිකුණාමලයේ සිට සරුංගල් රැගෙන මාතරට පැමිණීමත් අපේ මතකයේ තියෙන විශේෂ සිදුවීමක්. ❤️

අපේ එදා tagline එක වුණේ,

**“පිබිදුණු දේශයේ නිලඹර
ලක්දු පුතුන්ගේ දෑතින් සරසන්නට”**

එදා Social Media නොතිබුණු කාලයක, අපේ වැඩේ ජනතාව අතරට ගෙන ගියේ පුවත්පත් සහ රූපවාහිනී මාධ්‍යයයි.

**ලංකාදීප සහ තරුණයා** අපේ මුල්ම වැඩසටහන්වල ඉඳලාම අපට විශාල සහයෝගයක් ලබාදුන්නා. ඒ හරහා අපව දැකලා අපිව හොයාගෙන ආපු අනුග්‍රාහකයන්ද හිටියා. **Rainco**, **සෙල්ලන් ටිකිරි** සහ **මාතර Freelan** වැනි ආයතන සමඟ එදා ඇතිවූ ඒ සම්බන්ධතා අදටත් අපේ මතකයේ තියෙනවා.

Freelan විසින් සරුංගලයක් තුළ තම නිෂ්පාදන රඳවා අහසට යවා ජනතාව අතරට බෙදාදීම වැනි අපූරු promotional අත්හදා බැලීමක්ද එදා සිදුවුණා. 🪁

එදා අපිට ලැබුණු හැම අත්දැකීමක්ම සුන්දර වුණේ නැහැ. මාධ්‍යය සමඟ වැඩ කිරීමේදී ලැබුණු අත්දැකීම් අපිට ලොකු පාඩමක් වුණා. **2010න් පස්සේ අපි මාධ්‍යය සමඟ වැඩ කරන විදිහත්, අපේ brand එක සහ අපේ කතාව අපිම කළමනාකරණය කරන විදිහත් වෙනස් කළා.**

ඒත් ඒ ගමනේ අපට හම්බවුණු රත්තරන් වගේ මිනිස්සු ගැන නම් අදටත් කතා කරන්න පුළුවන්.

ඒ අතරින් එක් කෙනෙක් **මිල්ටන් පීරිස්.**

එදා ඉඳලා අද වෙනකම් අපේ Vision එකත් Mission එකත් හරියටම දන්න, මගේ දකුණු අතක් වගේ හිටපු මිනිහෙක්.

**වේදිකාවට නගින්න මිනිස්සු ඕන තරම් ඉන්නවා.
හැබැයි වේදිකාව පිටිපස්සේ කට්ට කන්න මිනිස්සු හොයාගන්න අමාරුයි.**

මිල්ටන් ඒ වගේ මිනිහෙක්. ❤️

එදා තවත් දැවැන්ත මතකයක් වුණේ එවකට ජනාධිපති **මහින්ද රාජපක්ෂ මහතාගේ රුව සහ සාටකය ඇතුළත් කළ දැවැන්ත සරුංගලය.** අපේ මතකයට අනුව එය අඩි 150ක් පමණ විශාලයි.

අවාසනාවකට ඒකේ photo එකක්වත් video එකක්වත් අද අපේ archive එකේ නැහැ. 😁

හැබැයි එදා මගේ හිතේ තිබුණු එක අදහසක් අවුරුදු කිහිපයකට පස්සේ ඇත්තක් වුණා...

**2014දී ගෝල්ෆේස් පිටියේදී ජනාධිපතිවරයා සමඟ සරුංගලයක් යවන්න අපිට හැකි වුණා.**

ඒ කතාව 2014ට ගිය දවසක කියමු. 🪁

අද ආපහු හැරිලා බලද්දි,

**“නිල් අහසේ වසන්තය 2010” කියන්නේ සරුංගල් උත්සවයක් විතරක් නෙමෙයි.**

ඒක අපේ **Kite Sri Lanka** ගමනේ මුල් පිටුවලින් එකක්.

එදා අහසට යැවූ සරුංගල් ආපහු පහළට ආවා...

හැබැයි එදා පටන්ගත්ත හීනය තවමත් අහසේ.💛🪁

**2010 | August 28–29
Matara Beach Park**

🪁" 2009 — නිල් අහසේ වසන්තය "
**අපේ සරුංගල් ගමනේ ආරම්භය...** 🇱🇰

අද මේ පරණ ඡායාරූප ටික ආයෙත් බලද්දි, අවුරුදු ගණනාවකට කලින් අපි කොහොමද මේ ගමන පටන් ගත්තේ කියලා මතක් වෙනවා.

2009 කියන්නේ අපේ රටට විශේෂ අවුරුද්දක්.

අවුරුදු ගණනාවක් පුරා පැවති යුද්ධය අවසන් වෙලා, වෙඩි හඬ, බෝම්බ හඬ වෙනුවට නිදහස් අහසක් අපේ රටට ලැබුණු කාලයක්.

ඒ වෙලාවේ අපේ හිතේ තිබුණේ එක අදහසක්.

**නිදහසින් පිබිදුණු මේ රටේ අහස, අපේ දූ දරුවන්ගේ දෑතින් සරුංගල්වලින් සරසන්න.** 🪁

ඒ අදහසත් එක්ක තමයි 2009දී **“නිල් අහසේ වසන්තය – ජාතික සරුංගල් තරගාවලිය”** පටන් ගත්තේ.

එදා අපි **Kite Sri Lanka** නමින් හිටියේ නැහැ.

මට තිබුණු **දසුන මීඩියා ටීම්** Advertising Agency එකත්, **ජාතික තරුණ සේවා සභාවේ මීගමුව යොවුන් සංචිතයත්** එකතු වෙලා තමයි මේ වැඩසටහන සංවිධානය කළේ.

මීගමුව වෙරළේ නොවැම්බර් 27 සහ 28 දෙදින පැවැත්වුණු මේ වැඩසටහන වෙනුවෙන් එදා අපි **බිල්බෝඩ් ගැහුවා, පෝස්ටර් ගැහුවා, රේඩියෝ සහ රූපවාහිනී දැන්වීම් කළා, පත්තර හරහා ප්‍රචාරය කළා.**

Facebook අද වගේ බලවත් කාලයක් නොවුණත්, එදා තිබුණු හැකියාවෙන් Facebook හරහාත් මේ වැඩේ ප්‍රචාරය කළා.

ඒ විතරක් නෙමෙයි...

**අතිනුත්, කටිනුත් මිනිස්සු අතරට ගිහින් මේ උත්සවය ගැන කියපු කාලයක්.**

මේ festival එක ගැන මුලින්ම public announcement එක කළේත් අපි.

හැබැයි අපිට කලින් ලංකාවේ සරුංගල් තරග සහ උත්සව තිබුණා. එක එක කාලවල විවිධ සංවිධාන ඒවා කරලා තිබුණා. 1954 වගේ ඈත කාලයක සිටම ශ්‍රී ලංකාවේ සරුංගල් තරග පැවති බවටත් සටහන් හමුවෙනවා.

ඒ ඉතිහාසයට අපි ගෞරව කරනවා.

**අපි කළ වෙනස තිබුණේ වෙන තැනක.**

අපිට ඕන වුණේ සරුංගල් තරගයක් පවත්වලා අවසන් කරන එක නෙමෙයි.

**සරුංගලය වටා අනන්‍යතාවක්, නමක්, ලාංඡනයක්, තේමාවක් සහ වගකීමක් ගොඩනගන්න.**

ඒ නිසා පළමු වැඩසටහනේ ඉඳලාම අපි තරග ඉසව් වෙනස් කළා.

ඒවාට **ජාතික වටිනාකමක් ඇති මාතෘකා** ලබා දුන්නා.

🌿 පොලිතීන් භාවිතයෙන් හැකි තරම් ඉවත් වෙන්න දිරිමත් කළා.
🌿 පරිසරයට හිතකාමී දේවල් භාවිතා කරන්න කියලා කිව්වා.
🧵 සරුංගල් නූල් ගැනත් ආරක්ෂාව සහ පරිසරය ගැන කතා කළා.
📜 සරුංගල් තරගයකට නීති රීති ගෙනාවා.

අපිට ඕන වුණේ **සරුංගලයක් යවන තරගයක් විතරක් නෙමෙයි.**

සරුංගලයත් එක්ක **වගකීමක් තියෙන සංස්කෘතියක්** හදන්න.

🌿 **අපිට තිබුණු තවත් වැදගත් ප්‍රතිපත්තියක් තිබුණා.**

සරුංගල් උත්සවයක් කියන්නේ මුහුදු වෙරළකට විශාල පිරිසක් එකතු වෙන වැඩක්. සරුංගල් විශාල ප්‍රමාණයක් අහසට යනවා. ඒත් ඒත් එක්කම මිනිස්සු ඉතිරි කරන අපද්‍රව්‍ය, සරුංගල්වල ඉතිරි කොටස් වගේ දේවල් වෙරළේ ඉතිරි වෙන්න පුළුවන්.

**ඒ නිසා අපේ වගකීම event එක අවසන් වුණා කියලා අවසන් වෙන්නේ නැහැ.**

වැඩසටහන අවසන් වූ වහාම අපි වෙරළ පිරිසිදු කළා.

**පළමු වැඩසටහනේ ඉඳලා අපි දිගටම රැකගෙන ආපු ප්‍රතිපත්තියක් ඒක.**

අපි ආපු වෙරළ, අපි පිරිසිදු කරලාම ආපහු යන්න ඕනේ.

ඒක තමයි අපිට තිබුණු **quality එක.**
ඒක තමයි අපේ **වගකීම.**
ඒක තමයි අපේ **වගවීම.**

අදත් මේ ගැන ආපහු හැරිලා බලද්දි අපිට තියෙන ලොකුම සතුටක් තමයි —

**අපේ උත්සවයක් නිසා පරිසරයට හානියක් ඉතිරි නොකරන්න අපි හැකි උපරිමයෙන් වග බලාගත්තා කියන එක.** 🌿❤️

ඒ වගේම සරුංගල් උත්සවයක **“Kite Feeling”** එක මිනිස්සුන්ට දැනෙන විදිහට මාධ්‍ය හරහා මේ වැඩේ ඉදිරිපත් කරන්නත් අපි උත්සාහ කළා.

පත්තරයක layout එකේ ඉඳලා, ඡායාරූප, headline සහ presentation එක දක්වා ඒ වෙනස අපි කළා.

අවුරුදු ගණනාවක් මේ ගමන යද්දි, අපි හදපු ඒ **Kite Feeling එක** සරුංගල් කාලයට ලංකාවේ මාධ්‍ය ආවරණ තුළත් දැකගන්න ලැබෙන තරමට ඒ සංස්කෘතිය පුළුල් වුණා කියලා අද ආපහු හැරිලා බලද්දි අපිට සතුටු වෙන්න පුළුවන්.

ඒ කාලයේ අපි භාවිතා කළ තේමාවත් අපේ හිතේ තිබුණු අදහස හොඳින්ම කියනවා.

**“නිදහසින් පිබිදුණු දේශයේ,
නිළඹර ලක් දූ පුතුන්ගේ දෑතින් සරසන්නට...”** 🪁🇱🇰

ඒ තමයි **“නිල් අහසේ වසන්තය.”**

එදා අපි පටන්ගත්තේ තවත් එක event එකක් විතරක් නෙමෙයි.

**නිදහස් වූ රටක නිදහස් අහස ගැන තිබුණු හීනයක්.**

ඒ හීනයත් එක්ක ගිය ගමන තමයි පස්සේ 2010දී **Kite Sri Lanka** කියන නම දක්වා අපිව අරගෙන ගියේ.

අද අවුරුදු ගණනාවකට පස්සේ මේ පරණ ඡායාරූප දිහා බලද්දි...

**එදා අහසට යවපු සරුංගල් තාමත් අපේ මතකයේ පියාසර කරනවා.** ❤️🪁

**2009 — නිල් අහසේ වසන්තය.**
**එතැනින් පටන්ගත් ගමන අදත් ඉදිරියට...** 🪁🇱??

🪁 A Kite Knows No Boundaries

පසුගිය සෙනසුරාදා මීගමුව වෙරළ උද්‍යානයේ පැවැත්වුණු Kite Festival එකේදී දකින්න ලැබුණු මේ දසුන අපේ අවධානයට විශේෂයෙන්ම ලක්වුණා. 🇱🇰🪁

කුඩා සාමණේර වහන්සේලා සමඟ රැගෙන යන, **ස්වභාවික දේශීය සම්පත් උපයෝගී කරගෙන නිර්මාණය කළ සරුංගලයක්.** 🌿🪁

මේ ඡායාරූපය අපට මතක් කරන්නේ සරුංගලයක ඇති සුන්දරම දෙයක්...

""සරුංගලයට ජාති, ආගම්, සංස්කෘතික හෝ දේශසීමා නැහැ.""

අහස එකයි.
සුළඟ එකයි.
සරුංගලය පියාසර කරන නිදහස එකයි. ❤️

විවිධ පසුබිම්වල මිනිසුන් එකම අහසක් යට එකට එක් කරන සරුංගලය, අපේ සංස්කෘතීන් අතරත් සුන්දර පාලමක්.

📸 ජායා රූ: ච්න්තක රාජකුලතුංග

🪁 A Kite Knows No Boundaries

These beautiful moments from last Saturday's Kite Festival at **Negombo Beach Park** caught our attention.

A traditional kite made using **natural, locally available materials**, carried by young Buddhist monks. 🌿🪁

And perhaps, this is one of the most beautiful things about a kite...

**A kite has no race, religion, culture or borders.**

One sky.
One wind.
One freedom to fly. ❤️

Kites have a beautiful way of bringing people from different backgrounds together under the same sky — creating a bridge between cultures through creativity, tradition and the simple joy of flying.

This was **not an event organized by Kite Sri Lanka**. We are simply sharing these beautiful moments as a celebration of kite culture.

📸 Photos: Chinthaka Rajakulathunga

🪁 Kite Sri Lanka Organization
"Where the sky belongs to everyone."

🪁 2010 – Matara Kirala Kelle

World Tourism Day 2010 වෙනුවෙන් පැවැත්වීමට සැලසුම් කළ All Island Kite Festival & Kite Fancy Dress වැඩසටහනට පෙර, මාතර කිරළ කැලේදී සිදු කළ ස්ථාන නිරීක්ෂණයේ මතක සටහන් කිහිපයක්. 🇱🇰🪁

එය සාමාන්‍ය Kite Festival එකක් පමණක් නොවෙයි.

සරුංගලය ශ්‍රී ලංකාවේ සංස්කෘතිය, සංචාරක කර්මාන්තය සහ නිර්මාණශීලීත්වය සමඟ එක් කරමින් අලුත් අත්දැකීමක් නිර්මාණය කිරීමට කළ උත්සාහයක්.

එදා ස්ථානය නිරීක්ෂණය කිරීමේ සිට, සැලසුම් කිරීම, පුහුණුවීම් සහ අවසානයේ වැඩසටහන වේදිකාවට ගෙන ඒම දක්වා වූ ගමනේ මේ ඡායාරූප කිහිපය අදත් අපේ ඉතිහාසයේ වටිනා මතක සටහන්.

2010 | Matara – Kirala Kelle
Tourism & Biodiversity 2010
World Tourism Day

🪁 Kite Sri Lanka – Bringing Sri Lankan Kite Culture to the World.