KFA

Sumar byrjendanámskeið - hefst mánudag 13. Júlí

Námskeiðið er ætlað öllum sem vilja kynnast lyftingum á faglegan, öruggan og uppbyggilegan hátt – hvort sem markmiðið er meiri styrkur, betri tækni, heilsuefling eða undirbúningur fyrir frekari þjálfun.

Á námskeiðinu verður farið yfir:

• Grunnatriði og tækni og útfærslum
• Hagnýttar teygjur, mótvægisæfingar
• Kennarar af báðum kynjum á staðnum

✔ Þátttakendur fá útprentað námsefni
✔ Engin fyrri reynsla nauðsynleg
✔ Þér er mætt á þeim stað sem þú ert

Aldurstakmark: 25 ára og eldri

🗓 Tími: Mánudagar og miðvikudagar
⏰ Kl.: 18:30–19:45
⏳ Lengd: 4 vikur
💰 Verð: 39.900 kr.

📅 Hefst: mánudaginn 13. Júlí

Kennari:
Grétar Skúli Gunnarsson

👉 Skráning hér: [email protected]

Hjalteyri iðaði af lífi í dag þegar fyrsta Guttormsmótið í bekkpressu fór fram á Hjalteyri. Keppendur úr ýmsum áttum komu saman til að reyna með sér, bæta eigin árangur og njóta samverunnar í góðum félagsskap.

Mótið fór fram á nýja sviðinu í lyftingasalnum þar sem keppendur reyndu með sér undir vökulum augum dómara og áhorfenda. Stemningin var afslöppuð en jafnframt keppnisleg og mátti sjá marga glíma við eigin met fremur en andstæðinga.

Hann Hans tvíbætti eigið færeyskt met í fullorðinsflokki þegar hann lyfti fyrst 185 kg og síðan glæsilegum 190 kg. Hans varð stigahæstur í karlaflokki þrátt fyrir að vera í miðju uppbyggingartímabili eftir Færeyska meistaramótið í maí.

Í kvennaflokki varð Alexandra Guðlaugsdóttir stigahæst. Alexandra, sem er margfaldur Íslandsmeistari og landsliðskona með langan og farsælan feril að baki, sýndi glæsilega frammistöðu með 80kg á kjötinu.

Alexandra mætti til keppni ásamt fjögurra mánaða syni sínum, Hauki Snæ, og tryggði sér jafnframt þátttökurétt á heimsmeistaramótinu í lyfjaprófaðri bekkpressu sem fram fer í haust.

Guttormsmótið markaði jafnframt tímamót fyrir Kraftlyftingar á Íslandi, en þetta var fyrsta opinbera kraftlyftingamótið sem haldið er undir merkjum IDFPA. Samtökin leggja áherslu á lyfjaprófaðar keppnir, sjálfboðastarf, samfélagsþátttöku og að varðveita grasrótar-, menningarhefðir og tjáningu styrks með kraftlyftingum sem verkfæri.

Að sögn aðstandenda fellur sú nálgun vel að þeirri sýn sem hefur mótað starf KFA frá upphafi. Félagið lítur á kraftlyftingar sem hluta af stærri menningu þar sem íþróttir, félagsstarf, sjálfsrækt og samfélag fara saman. Markmiðið er ekki aðeins að skapa afreksfólk heldur einnig vettvang þar sem fólk getur komið saman, byggt sig upp og tekið þátt á eigin forsendum.

Að lokinni keppni var verðlaunaafhending haldin á sviðinu þar sem sigurvegarar og þátttakendur fögnuðu saman góðum degi. Líkt og tíðkast hefur á Hjalteyri undanfarin ár var áherslan ekki aðeins á afrek heldur einnig á samfélag, vináttu og þátttöku þar sem allir eru velkomnir.

Mótið markar upphaf nýrrar hefðar á Hjalteyri og ber nafn Guttorms, hins víðfræga nauts sem lengi hefur átt sérstakan sess í sögu íslenskra kraftlyftinga. Stefnt er að því að gera Guttormsmótið að reglulegum viðburði þar sem fólk á öllum getustigum getur komið saman og reynt með sér á hreinum og opnum keppnisvettvangi.

Dagurinn endaði með brosum, myndatökum og góðum sögum og verður eflaust lengi í minnum hafður meðal þeirra sem lögðu leið sína á Hjalteyjuna. Fyrir KFA var hann jafnframt tákn um nýjan kafla þar sem kraftur er ekki aðeins mældur í kílóum, heldur einnig í samfélagi, þátttöku, sögu og þeirri menningu sem byggist í kringum lyftingarnar á Íslandi.

Opið hús á laugardaginn í tilefni sæludaga í sveitinni

Hér verður hægt að kíkja í kaffi, kaupfélagið, klifur, kraftlyftingar, kayak, karate og kungfu.

Verðum með opið frá 11-17 og Hulda verður búin að setja upp spennandi þrautabraut og kynningarefni um sumarstarfið í lyftingaskólanum og KFA.

Eins og alltaf eru allir hjartanlega velkomnir 🥰

Mynd af landsliðsæfingu fyrir Kúveit ferðina 2019 f.v. Guðfinnur fiskibolla, Viktor og Hulda í anda eins og alltaf 😅

Sunnudagur á Hjalteyri

Hulda okkar átti 41 árs afmæli í gær og brá sér sér suður til að fagna því með vinum og ættingjum.

Það verður því engin lyftingaskóli í dag.

En það er opið hjá okkur frá 11:00-17:00. Heitt á könnunni, þrautabraut og Grelli verður þarna í anda.

Það voru fleiri afmæli hérna hjá okkur í vikunni og smá afgangar til í kastalanum sem geta farið í gesti eftir púl dagsins.

Sjáumst í anda á þessum fallega sunnudegi og munið allir eru velkomnir 😊

Skráning lýkur 20. Júní
Keppnisgjald er 9500kr
Mótið er á vegum IDFPA

Gleðilegan sjómannadag! ⚓

Í dag verður Lyftingaskóli frá kl. 11:00–14:00 og þjónustutími frá kl. 11:00–17:00.

Í tilefni sjómannadagsins bjóðum við upp á ókeypis kajaka, klifur og kaffi fyrir gesti.

Það er veðurblíða á Hjalteyri. Hnúfubakar sjást víða á firðinum og sjómenn hafa verið duglegir að færa heim björg í bú á eyrinni um helgina.

Njótið dagsins, hafsins og samverunnar.

KFA sendir öllum sjómönnum og fjölskyldum þeirra bestu kveðjur í tilefni sjómannadagsins.

☀️ Sunnudagur á Hjalteyri ☀️

🧒👧 11:00–16:00 – Lyftingaskóli
Leikur, jafnvægi og hreyfifærni með foreldrum

🔓 11:00–17:00 – Open Gym
Þrautabrautir, drop-in og fjölskylduvænt andrúmsloft.

Það er rigning og hrollur hérna hjá okkur á Hjalteyjunni. En það er alltaf hlýtt og notalegt inní Verksmiðjunni.

Í dag er opið frá 11:00-17:00. Hann Bart ætlar að halda áfram með skylmingaræfingar kl 15:00.

Eigið góðan dag, og munið allir eru velkomnir 😊