FH Handbolti

Við FH-ingar eigum þrjá fulltrúa á Evrópumóti 20 ára og yngri sem fram fer í Rúmeníu þessa dagana. Það eru þeir Ágúst Guðmundsson, Antoine Óskar Pantano og Ingvar Dagur Gunnarsson. Þriðji og síðasti leikur riðlakeppninnar er í dag þegar Ísland mætir Lettum kl. 09:00 á íslenskum tíma. Liðið er sem stendur með tvö stig eftir sigur á Austurríki og tap gegn Spánverjum.

Áfram FH og áfram Ísland 🤍🖤🇮🇸

Við viljum vekja athygli á sýningu um Handboltabæinn Hafnarfjörð sem stendur yfir til 31. ágúst í forsal Pakkhússins Byggðasafni Hafnarfjarðar.

Þar er saga handknattleiksins í Hafnarfirði rakin allt frá því að fyrsti leikurinn fór fram árið 1925 og fram til dagsins í dag.

FH-ingar í Póllandi

Dagný Þorgilsdóttir og Guðrún Ólafía Marinósdóttir hafa verið í Póllandi síðustu daga með U18 ára liði Íslands en þar spilaði liðið tvo æfingaleiki við heimamenn. Fyrri leiknum lauk með sigri Íslands, 38-32, en Pólverjar sigruðu þann síðari 26-24. Dagný skoraði tvö mörk í fyrri leiknum og eitt í þeim síðari. Eva Aðalsteinsdóttir var einnig með í för, þó ekki sem leikmaður heldur sjúkraþjálfari liðsins.

Við erum FH 🖤🤍

Eiður Rafn Valsson til FH

FH hefur komist að samkomulagi við Fram um kaup á hægri hornamanninum Eiði Rafni Valssyni og hefur hann gert þriggja ára samning við félagið. Eiður Rafn, sem fæddur er árið 2005, hefur verið einn öflugasti hægri hornamaður landsins undanfarin ár en hann skoraði 63 mörk í Olísdeildinni á síðasta tímabili. Eiður Rafn, sem lék með öllum yngri landsliðum Íslands, varð bæði Íslands- og bikarmeistari með Fram árið 2025.

“Við bjóðum Eið Rafn velkominn í FH. Við erum sannfærð um að hann smellpassi inn í okkar umhverfi og væntum við mikils af honum. Eiður er metnaðarfullur leikmaður sem kemur með hraða, baráttuvilja og gæði inn í FH-liðið. Við hlökkum til að sjá hann blómstra í FH-treyjunni næstu árin” sagði Ágúst Bjarni Garðarsson formaður handknattleiksdeildar FH við undirskriftina.

Við erum FH 🤍🖤

Einar Örn Sindrason hefur framlengt samning sinn við FH til næstu tveggja ára. Einar Örn, sem verður 25 ára á árinu, hefur spilað allan sinn feril með Fimleikafélaginu. Þrátt fyrir ungan aldur er Einar Örn orðinn einn reynslumesti leikmaður liðsins og á að baki 292 leiki í FH-treyjunni. Á síðasta tímabili skoraði hann samtals 57 mörk og gaf 53 stoðsendingar í öllum keppnum. Það er virkilega ánægjulegt að Einar Örn verði áfram með okkur næstu árin en hann hefur tvívegis orðið deildarmeistari með liðinu, einu sinni bikarmeistari og einu sinni Íslandsmeistari.

Við erum FH 🤍🖤

Símon Michael Guðjónsson hefur skrifað undir nýjan tveggja ára samning við handknattleiksdeild FH.

Símon Michael, sem hefur verið einn allra besti hornamaður deildarinnar undanfarin ár, gekk til liðs við FH sumarið 2023 en hann skoraði alls 155 mörk í öllum keppnum í vetur. Símon sem fæddur er árið 2002 varð Íslandsmeistari með vorið 2024 auk þess að verða deildarmeistari með FH 2024 og 2025.

Það er fagnaðarefni fyrir félagið að Símon hafi ákveðið að framlengja dvöl sína í Krikanum.

Við erum FH 🤍🖤

Vinstri hornamaðurinn Róbert Dagur Davíðsson hefur gert samning við Gróttu og mun leika með liðinu næstu tvö árin. Róbert Dagur, sem fæddur er árið 2005, er uppalinn FH-ingur og hefur verið í leikmannahópi FH-liðsins undanfarin ár er frá er talið tímabilið 2024-2025 er hann lék sem lánsmaður með liði Fjölnis í Olísdeildinni. Síðastliðið tímabili var Róbert Dagur lykilleikmaður ÍH, venslaliðs FH, í Grill 66 deildinni og skoraði þar 56 mörk.

Við óskum Róberti Degi velfarnaðar á nýjum stað og þökkum fyrir öll árin í FH.

Við erum FH🤍🖤

Thelma Dögg Einarsdóttir hefur spilað sinn síðasta leik fyrir FH í bili a.m.k. en hún mun í sumar flytja erlendis vegna anna á öðrum vígstöðvum.

Thelma Dögg gekk til liðs við FH í lok árs 2022 og stóð sig virkilega vel í FH-treyjunni þar sem hún með mikilli elju og dugnaði tók miklum framförum á hverju ári og sló rækilega í gegn á yfirstandandi tímabili þar sem hún varð markahæsti leikmaður FH-liðins með 161 mark í öllum keppnum.

Um leið og við þökkum Thelmu Dögg fyrir öll árin í FH þá óskum við henni góðs gengis í því sem framundan er og vonumst til að sjá hana aftur í FH-treyjunni fyrr eða síðar.

Við erum FH 🤍🖤

Elma Kolbrún Bjarnadóttir lék sína fyrstu landsleiki fyrir stuttu þegar U16 landslið Íslands spilaði tvo leiki gegn Færeyjum hér heima. Færeyjar unnu fyrri leikinn en Ísland þann síðari. Framundan er svo European Open í Gautaborg.

Til hamingju með fyrstu landsleikina 🇮🇸

Klárum þetta í dag!
Mæting 17:00 - koma svo🤝