Ashraf Al jawali

بعد مشاركتي في بطولة كولف كلاسك – دبي 2018 ضمن المنتخب الوطني، أصبح اسمي من الأقوى في الوسط الرياضي.
عدتُ للعراق جاهزًا للمنافسة، لكن جائحة كورونا أوقفت البطولات لعامين.

في 2021 عدتُ بقوة، وحققت المركز الأول في أقوى بطولة كلاسك فيزيك للمتقدمين بتاريخ العراق، لحظة صنعت اسمي ورسّخت موقعي بين نخبة الأبطال.
من بعدها، اقتصرت مشاركاتي مع المنتخب الوطني على البطولات الآسيوية والعالمية فقط، لتبدأ مرحلة الإنجازات القارية والدولية.

اليوم أرفع علم بلدي في كل محفل…
ورسـالتي لكل صاحب حلم: بالإرادة والمثابرة، المستحيل يصير واقع 🇮🇶💪

من إصابة… إلى تأخير… إلى تتويج.
كنت آخر واحد تطلع فيزته، وما بقى غير 30 يوم فقط للتحضير لأكبر بطولة دولية.
الضغط كان عالي، لكن قررت أقاتل.

دبي – Muscle Show | Gulf Classic 2018
أول مرة أمثل العراق ضمن المنتخب الوطني
أول مشاركة إلي بفئة Classic Physique
وأول وقفة على مسرح دولي بعد ما كنت أشارك داخل العراق بفئة Bodybuilding

وقفت وجهاً لوجه مع أبطال عالميين،
شفت ضخامة المنافسين… توترت، وقلت لمدربي بصراحة: ما راح أفوز
رد علي بكلمة كسرت كل الأعذار:
إذا ما تفوز، ما أدرب أحد بعدك.

من هاللحظة فعّلت شخصية البطل.
قاتلت… نافست…
وفزت على أبطال من أمريكا، إيران، مصر، الأردن وغيرهم.

أول مرة أنزل من المسرح والناس تطلب تتصور وياي،
وصلتني عروض رعاية، ووقعت أول عقد مع
Dorian Yates – Strong Nutrition
وتصورت ويا أساطير اللعبة:
روني كولمان، هادي شوبان، دوريان ييتس، فليكس ويلر.

والمفاجأة…
قناة العراقية حضرت لدبي وسوت مقابلة وياي وويا مدربي،
وصار الإنجاز حديث الجميع.

أنا ما شاركت ببطولة وبس…
أنا رفعت علم بلدي 🇮🇶

✨ بهذه البطولة حقق البطل أشرف الجوالي المركز الأول… لكن كانت مجرد بداية.

بعد التتويج بوزن 100kg، أدرك رئيس الاتحاد العراقي (د. فائز عبدالحسن) والمدرب الخاص لأشرف إن هيكل جسمه مناسب لـ الكلاسيك أكثر من البدي بيلدينغ…
ونصحوه يغيّر الخط 💡➡️🏆

أشرف أخذ النصيحة…
وبنفس السنة دخل المنتخب الوطني 🇮🇶 وشارك ببطولة Gulf Classic 🌍
وهناك حقق أفضل نتيجة بأول مشاركة دولية 🥇🔥
ورفع راية العراق بكل قوة 🇮🇶💪

ومن هنا…
بدأت إنجازات البطل تُكتب ✍️✨
وتاريخ جديد ينولد من جديد 🔥👑

هذا منو؟
إي… هذا روني كولمان، أسطورة مستر أولمبيا 🌍
لكن اللي واقف بصفّه منو؟
هذا البطل العالمي أشرف الجوالي 💪
بطل مستر أولمبيا للهواة،
ولاعب المنتخب العراقي،
ومن محافظة نينوى 🇮🇶

شخصية كسرت العراق بالألقاب ببطولات كمال الأجسام،
وظهر بالقنوات التلفزيونية والصحف،
وتناقلت إنجازاته كبرى الصفحات…
لأنه بكل بطولة يدخلها، يطلع منها رافع راس العراق 🏆

أشرف الجوالي فخر لكل عراقي،
وحاصد لعدد كبير من البطولات والألقاب العالمية 🌍

ترقبونا…
سلسلة قوية راح نسولف بيها عن كل بطولات وإنجازات
البطل أشرف الجوالي 🔥💪