好遊俠會社 - 株式

【Warhammer 超簡易新手體驗日】
想入坑 Warhammer 但成日覺得規則好複雜、模型好多、唔知由邊開始？一於搞個超簡易新手體驗日畀大家，令次專為未接觸過 Warhammer 或者想輕鬆試玩的朋友而設！

當日你可以：
• 體驗 Warhammer 40,000 或 Age of Sigmar 最入門玩法
• 認識不同陣營、兵種特色
• 試玩現場不同兵種，感受 Warhammer 世界魅力
• 參加油棋超簡易入門，體驗模型上色樂趣

我哋會用最簡單、最易明的方法帶大家一步一步玩，唔使怕複雜、唔使怕唔識，輕鬆試一次就知自己啱唔啱玩！乜都唔洗諗，帶個人上嚟就得～

📅 日期：5月1日
💰 報名費：$30
🎁 首十名報名新手，可獲贈 Warhammer 紀念品一份
⚠️ 名額有限，先到先得！

無論你係對 40k 有興趣，定係想認識 Age of Sigmar，今次都係一個超正嘅入門機會。

快啲DM報名，過嚟好遊俠試玩啦！

［好遊戲推介］Slay the Spire: The Board Game

自從Slay the Spire 2 推出了後，《Slay the Spire: The Board Game》再度成為好遊俠熱門開局之選，所以又再介紹一下！
這款完美改編的合作型牌組構築遊戲，大家需扮演不同角色，一邊爬塔、一邊強化自己的牌組，在戰鬥、事件與路線選擇之中慢慢變強。

這遊戲最吸引人的地方，是它保留了原作那種「每次開局都能走出不同 build」的樂趣。你會從一副起始牌開始，慢慢獲得新卡、遺物與各種能力組合，然後看著自己的牌組從普通一路成形，變得越來越順、越來越有爆發力。

實際玩起來，最有感的就是那種一路成長的節奏。前期你可能還在小心計算每一回合怎麼出牌，但到了中後段，當卡牌開始連動、角色能力開始發揮，就會很明顯感受到整副牌真的 build 起來了；而當原本快要撐不住的局面，最後靠一手關鍵牌或隊友配合成功救回來，那種成就感會特別強。

雖然它是合作遊戲，但過程不會太鬆，反而會讓大家一直討論：這條路值不值得走、這張卡該不該拿、這一場應該穩一點還是拚一次。對喜歡一起思考、一起面對壓力、一起打出漂亮連動的玩家來說，這款會很有投入感。重點是，Boardgame 版將Solo 的電玩版完美變成了多人遊戲！

遊戲詳情：
人數：1-4人
遊戲時間：約90-150分鐘
上手容易度：🌕🌕🌕 規則不算太難，但卡牌、敵人與角色節奏都需要玩一兩場才會更順。
畫面：🌕🌕🌕🌕 美術和整體風格都很有原作味道，代入感不錯。
重玩性：🌕🌕🌕🌕🌗 角色、卡牌、路線和事件都有變化，每次開局都能試出不同打法。
趣味性：🌕🌕🌕🌕 對喜歡牌組構築、角色成長和合作討論的玩家來說，過程很容易讓人一場接一場。

推薦類別：
很適合喜歡 deck-building、合作冒險、角色養成感和 combo 感的玩家。如果你喜歡那種前期鋪路、中段成形、後段爆發的遊戲節奏，這款會很對味。

圖：GGC/ BGG
文：社長Jack

#桌遊店 #香港桌遊

[好遊戲推介] Food Chain Magnate: Special Edition
《Food Chain Magnate》不是那種輕鬆開店的小品遊戲，而是一場壓力會一路堆高的快餐商戰。玩家要在城市地圖上展店、招募員工、打廣告、調整售價，再想辦法把需求真正轉成收入，最後建立出自己的連鎖餐飲帝國。

這款遊戲最迷人的地方，不只是「賣什麼」，而是你要先想清楚整間公司怎麼運作。從 CEO 往下擴編，請經理、廚師、收銀與行銷人員，每一步都會影響你的節奏，而 milestone 的搶先與否更常常直接拉開整局差距，實際玩起來，最有感的就是它那種很真實的市場競爭壓力。前幾回合看起來像是在慢慢鋪路，但一到中段，當需求被推起來、對手開始搶 milestone、搶客源或打價格戰，整個市場節奏會突然加速。

最痛的時候，往往是你明明都準備好了，卻只因為慢半步，整區客人就直接被對手吃走；但當你成功反過來掌握需求、把市場整塊收下來時，成就感也會非常強。

而這次的 Speical Edition, 等於Deluxe Edition 的版本也很有誠意，除了收錄本體，還包含《The Ketchup Mechanism & Other Ideas》擴充，並加入新美術、豪華木製配件與收納設計，整體桌面質感比舊版更完整。

如果你喜歡高互動、重規劃，而且很享受和對手正面對撞的經營遊戲，那它會是一款玩完很容易一直回想的作品。

遊戲詳情：
人數：2-5人
遊戲時間：約2-4小時
上手容易度：🌕🌕 規則架構其實不算混亂，但它非常吃前期判斷，對第一次接觸的玩家也有明顯壓迫感。
畫面：🌕🌕🌕🌕 新版美術與豪華配件讓整體桌面呈現更有份量。
重玩性：🌕🌕🌕🌕🌗 地圖變化、milestone 競速、不同員工路線，再加上擴充模組，讓每局的發展方向都能很不一樣。
趣味性：🌕🌕🌕🌕 對喜歡高互動經營、價格戰與市場博弈的玩家來說，它的緊張感和反超感都非常過癮。

推薦類別：
很適合重策略玩家、喜歡高互動經營對抗、商業模擬與長線規劃感的玩家。
如果你喜歡那種前面鋪路、中段爆發、後段每一步都很關鍵的遊戲節奏，《Food Chain Magnate》會很有魅力；但如果你想找的是輕鬆聚會遊戲，那它就會偏硬、也偏狠一些。

圖：GGC/ BGG
文：社長Jack

桌遊推薦 香港桌遊 台灣桌遊

📅好遊俠每週精選♟️

10/Mar (二） 19:00-23:00
🏌🏼‍♀️The Last of Us: Escape the Dark

11/Mar (三） 19:00-23:00
🏛️Epochs: Course of Cultures

12/Mar (四） 14:00-23:00
🎊Party Game Night

有興趣嘅朋友仔歡迎DM或加入我地WhatsApp Group報名啦！

#香港桌遊店

[好遊戲推介] 還不練腿!? Don’t Skip Leg Day 🏋🏻‍♀️🦵🏻

《還不練腿!?》係一款以Gym為主題嘅爆笑輕快card game，遊俠們係一位為健美比賽做準備嘅「師兄」，需要喺短短兩星期內瘋狂安排訓練課表，務求將上身💪🏻、下身🦵🏻、甚至打卡自拍📱都練到最強。

過程中大家會逐漸刻畫出屬於自己獨一無二嘅訓練課表，根據累積嘅各種訓練項目計分，各種組合可以組成唔同嘅combo效果。觀察對手日程都係重要嘅一環，同時亦都可以干擾對手。

不過❗️無論你幾鍾意Bench press、Pull-up有幾犀利、又或者幾沉迷增肌都好，如果你係全局之中練腿最少嘅一位的話 —— 對唔住，直接淘汰❗️所以大家要緊記Don’t skip leg day‼️

遊戲詳情：
人數：3–6人
遊戲時間：約15-20分鐘
上手容易度：🌕🌕🌕🌕🌕 簡單易學，重點在於輪抽機制及控制Leg day數量
畫面：🌕🌕🌕🌕 每張牌都係有關Gym嘅插畫，既搞笑又有活力！
重玩性：🌕🌕🌕🌗 輪抽加上明牌/暗牌玩法，增加左每局唔同嘅Read牌樂趣！
趣味性：🌕🌕🌕🌕 一邊笑人唔練腳又要一邊驚自己Leg day唔夠，過程輕鬆又爆笑！

推薦類別：
好啱搞笑型遊俠，以及鍾意輪抽玩法但想要輕鬆版氣氛嘅遊俠；如果對Gym有認識嘅話會有更多會心微笑嘅趣味！

圖：GGC
文：團長Hill

#香港桌遊 #香港桌遊店

Warhammer 40K - Kill Team

上一次介紹咗Darkwater 尼款獨立遊戲，今次就簡單介紹一下40K嘅分支遊戲 - Kill Team。

節奏爽快，策略更深！

Kill Team係GW為40K玩家提供嘅一個小規模對抗模式，喺一個22吋x30吋嘅戰場內雙方會使用1隊精英部隊進行類似象棋形式嘅對奕，者係雙方輪流行動1隻棋，直至所有棋都行動完，就會完1 round action。戰場變得更小型，令雙方更易進入對方嘅射程範圍，同時令防禦系統有別於大枱；玩大枱時擲save roll，係中幾多槍即擲多少save roll；但KT係射擊階段只能擲3粒防禦骰，而近戰更是雙方各揀1把近戰進行「互劈」，將短兵相接嘅場面活靈活現咁展現出嚟。

相比40K大枱嘅較大規模對抗，KT更易令遊俠們感受到「一子錯滿盤皆落索」。玩大枱嘅時候，同一個功能嘅隊伍可以入3隊，血量同火力亦可以靠增加隊伍人數嚟加強；反之KT嘅隊員選擇，擁有特殊功能嘅隊員只有1個且不能重覆，只要係場上死亡就無另一個隊員能夠代替到，因此喺遊玩策略上比較40K大枱更少容錯率。

「起兵」更快更易，容易「上大枱」！

KT大多隊伍都採取1盒成隊，只要遊俠有意玩KT，只需購入一盒就可以玩到，而且1盒5-11隻model，比Combat Patrol/ SpearHead更易起兵。暫時Kill Team截至2026年2月大概有46隊，包涵40K約23個種族，平均每族大概有2-3隊左右。只要凡係有意玩40K或已經玩緊40K嘅遊俠，KT隊伍必定有機會出現喺大家納入到大枱嘅軍表上。就依Space Marine 嘅隊為例，現時10版尾嘅軍表上都會經常出現2隊KT隊伍嘅身影 - Scout 同Phobos Strike Team（者係Infiltrator/ Incursor）。

睇到尼度，唔知各位有冇覺得Kill Team好吸引尼？！
有興趣就快啲約我哋試玩啦，若果有合心意嘅隊伍，亦可揾我地預購Warhammer產品！

圖片來源: ggclub，Warhammer community
文章：課(金)配件組組長光洙

#香港桌遊 #香港桌遊店

📅好遊俠每週精選♟️

03/Mar (二） 19:00-23:00
🎨油棋吹水Night

05/Mar (四） 19:00-23:00
🧟‍♂️Zombicide: White Death

08/Mar (日） 14:00-23:00
🔫Warhammer: 40,000

有興趣嘅朋友仔歡迎DM或加入我地WhatsApp Group報名啦！

#香港桌遊 #香港桌遊店

[好遊戲推介] 《Epochs: Course of Cultures》

《Epochs: Course of Cultures》係香港設計師 Jeffrey CCH 同本地遊戲工作室 Ice Makes 2024嘅心血結晶，將經典 4X（探索、擴張、開發、消滅）元素同文明發展完美融合，打造出一款兼具策略同跨越時代嘅中重型策略桌遊。遊俠帶領一個文明從石器時代發展至太空時代，一共經歷三個紀元：古代、中世紀、現代。每個時代都有獨特的發明卡牌，透過Invent、資源管理同軍事擴張，將自己文明帶向輝煌。

遊戲地圖板塊模組化，令每局地圖同資源分佈都唔同，90張跨時代發明卡（從輪子到互聯網）令策略選擇豐富多變，完美呈現文明演進嘅宏大敘事。每張手牌/放係市場卡牌代表「即將到來嘅發明」，每回合從下個時代抽一張，再從當前時代手牌中選擇一張打出。卡有兩種用途：立即效果：即時獲得資源、行動或戰鬥加成；永久效果：放入文明板，形成長期引擎。亦都可以唔打卡，改為棄牌換取兩個行動，令文明拓展到更多嘅地區。

評分

策略深度：🌕🌕🌕🌕🌕 5/5—遊戲決策層次豐富：發明卡嘅發動及使用時機、文明發展路徑、軍事衝突嘅戰術佈置、地圖控制與資源分配等。設計師成功將複雜系統整合成流暢體驗，令人讚嘆。

互動性：🌕🌕🌕🌕🌗4.5/5–軍事衝突同資源競爭提供充足互動，同時保留策略空間，避免純粹破壞性對抗。

上手難度：🌕🌕🌕🌗3.5/5–作為重策4X 遊戲，學習曲線較陡，但清晰嘅玩家輔助板同結構化回合流程有助新手上手。

總結：
《Epochs: Course of Cultures》係香港桌遊設計嘅驕傲，Ice Makes 用實力證明咗香港設計師喺國際舞台嘅競爭力。呢隻遊戲完美融合咗文明發展、4X 策略同引擎建設，策略深度驚人，重玩性極高，係重度策略玩家嘅必試之作。強烈推薦俾鍾意重型策略遊戲嘅遊俠；以及想支持香港桌遊設計，支持本地創意產業嘅港人。想玩嘅就黎GGC試玩啦！

圖片來源: ggclub
文章：課(金)配件組組長光洙

#香港桌遊 #香港桌遊店

Warhammer Quest— Darkwater

今次講嘅係GW為AOS系列推出嘅一個獨立遊戲 - Darkwater。一隻經典地下城冒險遊戲，主打回合制策略戰鬥與角色成長。你將會聯同最多三位好友扮演唔同嘅英雄，共同淨化被腐化嘅Jade Abbey。遊戲過程上會獲得不同戰利品，助你完成任務，最終挑戰最強大的敵人- Nurgle 嘅將領Gelgus Pust。

今次推出嘅Darkwater 同以往Quest 唔同嘅係 - set up嘅方便性。Darkwater 今次係地圖set up 採用大型硬皮本，唔再用版塊式地圖，set up及玩法都一再簡化，令遊戲過程更絲滑流暢，新手亦可以極速上手，完成一場遭遇戰，繼而完成一個campaign。

Darkwater不單止帶來一個冒險，更為AOS嘅Nurgle 玩家帶來不少新Model。除咗Darkwater 內嘅英雄無法係AOS大枱上用外，其他嘅慈父子孫均可上大枱玩。不論係想喺AOS世界參與冒險定係為左Nurgle 新棋，Darkwater 都值得入手。有興趣就快啲聯絡我哋訂購啦！

圖片來源: ggclub，Warhammer community
文章：課(金)配件組組長光洙

#香港桌遊店

📅好遊俠每週精選♟️

25/Feb (三） 19:00-23:00
🧸玩偶騎士團

26/Feb (四） 19:00-23:00
🐙Death May Die

28/Feb (六） 14:00-23:00
🖼️Modern Art

有興趣嘅朋友仔歡迎DM或加入我地WhatsApp Group報名啦！

#香港桌遊店

[好遊戲推介] ONE SHOT 一擊即中 🎯💬

🎯《ONE SHOT 一擊即中》係 .hk 2026嘅全新作品，除左係香港原創外，仲係集「猜詞＋投注」於一身嘅party game，市面罕見！
玩家唔需要靠運氣，而係憑智慧同膽量投注落自己同朋友嘅聯想力及默契，一個提示就足夠贏走Jackpot! 🎰

每局輪流由一位玩家做估題者，抽取一個關鍵詞後，其他人就根據自己理解去提供有限嘅提示，務求令估題玩家可以「一擊即中」估到正確答案。而且所有人都需要用籌碼落注，除左可以鬥快買俾提示嘅位置外，仲可以落注買會喺邊區估中或者到最後都估唔中！估題玩家估中就會同押中位置嘅人一齊得到獎金，估錯就下局再努力啦！

遊戲詳情：
人數：4–10人
遊戲時間：約30分鐘
容易上手度：🌕🌕🌕🌕🌕 規則極易上手，難度取決於其他人俾嘅提示🤣
畫面：🌕🌕🌕🌕🌕 版面設計充滿嘉年華味道，加上Deluxe版極有質感嘅Metal Coins，畫面💯！
重玩性：🌕🌕🌕🌕 大量關鍵詞+每次唔同嘅提示狀況令重玩性大增！
趣味性：🌕🌕🌕🌕🌕 猜詞、講提示、賭朋友估唔估得中，成場game笑聲不斷！

推薦類別：
好啱鍾意猜詞遊戲又想有啲賭局感覺、成枱嘴炮互動嘅遊俠；特別適合新年或各種party聚會等多人場合，可以即時炒熱氣氛！🎊

#一擊即中 #香港桌遊 #香港桌遊店