🇭🇰廣東話六隻，花生呢就兩茶匙，仲有啲粗口添！
⚽️足球channel有好多種，不過唔係個個都啱你follow。
📮 歡迎DM collab
☕️ 請我飲茶G持一波：buymeacoffee.com/gonghaball
⚠️ 本台只有FB IG YT Threads，絕對冇任何大陸平台！
般奴發威 助紅魔大數葉士域治
曼聯上場出閘脫腳爆冷輸波，今場返到奧脫福再戰升班馬一洗頹風，憑住新鮮出爐嘅英格蘭足球先生般奴連中三元兼交出1個助攻，幫球隊以5:2大勝葉士域治，敲響英超勝鼓。
今場曼聯錄得33次射門，進攻火力驚人，係近10年球隊喺英超嘅紀錄。
下場將會作客對愛華頓。
#英超 #曼聯 #葉士域治 #般奴
熱刺再負紐卡素 兩連敗跌落榜尾
繼上場揭幕戰0:3輸俾賓福特之後，熱刺今場表現繼續低迷，返到主場都幫唔到手，0:2輸俾紐卡素，再次全失3分。
熱刺今季狂洗3億磅買人，但開季兩場波全敗兼零入球，對中幾位球員包括李察利臣已經表明想離隊，新加盟嘅球員又未能融入球隊，前境不容樂觀，迪沙比今季將會面對非常嚴峻嘅考驗。
#英超 #熱刺 #紐卡素 #迪沙比
夏L卓基起孖 曼城2連勝
曼城乘住上場反勝嘅氣勢，今場作客水晶宮憑着夏蘭特同重返正選嘅卓基各自梅開二度，4:1大破對手。開季兩戰兩勝，登上榜首。
夏L中意食燒味都唔係咩秘密，但片中提到嘅支竹火腩卷絕對係another level sh*t。想知林克大廚同個卷到底係咩來頭，去戲院睇吓咪知囉！
《廚師發辦》現正發辦中 🎬
👉🏻https://hkmovie6.com/movie/ec10bcf1-4584-4519-8197-b302db616692
廚師發辦
Amos WHY 黃浩然
#英超 #曼城 #水精宮 #夏蘭特 #廚師發辦
夏L寸頭look賀馬sir回歸首勝
曼城新球季首戰，驚濤駭浪之下於比賽末段7分鐘內連入兩球反勝般尼茅夫，取得後哥迪奧拿時代嘅首個3分，別具意義。
曼城贏波，最多人討論嘅唔係新帥馬利斯卡，唔係後備入替交出兩個助攻嘅功臣桌基，唔係入波絕殺嘅法迪奧，而係以新髮型示人嘅夏蘭特。
雖然今場冇波入，但剪去咗標誌性嘅長髮，夏蘭特仍然球迷們談論嘅焦點。
#英超 #曼城 #般尼茅夫 #夏蘭特
紅魔出閘脫腳 爆冷負候城
曼聯上季季中由卡域克接手後，無論成績定士氣都有顯著進步，令一眾曼迷對新球季好有憧憬。
可惜紅魔未能延續上季嘅強勢，喺英超揭幕戰作客升班馬侯城爆冷以0:2輸波，全失3分。
今場曼聯球員明顯不在狀態，心態、速率、同侵略性都不及候城。下半場換入多位進攻球員，但想谷都谷唔起，全場有威脅埋門少之有少，最終輸波收場。
#英超 #曼聯 #候城 #卡域克
阿仙奴揭幕戰大勝高雲地利
兵工廠英超首場旗開得勝，3蛋贈升班馬高雲地利，盡顯王者霸氣。
阿仙奴今場極速入局，23分鐘已經領先2:0。加上下半場開波4分鐘，隊長奧迪哥特入多球提早殺死比賽，最終以3:0完場。
除咗英超開咗波之外，仲有同步開鑼嘅好戲《廚師發辦》上畫。港吓波嘅手足今次有福喇，因為戲入面嘅林克大廚請大家睇戲，送出 10 張《廚師發辦》換票證呀！
參加方法：
1. Like 呢個 Post
2. 留言答呢個問題「用一道餸形容你愛隊，點解？」
3. Tag 1位你想一齊睇戲嘅朋友
截止日期：8月25日 23:59
小編會揀出 5個最有創意嘅答案，每位可獲《廚師發辦》換票證 2張！🎟️🎟️
註：
1. 每個合資格參加者只限參與活動及得獎一次。
2. 港吓波將於 8月27日前於 IG 及 Facebook Story 公布得獎結果，並透過私訊（Direct Message）方式向得獎者發送得獎通知及領獎詳情。
3. 得獎者須完成以上所有指定參加步驟，並於指定時間內回覆確認，否則港吓波有權取消其得獎資格及安排後補得獎者。
4. 換票證不得轉售或兌換現金。
5. 如有任何爭議，港吓波保留最終決定權。
#英超 #阿仙奴 #高雲地利 #阿迪達 #廚師發辦
季前港吓波 - 利物浦篇
英超就開波，壓線講埋利物浦。紅軍今季改由伊拉奧拿接手，加上幾位老大哥包括沙拿同羅拔臣等亦相繼離隊，球隊正式進入重建期。
伊拉奧拿喺般尼茅夫已經證明咗自己，今季嚟到利物浦，就睇吓佢會點發辦同可唔可以將久違嘅「重金屬足球」重新注入球隊，取得成功。
其實重建一隊波同煮餐好飯一樣，食材貴唔代表一定好食，最緊要識得點將手上嘅材料發揮到最好，簡單嚟講即係睇餸食飯，呢樣嘢正正就係伊sir嘅強項。
講開食嘢，中意食好西嘅手足，千其唔好錯過同英超同步開鑼嘅好戲《廚師發辦》。戲入面除咗有滿滿嘅好西放送之外，仲用美食串連幾位角色嘅感情同人生，chill chill哋，貼地又夠本土，值得支持。
《廚師發辦》8月21日 準時發辦 🎬
廚師發辦
Amos WHY 黃浩然
#英超 #利物浦 #伊拉奧拿 #廚師發辦
阿仙奴3蛋贈曼城奪慈善盾
兵工廠延續上季奪冠勇態，喺慈善盾清風送爽3:0完勝曼城，先奪一冠，為新球季打響頭炮。
阿仙奴今季保留上季奪冠班底，再加入幾位高質新援後實力再升級，其中索利斯今場更加交出兩個助攻，成為贏波功臣。
星期五晚深夜嘅英超揭幕戰，阿仙奴將會喺主場迎戰升班馬高雲地利。
#慈善盾 #阿仙奴 #曼城 #阿迪達
曼城慈善盾慘負阿仙奴
球季即將開始，曼城正式進入後哥迪奧拿時代。
馬利斯卡第一場正式比賽領軍曼城就出師不利，喺慈善盾淨吞阿仙奴3蛋，完全被技術性擊倒，加上幾位主力包括施華同洛迪相繼離隊，今季前景不容樂觀。
#慈善盾 #曼城 #阿仙奴 #夏蘭特
維拉負巴黎失歐洲超級盃
愛美麗上季帶領維拉勇奪歐霸盃，今場歐洲超級盃迎戰目前地上最強嘅PSG雖然憑17歲小將馬祖一度追和，但最終被杜爾突破越位射入致勝球輸波，失落今屆嘅歐洲超級盃。
#歐洲超級盃 #阿士東維拉 #巴黎聖日耳門 #艾瑪利 #愛美麗