Coach_Arthur.C

「Squat 係一個工具，唔係目的。」
好多人開始健身之後，都會將 Squat 當成必做動作。

但其實，Squat 只係其中一個訓練工具。

如果你想增加下肢力量、提升運動表現，Squat 確實係一個好選擇。

但如果因為活動度不足、舊患、訓練經驗或目標唔同而做得唔理想，

並唔代表你一定要硬做落去。

訓練最重要嘅唔係完成某一個動作，而係達到訓練目的。

有時候 Split Squat、Step-up、Trap Bar Deadlift，

甚至其他變化式，都可能比 Back Squat 更適合你。

記住：動作係工具，目標先係重點。

💭💭💭
好多人一做唔到標準 Squat，就會覺得自己唔適合做 Squat。

但問題未必係 Squat。

Squat 需要腳踝活動度、髖關節活動能力、核心穩定性同身體協調配合。

當其中一個環節未準備好，身體自然會用其他方法代償，

最後出現重心不穩、膝頭不適、腰背壓力增加等情況。

所以我唔會急住叫學生蹲得更深，

而係先了解：你而家缺少嘅係活動度？ 定係控制能力？ 定係力量基礎？

訓練唔係勉強自己完成一個動作，而係建立完成動作所需要嘅能力。

問題唔係 Squat，係你未準備好做 Squat。

💭💭💭
好多人一開始做 Gym，都會將 Squat 當成必做動作。

但 Squat 真係適合所有人嗎？
Squat 確實係一個好動作，可以訓練下肢力量、穩定性同協調能力，

但唔代表每個人現階段都適合直接做。

有啲人因為腳踝活動度不足、髖關節控制欠佳，甚至曾經受過傷，

強行追求標準 Squat，最後練到嘅未必係力量，而係代償同壓力。

訓練嘅重點從來唔係做某一個動作，而係達到訓練目的。

有時候 Step-up、Split Squat，甚至 Goblet Squat，

可能比 Back Squat 更適合你。

記住動作冇高低之分，只有適唔適合。

「感覺好，會點樣影響你判斷？」
好多人會用「感覺」去判斷自己有冇進步，

今日順、今日輕鬆，就覺得自己狀態好、能力提升。

但其實呢啲只係短暫反應，會受到疲勞、

動作熟悉度甚至心理影響。真正嘅進步，

唔係一日嘅舒服，而係長期表現有冇穩定提升。

如果你只係追感覺，好容易停喺同一個水平，

因為你不斷做緊自己已經熟悉嘅嘢。

————————————

「感覺好 ≠ 表現好」
訓練入面，好感覺好容易呃人，好表現先係答案。

有冇試過，訓練完感覺好爽、好順、好有 feel？
直頭覺得自己變咗超級撒亞人？
——————

練到攰＝有效？
做運動攰，係正常反應，體力在消耗。

但如果你用攰唔攰去定論訓練有無效，咁就未必正確啦。

訓練是要累積能力，唔係累積疲勞。
——————

唔攰＝冇效?
千祈唔好咁諗，練到攰死都未必係好事。
訓練係要自己仲頂得住，唔係要練到再無力動彈，
我會覺得，訓練強度不能影響下一次嘅訓練，
亦不能因為練到力竭，要休息好多日影響整體訓練量。
——————