月瀧龍舟隊

月瀧龍舟隊 月瀧招人！月瀧要人呀！！！
如果你想跟一個為你仆心仆命的頂級教練？想有一班出生入死的隊友😂？加入我哋月瀧💪💪💪

月瀧係2026年先成立，好開心大Paul Sir肯出山，收我哋做最後的門生，佢 唔嫌棄我哋年紀大，資質差，每個星期五都天若有情咁揸住個棉羊仔來教我哋🙏

29/08/2026

失敗沒有打沉我哋， 我們將心中嘅憤怒及不甘化為一團火，從新出黎， 除了重訓， 我們更加強core的訓練，為下一個比賽準備！

27/08/2026

經過幾日的沉澱，小編的心情算好點了。

剛剛8月23日的 觀塘龍舟比賽，月瀧是有參加的，月瀧第一場初賽後，24支龍舟隊排名第9，第二場初賽後我們以第15名的成績晉身銀杯決賽，我們排出最強的陣容，可惜，抄手在未準備好的情況下，司令員開始了比賽，抄手跌低了，我們射抄了，射完左再射右，抄手奮力捉返住支抄再修正，終於喺賽情過了一半後，我們重回正軌。月瀧每一個扒手都没有放棄，槳頻同力量全程冇減下扒至終點，雖然，我我們結果都係包尾，但我們已追回好多好多，同第7名只差0.2X秒，同冠軍只差兩秒幾，我們輸了，比賽就是比賽🥲

一個比賽嘅失敗，我們全隊人都有責任，我們會檢討，從今次失敗嘅經驗去吸取教訓，我們相信我們係得嘅，下一場比賽我們會做得更好！會向大家展示我們真正的實力！

18/08/2026

月瀧都有男隊員㗎，大Paul教練當然會優待佢哋啦😎

12/08/2026

決賽，第5線

經過兩場計分賽，月瀧以第十名嘅成績晉身銀杯決賽。坦白，我哋兩場計分賽嘅成績都唔太理想，我哋真係冇信心有三甲，尤其當我哋去到召集處時， 發現我哋嘅對手全都是非常年青的小姑娘，而月瀧有超過半數嘅隊友都超過60歲😜，大家仲不斷互相安慰， 第六名都有獎盃㗎😆，加油呀！

兩名頭妖暉仔同阿琪互相提醒，要定好個槳頻，要帶頭做好落腰，深槳！

尾妖就係兩名士氣擔當，嗌聲大過入產房生仔嘅Grace同Stella。

好辛苦入到線，頭兩pair仲要不停打頭😵。鳴槍一響， 姊妹們就搏命向前扒，作為鼓頭嘅小編，feel到好齊力啊，隻船chok吓chok吓咁上，數到第40下左右，教練就喺後面指示要畀力發圍，Grace同Stella 就開始嗌，小編唔敢週圍望呀，一路大力雙手打鼓，一路大嗌有呀，有呀，過終點後，我望向教練，教練豎起一隻手指示意我哋第一😱，我哋完全唔敢相信😨，嗰一刻真係喊咗出嚟😭，呢種興奮真係幾多錢都唔會買到！

＃鳴謝毛記直播同剪輯
＃鳴謝麗姐贊助參賽費用

11/08/2026

第二場計分賽，第6線

經過第一埸嘅失敗，教練即改變策略，減慢槳頻，強烈要求大家要見腰！要深槳！

成績改善咗少少，尾二😅

教練話呢場扒得好！一鼓勵完我哋就埋頭研究，決賽究竟要點部署呢？

所有隊員靜靜休息，乖乖等待教練的指示， 飲住由 Michelle為大家買的寶礦力，食住Janice 為大家辛苦由馬鞍山捧過嚟嘅大西瓜同Grace為大家 炮製的雞翼，鹵水蛋同冰菠蘿😆

＃繼續鳴謝毛記直播🙏
＃鳴謝Janice的大西瓜
＃鳴謝michelle提供飲品

11/08/2026

第一場計分賽，第3線

月瀧第一場比賽，第一次喺大澳扒，第一次扒小龍。

我哋好早就去到召集處，但大會叫我哋等一等，話我哋隻龍舟要維修，右手邊二三妖附近刮手，我哋唯有等， 但其他隊伍已經到哂起步點。當大會維修好後（搵嘢貼住刮手的部分 ）， 我哋馬上登船並划向起步點，大會司儀不斷叫我們的隊名， 話大家已經等咗我哋好耐🙄， 搞到我哋好尷尬，唔明白點解佢哋唔知道我哋的龍舟有問題呢😵

唔知關唔關呢個意外事，定我哋完全唔適應，完全扒唔出水準來，包尾！

一上水，教練就鬧我哋完全做唔出平時練習嘅嘢，即時檢討，變陣， 改變策略。

＃鳴謝毛記直播🙏

月瀧出賽啦，月瀧終於第一次比賽，月瀧今年年頭成立，在大Paul Sir嚴格訓練咗幾個月，8月9日是我們第一次出賽。第一場計分賽我哋包艇，教練馬上同我哋檢討，改變策略， 他要我哋將槳頻減低，提醒我哋一定要落腰同深槳，第二場計分賽，我哋名次改善...
10/08/2026

月瀧出賽啦，月瀧終於第一次比賽，月瀧今年年頭成立，在大Paul Sir嚴格訓練咗幾個月，8月9日是我們第一次出賽。

第一場計分賽我哋包艇，教練馬上同我哋檢討，改變策略， 他要我哋將槳頻減低，提醒我哋一定要落腰同深槳，第二場計分賽，我哋名次改善了，尾二😅，只能晉級銀杯決賽，坦白 ，我哋根本冇信心取得三甲，但我哋點都要搏盡，我哋個個都唔想教練失望，右頭妖暉爺話齋：我哋次次訓練都舉重，冇理由唔夠力。

我唸全場嘅人，包括我哋自己都跌曬眼鏡，第一次出賽嘅月瀧，兩場計分賽都包曬艇嘅月瀧居然可以勝出銀杯賽💪

昨日月瀧嘅操練，近乎全體出席，坐滿一隻大中龍， 足11啤！全體著住新隊衣影大合照，好叠馬！仲嚟咗一個新朋友， 一個健碩美女，Wing， 月瀧歡迎你🥳🥳🥳
23/07/2026

昨日月瀧嘅操練，近乎全體出席，坐滿一隻大中龍， 足11啤！

全體著住新隊衣影大合照，好叠馬！

仲嚟咗一個新朋友， 一個健碩美女，Wing， 月瀧歡迎你🥳🥳🥳

16/07/2026

實舉100Kg，即兩個小編，主席，你好勁呀！！😎

Address

香港
Hong Kong

Website

Alerts

Be the first to know and let us send you an email when 月瀧龍舟隊 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category