MatchLive

🎉【2024年重磅消息】🌟 Supercell宣布同ESL FACEIT Group合作，為Snapdragon Pro系列帶來全新Brawl Stars錦標賽！
比賽將於3月全球啟動，直到11月嘅世界總決賽。🏆

👉今次嚟自唔同國家嘅頂尖隊伍將匯聚一堂，角逐最終榮耀。Supercell與ESL FACEIT Group今次嘅合作，唔只提升Brawl Stars嘅全球影響力，亦為電競踏出重要里程碑！

#電競

隨著VR、AR及遊戲嘅進步，虛擬運動市場預計將喺2033年達到728億美元嘅驚人增長。呢個領域嘅發展受到互聯網普及、移動設備廣泛使用、仲有圖形同模擬技術進步所推動。

足球作為領先嘅虛擬運動，加上北美喺技術基礎設施同線上賭博法律接受度方面有優勢，預示著市場發展蓬勃。呢個趨勢不單展現虛擬運動作為娛樂嘅潛力，亦凸顯科技係塑造未來運動同娛樂方式上嘅關鍵角色。

【 葵青區青年活動頒獎禮2024 】
MatchLive感到非常榮幸可籌備呢次活動，除了回顧葵青民政處的活動，仲有多個精湛的才藝表演！
期待年青人繼續為夢想而奮鬥，在人生舞台上發光發亮🌟

想知我哋MatchLive之後有咩動向？記得繼續Follow啦！

#葵青 #葵青區 #頒獎典禮

電競熱潮進襲女性市場
2023年觀看直播時間逾2800萬小時
強勢衝擊傳統觀念

2023年剛剛結束，對於參與電子競技嘅女性嚟講，必然係一個標誌性嘅年份，因為愈來愈多女性留意同參加各項電競賽事，累計所有比賽嘅總觀看時間更激增至2800萬小時，增加咗接近15%，可見女性電競市場正不斷擴大。

喺去年第32屆東南亞運動會上，最受女性歡迎嘅賽事就係女子電子競技項目，透過轉播累積636萬小時觀看量，單單喺女子Mobile Legends: Bang Bang決賽嘅影片，已經吸引咗137萬觀眾收看，佔據當時全球所有女子Mobile Legends觀看量嘅70%，緊隨其後已經係落後近100萬小時觀看量嘅VCT 2023: Game Changers Championship，可見東南亞運動會成功帶動女子電競熱潮，更加普及。

值得一提嘅係，Twitch係2023年最受女子電競歡迎嘅直播平台，佔所有賽事轉播總觀看時數約56%，作為網上影片平台嘅YouTube直播，就佔大概34.1%，其餘觀眾則分散係NimoTV、Trovo、Kick同其他串流服務平台。至於直播語言方面就有明顯變動，原本最受歡迎嘅印尼語就比英語所取代，後者嘅轉播數量大幅增加近48%，反而印尼語就急挫接近25%，但仍然力壓葡語排喺第二，正好用數據說明女子電競並非再係東南亞國家專利，成功喺歐美市場立足。

未來女子電競發展，確實值得我哋嘅期待！

熱愛運動嘅大家，相信肯定會喺以前上體育堂，或者係屋企樓下嘅石枱打過乒乓波，無論你係初學者水平嘅「滴滴仔」，定係擅長Chok上旋、下旋嘅高手，都會體驗過呢項講求極快反應、體力兼備，同時你來我往嘅傳統運動，但有無諗過其實都可以用科技演繹，甚至係打國際比賽呢？

喺今年年中奧運電競週期間，VR乒乓球就被國際奧委會列入為示範項目，兩名對手喺台上戴上VR眼鏡，喺「隱形乒乓球枱」進行即場對決，現場觀眾仲可以用上帝視角觀看成個比賽進程，絕對不比傳統乒乓球為遜色，更重要喺VR乒乓毋需區分性別、年齡等條件，只要順利掌握各項技巧都可以遊玩，新手同樣有機會擊敗乒乓高手。

正正係奧運電競週VR乒乓比賽嘅圓滿舉行，令國際乒聯(ITTF)更有決心力推VR乒乓，日前會長蘇寧(Petra Sörling)宣布明年會舉辦一連串VR乒乓嘅國際大賽，佢話：「VR乒乓協助我們將乒乓項目推進至全新高度，塑造多元發展願景，特別在科技配合下，未來電競發展將會更見成熟。」

作為新興運動，VR乒乓球發展仍處於起步試驗階段，而我哋MatchLive都曾經喺去年嘅VIVA動藝節，擺放過VR乒乓嘅遊戲攤位，當時都有幾位港隊代表過嚟試玩架。

希望未來香港都有代表VR乒乓國際大賽啦！

科技進步，引領各個傳統體育項目步向虛擬化，基本上足不出戶都可以體驗到運動嘅刺激同魅力，相信大家都會對虛擬單車、虛擬賽車同虛擬賽艇等好有認識，今次就同大家介紹項目嘅主角 - 室內高爾夫球。

港人若然要打高爾夫球，可能要去到郊外嘅高爾夫球場，或者喺高爾夫球練習球道打波，無可否認喺地點方面確實有一定制肘。而近年高爾夫球界就衍生全新概念 - 室內高爾夫球，技術團隊透過計算機情景模擬技術，將真實嘅高爾夫球球場模擬在投影機上，同時透過傳感器收集球手的力量、弧度等數據，而球手會採用真實嘅高爾夫球及球桿打波，如同置身真實球場訓練同比賽。無論係近至粉嶺哥爾夫球會球場，以至係各個歐美著名球場，都可以近在咫尺隨時隨地體驗樂趣，

值得一提嘅係，近年香港都有各式各類嘅虛擬高爾夫球比賽，就好似過去兩年香港高爾夫球總會同電競總會合辦嘅2021、2022電競高爾夫球錦標賽，吸引咗好多本地高爾夫球球手參加，好似港隊女將譚亦晴都曾經參與，冠軍得主仲可以獲得參加香港公開賽、香港女子公開賽嘅入場劵添，引證高爾夫球都可以走入虛擬化，引領運動成為新潮流。

各位英雄聯盟發燒者，相信大家對南韓選手Faker率領嘅T1戰隊第四度勇奪世界冠軍嘅表現仍然歷歷在目！

呢位二十七歲世界級好手最近就收穫另一個重要榮譽，事關佢喺上個星期四喺美國舉行嘅Esports Awards 2023，成功入圍年度PC最佳電競選手，最後更以大熱姿態封王，雖然Faker最後並未現身頒獎禮親自領獎，佢仍然有拍下得獎感言片段答謝支持者：「感謝咁多位自己我嘅朋友，以及觀看過世界賽直播嘅每個人，我承諾會繼續努力做到最好！」值得一提嘅係，除咗Faker所屬嘅T1同時獲得年度最佳電競戰隊之餘，由Riot製作、以Faker為藍本嘅紀錄短片《Faker：A decade of greatness》同樣成功摘下年度最佳電競內容獎，絕對係今次Esports Awards嘅大贏家！

主要獎項名單：
* 年度最佳電競內容：Faker：A decade of greatness（Riot 製作）
* 年度最佳教練：POTTER（特戰英豪）
* 年度最佳 Play：MONESY（CS:GO)
* 年度最佳電競遊戲：特戰英豪
* 年度最佳 PC 遊戲電競選手：Faker（英雄聯盟）
* 年度最佳電競手機遊戲：無盡對決
* 年度最佳手機遊戲電競選手：MOHAMED LIGHT（部落衝突:皇室戰爭）
* 年度最佳突破選手：DEMON1（特戰英豪）
* 年度最佳控制器遊戲電競選手：HYDRA（決勝時刻）
* 年度最佳電競遊戲發行商：Riot Games
* 年度最佳電競戰隊：T1
* 年度最佳電競組織：TEAM VITALITY
* 年度最佳主持人：WAVEPUNK
* 年度最佳分析台賽評：GASKIN
* 年度最佳即時賽評：UBER
* 年度最佳電競分析師：AEVILCAT（特戰英豪）
* 年度最佳推廣電競人物：DISGUISED TOAST
* 年度最佳電競記者：RICHARD LEWIS
* 年度最佳電競直播主：RIVERS_GG
* 年度最佳電競 Cosplay：AKEMIKUN
* 年度最佳電競製作團隊：ESL FACEIT GROUP
* 年度最佳電競創意獎：SESO
* 年度最佳電競內容創作者：S8UL ESPORTS
* 年度最佳電競創意團隊：PAPER CROWNS
* 年度最佳電競支援服務獎：PRODIGY AGENCY
* 年度最佳電競報導平台：ESPORTS CHART

武術同科技到底點樣結合呢？

喺過去星期五同星期六，九龍城廣場就舉行咗九龍城中西武林薈萃嘉年華，我哋MatchLive就提供咗VR配備作為技術支援，仲有集合咗傳統武術元素嘅全新AR遊戲，比大家體驗虛擬運動嘅力量！

想知我哋MatchLive之後有咩動向？記得繼續Follow啦！

科技同體育，可以話係息息相關，近年更衍生咗一種名為數智競技嘅項目，結合VR(虛擬實境)、AR(擴增實境)、MR(混合實境)等多種虛擬技術，並套用喺體育競技身上，好似喺月中舉行嘅杭州亞運會數智競技表演賽，港隊就成功喺《XR數智競技 鋼鐵突襲》摘得銀牌，為本港嘅數智競技發展寫下新一頁！

相信大家都有玩過War Game，能夠親自手持玩具槍枝射擊命中對手目標，可以話相當刺激。而今次港隊勇奪銀牌嘅《鋼鐵突襲》項目，就同虛擬版本嘅War Game甚為相似，玩家置身於擂台，同時身穿數智裝備、手持槍枝同戴上VR眼鏡，務求擊中對手目標得分，可惜嘅係港隊最終以盤數1:3僅負飲恨得亞軍，但至少讓更多港人認識呢項新興運動項目，刺激發展。

值得一提係另一個項目《機械人數智競技 終極戰甲》，顧名思義就係參加者機械人進行格鬥，相當刺激。

#數智競技

積極推動本港虛擬運動發展，向來係我哋MatchLive嘅責任

好似喺過去嘅星期六，油麻地聖公會諸聖中學舉辦咗開放日，而MatchLive就借出虛擬單車嘅器材同設備，俾當區中、小學生感受單車嘅速度與激情！

想知道更多電子競技、虛擬體育嘅消息，記得繼續關注MatchLive啦！

恭喜晒阿Chris，希望決賽你都會好成績啦！

電競大賽可以話接踵而來！

繼本月國際奧委會公布會研究創辦電競奧運會之後，中東國家沙特阿拉伯就喺日前宣布全新電競比賽計劃，明年夏天將會喺首都利雅得舉辦電競世界盃(Esports World Cup)。

當然要趁呢個機會介紹吓電競世界盃嘅背景，今次賽事係由沙特首相穆罕默德一手籌劃，原意希望帶動國家成為全球頂級電競及遊戲中心。為咗吸引世界級選手參加呢項盛事，主辦單位都施展銀彈攻勢，比賽獎金都幾可肯定會刷新歷屆賽事嘅紀錄。根據媒體嘅報導，今次電競世界盃將會設有十二個項目，包括《DOTA2》、《PUBG》、《CS:GO》，以至係前身《FIFA23》嘅《FC》系列，可以話包羅萬有，而賽事總獎金更有機會高達4500萬美元，絕對係價值連城。

值得一提嘅係，現時效力沙特聯賽嘅球王C朗拿度，都有出席之前嘅今次電競世界盃嘅發布會，為今次活動全力造勢。以呢位超級球星嘅魅力，相信都好大機會成為今次電競世界盃嘅代言人之一，甚至不排除喺大賽期間客串打電競，各位朗迷記得留意啦！