სლექლაინი არის ვარჯიში წონასწორობაში, კონცენტრირებაში , ბალანსირება ბრტყელ „ნაჭერზე“ , როგორც წესი გამოიყენება ნეილონის ან პოლიესტერის ქსოვილი, რომელიც გაჭიმულია ორ სტატიურ ობიექტს შორის (ხე, ბოძი, კლდეში დარტყმული “შლამბური).
სლექლაინი, კარგად დაჭიმული ბაგირისგან (ნანახი გექნებათ ცირკში) იმით განხსვავდება რომ, „სლექს“ აქვს გარკვეული ელასტიურობა, რის შედეგადაც წონოსწორობის დაცვა გაცილებით რთულდება
, რადგან მარტივად რომ ვთქვათ „სლექი“ ფეხებს ქვემოდან გაგირბის. ეს ელასტიურობა ასევე ხელს უწყობს მასზე სხვადასხვა ილეთების გაკეტებას, რადგან ბიძგის გაკეთებისას ბატუტის ეფექტს გრძნობთ, რაც საშუალებას გაძლევთ ახტეთ, დატრიალდეთ, ან თუნდაც სალტო გააკეთოთ...
სლექლაინი სულ უფრო და უფრო პოპულარული ხდება მსოფლიოში, იგი მარტივად და სწრაფად „იჭიმება“ რაც ხელს უწყოფს მის გამოყენებას თითქმის ნებისმიერ ადგილას, პარკი იქნება ეს თუ ზღვისპირას პალმები...
„სლექის“ როგორც სპორტის სახეობის განვითარებასთან ერთად გამოიკვეთა რამოდენიმე მიმდინარეობა:
Urbanlining - ქუჩაში, პარკებსა თუ სკვერებში (ქალაქში) გაჭიმულ სლექზე სიარული
Tricklining - სლექზე ილეთების კეთება, ხტომები, სალტოები, ჩაჯდომები
Waterlining - წყლის ზედაპირზე გაჭიმულ, სლექზე ვარჯიში, მისი პლიუსი უდავოა, სლექიდან გადმოვარდნისას როგორც წესი საერთოდ უვნებელი რჩები
Highlining - ყველაზე ექსტრემალური და ადრენალინით სავსე მიმდინარეობა, რადგან სლექლაინი სიმაღლეზე იჭიმება. ფეხის დაცდენის შემთხვევაში, „სლექერი“ ანუ სლექლაინზე მოსიარულე, დაცვის ამარა რჩება. დაცვა მოიცავს დაცვის ქამარს, თოკს და სპეციალურ ალპინისტურ რგოლს, რომელიც თვით სლექლაინზე მოგყვება სიარულისას. ასევე მსოფლიოში არიან სლექერები, რომლებიც თავბრუდამხვევ სიმაღლეებზე დაცვის გარეშეც დადიან, რაც ერთი ორად ზრდის შეგრძნებებს სიარულისას, რადგან უკვე სიკვდილს ეთამაშები. Slackline Yoga - საინტერესო და საკმაოდ რთული მიმდინარეობა, სლექზე ხდება იოგას ვარჯიში, სხვადასხვა „ასანების“ კეთება, რაც წონასწორობის დაცვასთან ერთად რთული შესასრულებელია. Freestyle slacklining - ამ მიმდინარეობაში, სლექლაინი ორ წერტილში კი არის დაფიქსირებული მაგრამ, მისი მოჭიმვა არ ხდება (მხოლოდ ოდნავ, შუაგულში მიწას რომ არ დაედოს სიარულისას), იგი ძალიან მოშვებულია, სიარულისას წონასწორობის შენარჩუნება უაღრესად რთულდება.
Want your business to be the top-listed Gym/sports Facility in Tbilisi?
