Dao - დაო ფსიქო-სოციალური განვითარების ცენტრი

🌍 1 ივნისს ბავშვთა დაცვის საერთაშორისო და მშობელთა მსოფლიო დღე აღინიშნება 👶💙

🧠 „ორი ყავა, ორივე დარიჩინით": როდესაც ორი ტვინი ისე ფიქრობს, როგორც ერთი 🧠

ახლო მეგობრების ტვინები ერთსა და იმავე გამღიზიანებელზე თითქმის იდენტურ ნეირონულ პატერნებს ავლენენ. უცნობების - არა.
სტატია განიხილავს, რა მექანიზმი დგას ამ სინქრონიზაციის უკან და რატომ არ არის ეს დამთხვევა. 📄

💭ალბათ გქონია მომენტი, როდესაც გიგრძვნია, იცი რას ფიქრობს შენი მეგობარი; დაგისრულებია მისი წინადადება; ფილმის ერთი და იგივე სცენის ყურებისას ერთად შემკრთალხართ ან, ერთად გიცინიათ რაღაცაზე უსიტყვოდ.
თუ ეს დამთხვევა გეგონა, ცდები! თუ ამ საკითხზე საერთოდ არ დაფიქრებულხარ, მოდი, ერთად ჩავჭყიტოთ ტვინს. 👇

🔬 „ტვინთაშორისი სინქრონირება"
ტვინის შემსწავლელ მეცნიერებაში, ნეირომეცნიერებაში, არსებობს ასეთი ტერმინი - „ტვინთაშორისი სინქრონირება". ეს არის მოვლენა, როდესაც ორ ან მეტ ადამიანს შორის ტვინის აქტივობა კოორდინირებულად მიმდინარეობს. მეტიც, ამ პროცესს ნეირონული კავშირების ხანგრძლივ ცვლილებამდეც მივყავართ, რასაც ტვინთა შორის პლასტიურობა უზრუნველყოფს.

⚡ ტვინთაშორის სინქრონირება აღინიშნება მაშინ, როდესაც ნეირონული სიგნალების გაგზავნა წყვილდება სპეციფიურ სიხშირეზე.
📡 აღნიშნული ეფექტის გაზომვა FMRI, EEG ან FNIRS-ით ხდება.
ამ დროს მეცნიერები გამოყოფენ ორ ეფექტს:
🎬 სტიმულით მართულს (მაგ.: ფილმის ყურება)
💬 ინტერაქციულს (საუბარი, მზერითი კონტაქტი, პრობლემის ერთობლივად გადაჭრა)

🎬 სტიმულით მართული ეფექტი
ფუნქციური მაგნიტურ-რეზონანსული კვლევა (FMRI) აჩვენებს, რომ ერთი და იგივე ფილმის ყურებისას, ახლო მეგობრების ტვინებს უცნობი ადამიანების ტვინებისგან განსხვავებით, აქტივობის თითქმის იდენტური პატერნები აქვთ. სწორედ ეს მექანიზმი მუშაობს, როცა შენ და შენი მეგობარი ფილმის სიუჟეტზე ერთნაირად რეაგირებთ.

👀 ინტერაქციული ეფექტი
ერთი მზერაც საკმარისია და ორივე სიცილით კვდებით!
💡 ტვინების ემოციური გადამუშავება ერთმანეთს ემთხვევა: ტვინის ერთი და იგივე რეგიონები თითოეულ თქვენგანში ერთნაირად „ინთება", როგორც კი ერთსა და იმავე მომენტს ერთნაირად ინტერპრეტირებთ.
გამოდის რომ სოციალური ინტერაქციის განმავლობაში ტვინთაშორისი სინქრონულობა ტვინის აქტივობის დროებითი დაწყვილებაა. ესაა გაზიარებული ყურადღების, ემოციური თანხვედრისა და კოორდინირებული ქცევის ნეირონული მექანიზმი, რომელიც ტვინებს აძლევს შესაძლებლობას, როგორც წყვილმა ისე იმოქმედოს. მეცნიერები კი ამ ყველაფერს ჰიპერსკანირებით იკვლევენ.

სინქრონულობას ბევრი რამ განაპირობებს, ცხადია, მაგრამ ახლა მინდა ყველაზე უცნობი რაღაცეები გითხრა. მოემზადე, "ცუდი სიტყვები" უნდა ვთქვა - ტვინის რეგიონები! 🧠

🏷️ ამ პროცესებში მონაწილეობას რამდენიმე უბანი იღებს:
🔹 პრეფრონტალური კორტექსი, კერძოდ დორსოლატერალური და მედიალური მხარეები, რომლებიც მაღალი დონის სოციალური კოორდინაციის პროცესებში, გაზიარებულ ყურადღებასა და ემოციურ რეგულაციაშია ჩართული
🔹 ტემპოპარიეტალური კვეთა - გადამწყვეტია „მენტალიზაციისთვის" ან სხვა ადამიანის პერსპექტივებისა და განზრახვების გაგებისთვის
🔹 ქვედა ფრონტალური ხვეული, ქვედა პარიეტალური ლობულა - ამ უკანასკნელს მეცნიერებმა სარკისებრი ნეირონული სისტემა უწოდეს

💚 ასე რომ, შენ, რა თქმა უნდა, იცოდი შენი და შენი მეგობრის ამბები, მაგრამ, დღეიდან ისიც გეცოდინება თუ რა ნეირონული მექანიზმები დგას თქვენი სინქრონული ემოციების, აზრების, ფიქრებისა და ქცევების უკან.

⏳ რაც მთავარია, არ დაგავიწყდეს, რომ, ამ პროცესებში გადამწყვეტია დრო და ერთად გატარებული მომენტები.

„ხარი ხართან რომ დააბა, ან ზნეს იცვლის, ან ფერსაო" — კაი უთქვამს თავის დროზე მთქმელს, არა?! 😄

✍️ ავტორი: აკაკი უტიაშვილი - კლინიკური ფსიქოლოგი, SFBT ფსიქოთერაპევტი, ფსიქოკონსულტანტი

——————————————
✍️ თუ ხარ ფსიქოლოგი, ფსიქოთერაპევტი ან დარგის სპეციალისტი და გსურს შენი აკადემიური პოსტი განთავსდეს ჩვენს გვერდზე, მოგვწერე 📩
[email protected]

🌟 დღის, კვირის და ცხოვრებისეული შეხსენება დაოსგან. 🤩

📌 💬 "ჩვენ გვჭირდება დღეში 4 ჩახუტება გადარჩენისთვის, 8 - ნორმალური ცხოვრებისთვის, ხოლო 12 - ზრდისთვის." ვირჯინია სატირი - ოჯახური ფსიქოთერაპიის ერთ-ერთი მთავარი თეორეტიკოსი 😉😊

#დღისშეხსენება #ფსიქოლოგია #ფიქოთერაპია #დაო

✨ ქვეყნის თავისუფლება შენი თავისუფლებით იწყება!

გილოცავთ საქართველოს დამოუკიდებლობის დღეს! 🌸🕊️

🟢 მაისი - ფსიქიკური ჯანმრთელობის ცნობიერების ამაღლების თვეა 🟢

იმისთვის, რომ ფსიქიკურ კეთილდღეობაზე ზრუნვა ყოველდღიური ცხოვრების ნაწილი გამხდარიყო, მსოფლიომ დიდი გზა გაიარა.
მოდი, ერთად გადავხედოთ ისტორიას, თუ როგორ იქცა მაისი მენტალური ჯანმრთელობის ცნობიერების ამაღლების თვედ. 🧠

🕰️ დავბრუნდეთ 1949 წლის აშშ-ში
მეორე მსოფლიო ომი ახალი დასრულებულია. პოსტტრავმული სტრესი (PTSD), შფოთვა და დეპრესია მასობრივ ხასიათს ატარებს. ზუსტად ამ დროს, ორგანიზაციამ Mental Health America (MHA) დაარსა ფსიქიკური ჯანმრთელობის კვირეული, რომელიც მოგვიანებით მთელ მაისის თვეზე გავრცელდა.

🎯 MHA-ს სამი მთავარი მიზანია
🔹 დამოკიდებულების შეცვლა
ფსიქიკური გამოწვევების მქონე ადამიანების მიმართ საზოგადოებაში არსებული სტიგმის მსხვრევა და მიმღებლობის გაზრდა.
🔹 სერვისების გაუმჯობესება
მენტალური ჯანმრთელობის სფეროში არსებული მომსახურების ხარისხის ამაღლება და მისი ხელმისაწვდომობის გაზრდა.
🔹 პრევენცია
ფსიქიკური პრობლემების ადრეული პრევენცია და საზოგადოებაში მენტალურ კეთილდღეობაზე ზრუნვის ხელშეწყობა.

📅 გზა ცნობიერების ამაღლებისკენ
🗓 1908-1909 — საწყისები
კლიფორდ ბირსმა საკუთარ გამოცდილებაზე დაწერა წიგნი, რომელმაც საზოგადოებას ფსიქიატრიულ სისტემაში არსებული რეალობა დაანახა. შეიქმნა ფსიქიკური ჯანმრთელობის პირველი ამერიკული ორგანიზაცია (MHA).
🗓 1949-1953 — კამპანიის დაწყება
ორგანიზაციამ საფუძველი ჩაუყარა საინფორმაციო კვირეულს მენტალური ჯანმრთელობის შესახებ.
🗓 1970-1990 — მედია და საჯაროობა
კამპანიები ტელევიზიასა და პრესაში გავრცელდა, რამაც ხალხს დეპრესიასა და შფოთვაზე ღიად საუბრისკენ უბიძგა.
🗓 2014 - დღემდე — პრევენციის ერა
აქცენტი გადავიდა პრობლემის ადრეულ მართვაზე, რის გამოც ამ თვეში აქტიურადაა შეთავაზებები უფასო ონლაინ-ტესტებზე (სკრინინგები) და სტრესის მართვის სახელმძღვანელოებზე.

🌍 გლობალური სტატისტიკა
მსოფლიოში ყოველი მე-7 ადამიანი (1.1 მილიარდი) ფსიქიკური აშლილობით ცხოვრობს.
😰 შფოთვითი აშლილობები - 359 მილიონი ადამიანი (აქედან 72 მილიონი ბავშვი და მოზარდია)
😔 დეპრესია - 280 მილიონი ადამიანი (აქედან 23 მილიონი ბავშვი და მოზარდია)
🔄 ბიპოლარული აშლილობა - 37 მილიონი ადამიანი (აქედან 3.8 მილიონი 10-19 წლის მოზარდია)
🧩 შიზოფრენია - 23 მილიონი ადამიანი (გლობალურად ყოველი 345 ადამიანიდან 1; მათი სიცოცხლის ხანგრძლივობა საშუალო მაჩვენებელზე 9 წლით ნაკლებია)
🍽️ კვებითი აშლილობები - 16 მილიონი ადამიანი (აქედან თითქმის 3.4 მილიონი ბავშვი და მოზარდია)
ციფრები გვიჩვენებს, რომ პრობლემა უნივერსალურია და ის პირდაპირ თუ ირიბად, ყველას გვეხება.

💚 მაისის თვეში მსოფლიო სოლიდარობას სხვადასხვა ფორმით გამოხატავს
🌐 გლობალური საინფორმაციო ტალღა
საერთაშორისო ორგანიზაციები ერთიანდებიან და ყველასთვის ხელმისაწვდომს ხდიან ფსიქოგანათლების უფასო რესურსებს.
🏃 სოლიდარობის მარათონები
მთელ მსოფლიოში ეწყობა მასშტაბური მსვლელობები, რომლებიც მიზნად ისახავს ადამიანების გაერთიანებას, მხარდაჭერასა და სტიგმის მსხვრევას.
🟢 მწვანე სიმბოლიკა
მსოფლიოს წამყვანი შენობები მწვანედ ნათდება, ადამიანები კი მხარდაჭერის ნიშნად მწვანე ლენტებს ატარებენ.

💬 მაისის თვის კამპანიის მთავარი მიზანია სტიგმასთან ბრძოლა, თანაგრძნობის გამოხატვა და აღიარება, რომ არ არსებობს ჯანმრთელობა მენტალური კეთილდღეობის გარეშე.

✨ ამ წლის სლოგანი: „მეტი კარგი დღე ერთად" 💚

✍️ ავტორი: ლიზა ვეკუა -კლინიკური ფსიქოლოგიის მაგისტრი, SFBT ფსიქოთერაპევტი

🥳 დაო 3 წლისაა! 🥳

🩷 ჩვენი დაბადების დღის ფართი 🩷

#დაო #ფსიქოთერაპია

🌟 კურსზე - ფსიქოკონსულტირების ხელოვნება:თეორიული და პრაქტიკული ასპექტები რეგისტრაცია დაიწყო🏃‍♀️‍➡️

⭕ 4 მოდული, ⭕ 14 კვირა, ⭕ 128 საკონტაქტო საათი

შემოგვიერთდი თუ ხარ:
🔹 ფსიქოლოგიის ან მომიჯნავე დარგის სტუდენტი ან კურსდამთავრებული
🔹 სამედიცინო სფეროს წარმომადგენელი
🔹 სოციალური მუშაკი
🔹 პრაქტიკოსი ფსიქოლოგი
🔹 ფსიქოთერაპევტი
🔹 ფსიქოკონსულტანტი
🔹 ფსიქიატრი

🤩 საინტერესო თეორიული მასალა და უამრავი პრაქტიკა ☑️

მოდულები:
📌 შესავალი ფსიქოლოგიურ კონსულტირებაში
📌 დიაგნოსტიკა და შემთხვევის კონცეპტუალიზაცია
📌 აქტუალური ფსიქოლოგიური კონცეფციები
📌 პრაქტიკული მუშაობის ტექნიკები

კურსის დეტალური აღწერა იხილეთ აქ: 👉 https://drive.google.com/file/d/12w526FJOmz0Kg7IfqmrnOcfqubnGHgDL/view?usp=drive_link

📅 დასაწყისი — 18 აპრილი | რეგისტრაცია — 13 აპრილამდე
💳 საფასური — 1400 ₾ (1200 ₾ — ერთიანი გადახდით ან 1+1 აქციით)
⚠️ ადგილები შეზღუდულია — მაქს. 12 მონაწილე

📝 სარეგისტრაციო ბმული პირველ კომენტარში 🩷

#დაო #სასწავლოკურსი

🤩 დღეს დაოს დაბადების დღეა! 🥳🥳🥳

მადლობა თითოეულ დაოელს, თითოეულ მომხმარებელსა თუ გამომწერს ნდობისთვის, გვერდში დგომისთვის და სიყვარულისთვის! 🤩🩷🩷🩷

#დაო