Wild_tmt9

ამის ძილი😂
მთელი ღამე გული მისკდება ხოარ გადმოვარდება და ხოარ დაასკდება იატაკს 😂

მათე 😂
და მე რა პატარა ვარ და ქერა 😂

ძაან უნდა რომ ხატვა ისწავლოს🥹

წერილი მომავალ დედამთილს 💌

ერთი რამ მინდა თავიდანვე იცოდეთ — ის, რომ შვილები მყავს, ჩემი ნაკლი არ არის. პირიქით, ისინი ჩემი ცხოვრების ყველაზე მნიშვნელოვანი ნაწილია და ვინც ჩემს ცხოვრებაში შემოდის, ამ რეალობასაც პატივი უნდა სცეს.

თქვენც ერთ დროს ჩემნაირი ქალი იყავით — ახალგაზრდა, საკუთარი ცხოვრებით, სურვილებით, შეცდომებითა და არჩევანით. ამიტომ ყველაზე მეტად სწორედ თქვენგან ველოდები არა განსჯას, არამედ ქალურ სოლიდარობას. მხოლოდ იმიტომ, რომ თქვენ რაღაცის ატანა მოგიწიათ, არ ნიშნავს, რომ მეც იგივე უნდა გავიარო. ცუდი გამოცდილება ტრადიცია არ არის, რომელიც რძლიდან რძალს უნდა გადაეცეს.

ერთი ძალიან მარტივი რამ დაიმახსოვრეთ: რაც უფრო კარგად მომექცევით მე, მით უფრო ბედნიერს ნახავთ თქვენს შვილს. და როცა სახლში სიმშვიდე, პატივისცემა და სიყვარული იქნება, ბედნიერები იქნებიან თქვენი შვილიშვილებიც. ჩემთან ბრძოლით თქვენს შვილს ვერ დაიცავთ — პირიქით, ორ საყვარელ ადამიანს შორის ჩააყენებთ.

და კიდევ — საერთოდ არაფერი დაშავდება, თუ „დედას“ არ დაგიძახებთ. დედა უკვე მყავს. თქვენ შეგიძლიათ ჩემთვის იყოთ ძალიან ძვირფასი, პატივსაცემი და ახლობელი ადამიანი ისე, რომ ამისთვის სახელის დარქმევა არ იყოს საჭირო. პატივისცემა სიტყვით კი არა, დამოკიდებულებით იზომება.

მე თქვენს ოჯახში ადგილის წასართმევად არ მოვდივარ. ჩემს ადგილს ვქმნი — თქვენს შვილთან ერთად. და თუ ამ ადგილს სიყვარულით მიიღებთ, სანაცვლოდ იმავე სიყვარულსა და პატივისცემას მიიღებთ ჩემგან.