Halaba Tube

የኢትዮጵያ እግር ኳስ ፌዴሬሽን የአሰራር ክፍተትና የዝውውር ስርዓቱ መላላት .!

​በሀገራችን እግር ኳስ ውስጥ በየጊዜው የምንታዘባቸው አሰራርን የጣሱ ድርጊቶችና የተጫዋቾች ዝውውር ምስቅልቅሎች የስፖርቱን እድገት ወደኋላ እየጎተቱት ይገኛሉ።

ከቀናት በፊት ለአዲስ አዳጊው ሀላባ ከተማ በይፋ ተፈርሞ ማልያ የለበሰው የግራ መስመር ተከላካዩ ፣
ሳምንት እንኳ ሳይሞላው ዛሬ ደግሞ ከቀድሞ ክለቡ ወልዋሎ አዲግራት ዩኒቨርሲቲ ጋር ውሉን ማራዘሙ ይፋ ሆኗል።

​ይህ ድርጊት የተጫዋቹን ሙያዊ ስነ-ምግባር አጠያያቂ የሚያደርግ ከመሆኑም በላይ፣ በዋናነት የኢትዮጵያ እግር ኳስ ፌዴሬሽን (EFF) ዘመናዊ፣ ግልጽና ጠንካራ አሰራር ባለመዘርጋቱ ምክንያት የተፈጠረ ትልቅ የስርዓት ውድቀት ማሳያ ነው።

​ዋና ዋና የአሰራር ጥሰቶችና ድክመቶች
​የዲጂታል እና የተማከለ የመዝገብ ስርዓት (TMS/CAMS) ማነስ፦
አንድ ተጫዋች ከአንድ ክለብ ጋር ውል ሲፈራረም ወዲያውኑ በፌዴሬሽኑ የመረጃ ቋት (Database) ውስጥ ተመዝግቦ የዝውውር ሂደቱ ሕጋዊ ጥቃሜ ማግኘት ሲገባው፣ የህጋዊ ምዝገባ ስርዓቱ መላላት ተጫዋቾች በአንድ ጊዜ የሁለት ክለቦችን ማልያ ለብሰው እንዲታዩ እድል ፈጥሯል።

​የተጫዋቾችና የኤጀንቶች ሙያዊ ኃላፊነት ማጣት፦
ተጫዋቾች ለፈረሙበት ውልና ለሰጡት ቃል ኪዳን ተገዢ አለመሆናቸው፣ እንዲሁም የክለቦችን የገንዘብና የጊዜ ድካም የፕሮፌሽናሊዝም እጥረት መኖሩን ያሳያል።

​የተጠያቂነትና የጠንካራ ቅጣት አለመኖር፦
ፌዴሬሹ በድርብ ውል (Double Contracting) እና በውል መጣስ ዙሪያ አፋጣኝ፣ ግልጽና የማስተማሪያ ውሳኔዎችን የማያስተላልፍ ከሆነ፣ ክለቦች ለፋይናንስ ብክነትና ለስነ-ልቦናዊ መረበሽ መጋለጣቸው ይቀጥላል።

የ J Sport ​መደምደሚያ፦
የኪሩቤል ወንድሙ አጋጣሚ ለኢትዮጵያ እግር ኳስ ፌዴሬሽን ትልቅ የማቂያ ደወል ነው። ፌዴሬሽኑ ሕግና ደንቦችን በጥብቅ የማስፈጸም፣ የዝውውር መስኮቱን በአስተማማኝ ቴክኖሎጂ የመቆጣጠር እና እንዲህ ባሉ ህገ-ወጥ ድርጊቶች ላይ ጠንካራ እርምጃ የመውሰድ ኃላፊነቱን በአስቸኳይ መወጣት አለበት። አለበለዚያ የሊጉ ተሰማኝነት እና የክለቦች ህጋዊ ከበሬታ አደጋ ላይ መውደቁ አይቀሬ ነው።

የሀላባ ከነማ ግብ ጠባቂውን ውል አራዘመ!!!

ባሳለፍነው ውድድር ዓመት ከሀላባ ከነማ ጋር ድንቅ ግዜን ያሳለፈው ግብ ጠባቂ አባቱ ጀርሶ ከሀላባ ከነማ ጋር የሚያቆየውን ውል አራዝሟል።

የኳስ ስፔሻሊስቱን ትልቅ ዜና እየጠበቅን ነው
Tsega D Royal Fam

ሀላባ ከነማ የነባር ተጫዋቾቹን ውል ማራዘሙን ቀጥሏል!!!
​በአዲሱ የውድድር ዘመን ጠንካራ እና ተፎካካሪ ቡድን ለመገንባት የቅድመ ዝግጅት ስራዎቹን አጠናክሮ የቀጠለው ሀላባ ከነማ የአዳዲስ ተጫዋቾች ዝውውር ጎን ለጎን የነባር ተጫዋቾቹን ውል በማራዘም ላይ ይገኛል።

​በዛሬው ዕለትም የሶስት ቁልፍ ተጫዋቾቹን ውል ያራዘመ ሲሆን ውላቸውን ካራዘሙት ውስጥም ሰይድ ግርማ፣ አብዲልከሪም ራመቶና ክሩቤል ፍቅረማርቆስ(ሳከር) ይገኙበታል።

​ክለቡ በቀጣይ ዓመት በውድድሩ ስኬታማ እና ጠንካራ ተፎካካሪ ለመሆን የሚያስችሉትን የተለያዩ ዝግጅቶች በተጠናከረ መልኩ ቀጥሏል።

በሀላባ ቁሊቶ ከተማ አስተዳደር የክረምት ወራት እግር ኳስ ሻምፒዮና በድምቀት ጀምሯል።

ሐምሌ 25/2018 ዓ.ም በሀላባ ቁሊቶ ከተማ አስተዳደር የክረምት ወራት እግር ኳስ ሻምፒዮና በዛሬው ዕለት በድምቀት ጀምሯል።

የሀላባ ቁሊቶ ከተማ አስተዳደር ከንቲባ ክቡር አቶ ገመዳ መሀመድ በቦታው በመገኘት የዕለቱን ጨዋታ አስጀምረዋል።

በዚህ መክፈቻ ጨዋታ ከ15 ዓመት በታች ቀይ ዛላ ከዋንጃ አቻው ጋር እየተጫወቱ ይገኛሉ።

በአጠቃላይ በዚህ ጨዋታ ከ30 በላይ የእግር ኳስ ቡድኖች የሚሳተፉ ስሆን ብቃት ያለቸውን ተጨዋቾች ለማፍራት ትልቅ አቅም እንደሚፈጥር ተገልጿል።

በመክፈቻ ጨዋታ ቀይ ዛላ ዋንጃን 4 - 2 በሆነ ውጤት አሸነፈ።

በሀላባ ቁሊቶ ከተማ አስተዳደር የክረምት እግር ኳስ ሻምፕዮና ውድድር በዛሬው ዕለት መጀመሩ ይታወሳል።

በዚሁ መክፈቻ ጨዋታ የቀይ ዛላ ከ15 ዓመት በታች ቡድን ከዋንጃ አቻው የተጫወተ ስሆን ጨዋታው በዛላ 4 - 2 በሆነ ውጤት ተጠናቋል።