Buna Furniture

አርጀንቲና ስዊዘርላንድን በማሸነፍ ወደ ግማሽ ፍፃሜ ተሸጋገረች

በ23ኛው የዓለም ዋንጫ አርጀንቲና ስዊዘርላንድን 3ለ1 በማሸነፍ ወደ ግማሽ ፍፃሜ ተሸጋግራለች።

በካንሳስ ሲቲ ስታዲየም በተደረገው ጨዋታ አሌክሲስ ማካሊስተር ለአርጀንቲናን ፣ ዳን ንዶይ ደግሞ ለስዊዘርላንድ ግብ አስቆጥረው መደበኛው 90 ደቂቃ 1ለ1 ተጠናቋል።

ጨዋታው ወደ ጭማሪ 30 ደቂቃ ሲያመራ ሁሊያን አልቫሬዝ እና ላውታሮ ማርቲኔዝ አስቆጥረው ጨዋታው በአርጀንቲና 3ለ1 አሸናፊነት ተደምድሟል።

በጨዋታው አጥቂው ብሪል ኢምቦሎ 72ኛው ደቂቃ ላይ በሁለት ቢጫ በቀይ ካርድ ከሜዳ መውጣቱ ስዊዘርላንድን ዋጋ አስከፍሏል።

የ2022ቱ የኳታር ዓለም ዋንጫ አሸናፊዋ አርጀንቲና በግማሽ ፍፃሜው ከእንግሊዝ ጋር ትጫወታለች።

#አርጀንቲና #ሜሲ

አርሰናል ግብ ጠባቂ አስፈረመ
አርሰናል ከሊድስ ዩናይትድ በቅርቡ የለቀቀውን ግብ ጠባቂ፣ ኢላን መሊሬን በነፃ ዝውውር አስፈረመ።

​በሊድስ ዩናይትድ ቤት ሰባት የውድድር ዘመናትን ያሳለፈው መሊሬ፣ 215 ጨዋታዎችን በማድረግ ክለቡ ወደ እንግሊዝ ፕሪምየር ሊግ እንዲያድግ ትልቅ እገዛ አድርጓል።

ባለፈው የውድድር ዘመን ማጠናቀቂያ ላይ ውሉ መጠናቀቁን ተከትሎ ክለቡን መልቀቁ ይታወሳል።

​የእርሱ ወደ መድፈኞቹ ቤት መምጣት ከዳቪድ ራያ እና ኬፓ አሪዛባላጋ ጎን ለጎን የአርሰናልን የግብ ጠባቂ አማራጮች ይጨምራል።

በተጨማሪም ይህ ዝውውር ከወጣቱ እንግሊዛዊ ግብ ጠባቂ ቶሚ ሴትፎርድ ተጨማሪ የመጫወት ዕድል እንዲያገኝ፣ ለቀጣዩ የውድድር ዘመን በውሰት ውል ለቆ እንዲወጣ ያደርገዋል ተብሎ ይጠበቃል።

#አርሰናል #ዝውውር

የጉማሬሽ አርሰናል ዝውውር
#አርሰናል 💞😘👑🙌

አርሰናል ፒዬሮ ሂንካፒዬን በቋሚነት አስፈረመ

አርሰናል ፒዬሮ ሂንካፒዬን ከባየር ሌቨርኩሰን በውሰት ካመጣበት ውል ላይ የነበረውን ቋሚ የማድረግ አማራጭ (option) ተግባራዊ አድርጓል።

​ተከላካዩ ባለፈው ክረምት ከሌቨርኩሰን በውሰት አርሰናልን የተቀላቀለ ሲሆን፣ ክለቡ ከ22 ዓመታት በኋላ ለመጀመሪያ ጊዜ የፕሪሚየር ሊግ ዋንጫን እንዲያነሳ አግዟል።

​ስካይ ስፖርትስ ኒውስ እንደተረዳው ከሆነ፣ ለሂንካፒዬ የተከፈለው የዝውውር ዋጋ 34.5 ሚሊዮን ፓውንድ ገደማ የ24 ዓመቱ ተከላካይ የ5 ዓመት ኮንትራት ፈርሟል።

​ሂንካፒዬ ባለፈው የውድድር ዓመት በሁሉም ውድድሮች 39 ጨዋታዎችን ለአርሰናል ያደረገ ሲሆን፣ አርሰናል እና ፓሪስ ሴንት ዠርሜንን (PSG) በተጋጠሙበት የሻምፒዮንስ ሊግ ፍፃሜ ጨዋታ ላይም በቋሚነት ተሰልፎ ተጫውቷል።
​ #አርሰናል #የዝውውርዜና #ፒዬሮሂንካፒዬ #የእንግሊዝፕሪሚየርሊግ