Elsonny Swimming Team

كل عام وانتم بخير وتقبل الله منا ومنكم صالح الاعمال

ومحدش يتقل ف الفته واللحمه هه عشان بعد العيد راجعين التمرين 🤣
🏊🏊

كل شوية حد يسأل
“ينفع ابني يتعلم سباحة من 8 شهور؟ أو سنة؟

الإجابة اللي مش هتعجب ناس كتير 👇
اللي بيحصل في السن ده مش تعليم سباحه ده تعويد مائي فقط من الاخر انت منزل حماده المايه تنيمه وتلعب معاه شويه 😅

الطفل في العمر ده بيعتمد على حاجة اسمها منعكسات
زي إنه يكتم نفسه أول ما وشه يلمس الميه بس طبعا
المنعكسات دي مؤقتة وبتختفي مع الوقت ومش أمان نعتمد عليها ف شغلك وطبعا لازم أماكن ومدربين متخصصين

يعني إيه؟
يعني الطفل في السن دا مش هيتعلم سباحه ومش آمان حتى لو شكله بيعوم

🔴 المشكلة الأكبر بقى عندنا ف السويس
مفيش بيئة مجهزة للأطفال في السن ده لا حرارة ميه مناسبة ولا نسب كلور آمنة ليهم ولا تجهيزات أمان حقيقية ومع ذلك في أماكن بتشغل الأطفال عادي جددا

🔴 رسالة للمدربين قبل أولياء الأمور
اللي بيغطس طفل ويطلعه ويقول بنعلمه سباحه ده مش تدريب دي مخاطرة أي خطأ بسيط ممكن ميه تدخل الجهاز التنفسي
وممكن تعمل مشكلة انت في غنى عنها تماما
مش كل طفل بيكتم نفسه ومش كل مرة المنعكس بيشتغل جالك اشتراك السن دا قول مش شغال فيه وانصحه مش عيب لكن مش تفرح بمبلغ ايا كان ايه هو مقابل روح انت ممكن تكون سبب في إنهاء حياتها

🔴 ورسالة لكل ولي أمر
متنبهرش بالفيديوهات ولا بالكلام
واسأل قبل ما تنزل ابنك:
✔️ المكان مهيأ للسن ده فعلاً؟
✔️ المدرب معاه شهادات معتمدة؟
✔️ فاهم الفرق بين التعويد والتعليم؟
ومن حقك تشوف الشهادات بنفسك من الجهات المختصة عشان تطمن إن اللي ماسك طفلك شخص مؤهل بجد
#منقول
وده راي الشخصي الي بنصح بيه وهفضل انصح بيه
بلااااااش نضحي بالسن الصغير ونمشي ورا كلام المدربين والفيديوهات المنتشره علي السوشيال ميديا

تقبل الله منا ومنكم صالح الاعمال 🩵
كل عام وانتم بخير
و عيد سعيد عليكم باذن الله 🩵🏊💪

..أصعب حاجة فى مهنة التدريب إنك تحاول تعلم حد مش عاوز يتعلم أو تتعامل مع ولى أمر فاكر إن المدرب مصنوع من حديد..وأكتر حاجة تحرق الدم لما تيجى تشتكى لولى أمر وتقوله ابنك مهمل أو مبيعملش الى عليه يقولك شد عليه أصله بيدلع أصله مبيراجعش تسخنته ..طب حضرتك آجى أراجعهاله أنا في البيت ولا ايه مش فاهم... هو ينفع تقول للدكتور شد على ابنى خليه ياخد الدوا..ولا تقول لإمام المسجد شد على ابنى خليه يدخل يصلى....ده دورك انت.. مترميش المهمة دى على المدرب .. السباح مبقاش فارق معاه أى وسيلة عقاب عشان بس متقوليش عاقبه.. دورك انك تربى عيالك واحنا نعلمهم.. مهمتك انك تخلي ابنك يذاكر ويهتم بالسباحه زيها زى الدراسه بالظبط يعرف غلطه يحفظ الى بيتبعتله يعرف الى بيتقاله طول الوقت يهتم بالتغذيه يهتم بالفتنس ويعمل كل ده تحت نظرك انت في البيت .. ولما يجى احنا نشرح تانى وتالت ورابع ونوصل معلومة ونوجه وننصح ونعدل ونصحح أخطاء.. لو السباح معملش اللى عليه فى البيت وحضرتك تابعته... يبقى احنا مستحيل هنقدر نعمل اللى علينا... وتعبنا هيروح على الفاضى...السباحه مسؤولية مشتركة بين السباح والمدرب وولى الأمر.. لو أى حد في الثلاثة دول أهمل فى اللى عليه المركب هتغرق والفشل هو النتيجة لا محالة..👌💯منقول

دعاء خامس يوم رمضان
اللهم اجعلني في أمانك وحفظك فلا يضرني بشر ولا يبكيني قدر وأصلح لي شأني كله يا رب

كل عام وانتم بخير بحلول شهر رمضان المبارك
وتقبل الله منا ومنكم صالح الاعمال

كل عام وانتم بخير بحلول شهر رمضان المبارك تقبل الله منا و منكم صالح الاعمال 🩵🏊