23/03/2026
النهاردة في مباراة ليفربول و جالاتسراي في دوري ابطال اوروبا حصل المشهد الجميل اللي قدامك ده !
محمد صلاح مكنش موفق خالص في الشوط الاول لدرجه انه ضيع ركلة جزاء و ضيع انفرادين كمان ، كانت مقفله من كل الاتجاهات حرفيا !
اللي حصل بقي ان محمد صلاح في بدايه الشوط التاني صنع هدف ل ايكتيكي عشان جمهور ليفربول يسيب الهدف كله و يسيب ايكتيكي صاحب الهدف و يغني الاغنيه الخاصه ب محمد صلاح و يهز بيها ملعب الانفيلد عشان يدعموه !
عشان في خلال 10 دقائق بالظبط محمد صلاح يتشحن و يتسبب في الهدف التالت و كمان يسجل الهدف الرابع بتسديده مبهره عشان جيرارد اسطوره ليفربول يقوم بنفسه يصفق ل صلاح علي الهدف ده ، مشهد يتبروز !
جمهور ليفربول بيثبت كل مرة انه جمهور عظيم ، لن تسير وحدك ابدا ده مش مجرد شعار و لكنه اسلوب حياه ، جمهور ليفربول هو المعني الحرفي لكلمه سند حقيقي 👏❤️
