Islam Ebrahim

دا الشاب اللى صور الفيديو بتاع الطـ.فل زين طـ.فل الاسكندرية المخـ.طوف أو اللى مش مخـ.طوف.. واللى والد الطـ.فل بيقول إنه هيشتكيه ويعمل فيه محضر لأنه صوره واتهمه بخـ.طف إبنه

الشاب دا يا أبو زين مايستاهلش منك محضر.. دا يستاهل التحية والتقدير.. وكان المفروض عليك إنت ومراتك تشكروه ومتوصلوهوش إنه يشـ.ك فيكم أكتر من كدا.. لأننا لو اعتبرنا إن زين إبنكم مخـ.طوف فعلا واتاخد فى عربيه زى بتاعتكم كنتوا هتتمنوا إن يكون فى شاب شجاع زى دا راكب فى العربيه ويعمل مع الخاطـ.فين نفس اللى عمله معاكم

الشاب اللي صوّر فيديو خطـ.ف طـ.فل الاسكندرية دا شاب يستاهل نرفعله القبعه لأن الللى زيه قليلين فى الزمن ده.. ولأنه ماكانش بيدوّر على تريند ولا شهرة زى ما البعض عايز يصورلنا كدا.. بالعكس دا كان هدفه الأول إنه يطمن على الولد الصغير لما شعر إنه تايه وخايـ.ف، خاصة لما سمعه بيقول عاوز بابا.. وكمان لما سأله دا أبوك فالولد هز اكتافه ودى معناها عند الأطـ.فال لأ أو معرفش

الشاب كمان مكتفاش بتصوير الواقعه لا دا كمان راح عمل محضر فى قسم الشرطه وسلمهم الفيديو كدليل ، الشاب تصرف بحسن نيه لكن أبو الطـ.فل وأمه كان كلامهم عايم مع الشاب ودا شككه فيهم أكثر

عموما انا شايفه إن التصرف بتاع الشاب مايعملهوش غير شاب شجاع وصاحب موقف وعنده إنسانية حقيقية وإحساس بالمسؤولية، قبل أي حاجة تانية ، الشاب اللى زى دا يا جماعه يستاهل مننا التحية والتقدير علشان باقى الشباب يقلدوه فى المواقف الصعبه ، تحية كبيرة ليه على شجاعته وموقفه المحترم