32-Valve

فرق حوالي ٢٢ سنة بين عربيتين
عربيتين بإصدارات محدودة من شركات كبيرة اللي عالشمال هتفضل أسطورة ومن اعظم عربيات شركة فيراري واللي عاليمين واحدة من العربيات الhybrid من استون مارتين

دمتم سالمين

فيلم Batman The Dark Knight في ٢٠٠٨ كان في جملة قوية اوي
"You Either Die A Hero Or Live Long Enough To See Yourself Become The Villain."

شركات كتير زي غير ال٣ شركات دول عندها فلسفة التصميم عندها اتغيرت تماما
من الفيراري F430 و F360 Modena لل فيراري Luce ولو حتي دخلنا مقارنة بين فيراري Enzo او FXX قصاد ال F80 وال SF90 من وجهة نظري الكفة تميل للقديم

مرسيدس نفس الكلام بس ظاهر قوي في فئات ال C-Class و ال E-Class وال S-Class هي لسه عربيات لها هيبة وحضور قوي بس برده من وجهة نظري القديم يكسب

اودي ممكن من ٢٠١٠ بتعمل عربيات concept علي نفس نهج التصميم ده زي E-tron concept في ٢٠١٠ وال Nanuk Quattro Concept كلها عربيات ماشية علي نفس نهج تصميم اودي Nuvolari فده تصميم مش غريب علي اودي.

وعموما غيرهم من الشركات زي بي ام دابليو مثلا وفورد تصميماتهم برده بقت بعيد عن اللي اتعودنا عليه من الشركات دي

دمتم سالمين

تصميم العربيات رايح بينا لفين…

بعد الطله الأخيرة اللي فيراري طلت علينا بها وقبلها مرسيدس بالعربية الغريبة ال AMG GT 4-Door Coupé
وعربيات تانية زي الفئة السابعة من بي ام دبليو و ix برده من نفس الشركة… شركات كتير اوي سالت فكرة ال DNA بتاع التصميمات العريقة لمنافسة تصميمات العربيات الصيني والمنافسة في الصين بشكل خاص…

الفكرة مش في عربية تصميمها وحش اكتر ما هي لغة تصميم علي كل الماركات لهدف معين وكده كده الدنيا ماشية والعربيات بتبيع علي الأقل اللي يخلي الشركة مش خسرانة🤔🤔

سلام عليكم
ان شاء الله راجعين تاني ببوستات واخبار ومواضيع جديدة في مجال العربيات بشكل عام في مصر
نتمني يكون رجوعنا في فايدة لكم ويعجبكم الشغل الجديد
دمتم سالمين

أهلا بالجيل الثانى من BMW الفئة الرابعة والجيل السابع من الفئة الثالثة الكوبيه...
الجيل الجديد من الفئة الرابعة تحت تكويد عائلة (G)
- G22 للكوبيه
- G23 للكشف
- G24 للجراند كوبيه
في البداية انا هاكلم عن العربية بشكل عام وبعد كده هأقول رأىى الذى لا يعتد به فى أى من المحافل الدولية والمحلية
نسمى الله كده ونبدأ بالإمكانيات...
العربية متوفرة بفئات مختلفة بين البنزين والديزل بمواتير قوتها تبدأ عند 180 حصان لحد 392 لأعلى فئة فيها واللى فيها موتورين الأول 382 حصان بنزين والتانى كهرباء بقوة 11 حصان.
بالنسبة للتسارع العربية بتختلف التسارع من حوالى 4.5 ل7.5 ثوانى على حسب الفئة.

بالنسبة للتصميم واللى عليه جدل قوى جدا... تصميم العربية ظهر مش مخلتف كتير عن العربية التجريبية اللى ظهرت فى شهر 9 السنة اللى فاتت.
بس معظم الإنتقادات كانت على وش العربية
- الأول كبويت العربية المنفصل عن الشبكة بشكل كامل واللى اختفى من بعد الفئة الثالثة E90 واللى كانت اخر فئة ثالثة تجمع العربية بأربع أشكالها.

- نانى الإنتقاضات على شكل الشبكة واللى هى اقرب لبانل مش موفر التهوية الكاملة للموتور اللى هو فى الاساس بنزين مش كهرباء واللى بيكون محتاج تهوية بشكل عام.

- ثالث حاجة كانت برده بخصوص الشبكة اللى فى وسطها بيكون لوحة ارقام العربية اللى مغطية الشبكة بشكل يحسس الناس إن المصممين مكانوش عاملين حسابهم انهم هيعلقوا عليها لوحة قدام. بس الشركة بتحاول تعمل فصل كامل بين الفئتين الثالثة والرابعة.

- من وجهة نظرى التى لا يعتد بها فى أى من المحافل الدولية أو المحلية، العربية دي كانت محتاجة شبكة بي ام العادية اللى عارفينها والكنزة وإن الشبكة دي كانت أفضل على العربيات الكبيرة زى فئة ال X كلها.

- العربية من ورا شكلها مقبول جدا وشوفنا اقرب للشكل ده فى الفئة الثالثة اللى هى موجود منها فى مصر حاليا.