Cobra Gym

متاح بيع اجهزه جيم بحاله جيده للتواصل على رقم ٠١٢١٢٥١٥٧٢٢

عروض كوبرا جيم اشتراك ال٣ أيام ب١٥٠ بدل ٢٥٠ العنوان أول تعليق

وجينا للسؤال اللي بقاله سنين بيتكرر بنفس الصيغة
🔥ازاي أخس وأشد جسمي وأعمل فورمة😒

والمشكلة إن أغلب الناس بتفتكر إنهم بيسألوا سؤال واحد

مع إنهم في الحقيقة بيسألوا 3 أسئلة مختلفين

لأن خسارة الدهون حاجة

وشد الجسم حاجة

وبناء الفورمة حاجة تالتة

وده السبب إن ناس كتير تخس 15 كيلو وفي الآخر تبص في المراية وتقول

أنا مش عاجبني شكلي

لأن الوزن نزل

لكن الجسم متبناش

لو هدفك فورمة حقيقية امشي بالترتيب ده 👇

✅ أول خطوة

اعرفي احتياج جسمك من السعرات

وبعدين اعملي عجز بسيط من 300 إلى 500 سعر فقط وده طبعا حسب باقيت بياناتك لكن احنا هنا بنتكلم ف العموم باللي يناسب الأغلبيه

لأن العجز الكبير هيخلي جسمك يخسر عضل قبل الدهون وخصوصا لو وزنك أقل من 80كجم

وده آخر حاجة انتي عايزاها إنك تخسي وجسمك يترهل 🙄

✅ تاني خطوة

لازم توصلي لاحتياجك من البروتين يوميًا وده عرفنا ازاي نحسبه ف البوست اللي قبل ده علطول...."ارجعيله ماتكسليش😉" معلش نتعب شويه علشان نلاقي😉

وده لأن الجسم مش هيعرف يحافظ على العضلات وهو ناقص بروتين

ودي أكتر نقطة بتفرق بين جسم نازل وزن وجسم متغير فعلًا ولو عاوزه مصادر بروتين متنوعه غير اللحمه والفراخ هاسبهالك ف الكومنتات👇

✅ تالت خطوة

تمارين المقاومة(الحديد والأجهزه) هي الأساس او حتي بوزن الجسم لو مبتدئه هاتيها من يوتيوب😉

3ل 4 أيام تمرين أسبوعيًا كفاية جدًا

تمرين Upper وLower أو Full Body حسب مستواكي

⛔️وماتفضليش تغيري البرنامج كل شهر⛔️

سيبيه ثابت من 6 شهور لسنة👌

لأن العضلة محتاجة وقت علشان تتبني وتديكي الشكل اللي نفسك فيه💃

✅ رابع خطوة

متستهلكيش طاقتك في الكارديو

3 إلى 5 دقايق تسخين مع Dynamic Warm Up كفاية اوي

وفري مجهودك للحديد

لأن الحديد هو اللي بيغير شكل الجسم مش جهاز المشي
عاوزه تكملي بعد التمرين كملي كمان ربع ل نص ساعه مشايه مايضرش 😉 بعددددد التمرين ركزي

✅ خامس خطوة

نامي كويس😴

لأن العضلات مبتكبرش وإنتي بتمرني

هي بتتبني وإنتي نايمه نوم جودته كويسه وبالليل مش الصبح هاتقولي هي العضله عارفه احنا بالليل ولا الصبح😅 ...هاقولك اه والله عارفه لان هرمون النمو مش بيفرز غير بالليل وهو ده اللي احنا عاوزينه😉👌

وأخيرًا

متقيسيش نجاحك بالميزان ابدااااا⛔️

قيسيه بالمراية👌

والمقاسات

وقوة جسمك

لأن أول علامة إن جسمك بيتغير

مش إن الرقم بينزل

لكن إن شكلك يبدأ يتغير حتى لو الميزان ثابت او حتي بيزيد لان احنا بنعمل كتله عضليه ليها وزن لكن شكلها غير الدهون 🤗

الفورمة عمرها ما كانت نتيجة تمرين جامد

الفورمة نتيجة خطوات صح اتكررت لوقت كفاية وصبر واستمراريه ولايف ستايل للعمر كله مش شويه وازهق واقول مفيش نتيجه 🥵

💚 الخلاصة
علشان تخسي وتعملي احلي فورما وجسمك يتشد

✅ عجز سعرات بسيط
✅ بروتين كفاية كل يوم
✅ مقاومة أكتر وكارديو أقل
✅ برنامج ثابت من 6 شهور لسنة
✅ نوم واستشفاء كويس
✅ صبر واستمرارية
✅ قيس بالمقاسات والمراية مش بالميزان
الفورمة مش هدف بتوصله بسرعة
الفورمة نتيجة قرارات صح بتكررها كل يوم 💚

قوليلي
إيه أكتر نقطة كنت فاكر إنها صح واكتشفت النهارده إنها كانت غلط

💚 السؤال ده كان من أكتر الأسئلة اللي اتكررت على البوست الأخير
ومكملين كل يوم نجاوب سؤال جديد من أسئلتكم عن الجيم والتغذية

دمتم سالمين ❣️❣️ .Rasha-Said

جمعه مباركه عليكم جميعا عرض السبت والأحد فقط اشتراك يومين بالأسبوع ب١٠٠ فقط العنوان أول تعليق

أفكار وجبات تنفع فطار او سناكس ب بذور الشيا صحيه جدا ومشبعه صحتين وهنا

بدأنا تدريب فتنس للأطفال أيام السبت والاتنين والاربعاء من الساعه٦م فى كوبرا جيم للتواصل 01278971311
012 12515722

مقارنه بين مصادر الكاربوهيدرات وليك الاختيار😄

فوائد الطبيعه لينا مع الانتظام على المشروبات العشبيه بنكسب صحتنا

الجيم دايما حلو بيكم 😘