Northbound with Marwa Gabr

كفاية نربى ولادنا على إن ربنا بيخوف

(الإله اللي في السماء لسابعة ماسك سوط وميزان... دي أكبر كذبة روحية)

دمرتوا ولادكم بالخوف.
"ربنا هيعذبك" "ربنا هيحرقك"
فبقوا يهربوا منه بدل ما يحبوه.
يخافوا منه بدل ما يخافوا على زعله

(الحقيقة: الله حب)
الحب اللي هو طاقة الكون. السلام اللي ميتهزش.
الله مش متلهف يعاقبك... الله يصوبك بحب, يساعدك تصحح مسارك

عرشه مش بعيد في السماء...
(عرشه جواك في قلبك)

اهجروا إله الخوف...
ارجعوا لإله الحب 🤍

لو رجعنا لحب الله بدل الخوف منه، حياتنا كلها هتتغير

مفيش حاجة في حياتنا صدفة.
مفيش موقف ولا شخص عدى عليك عبث.

كل مرحلة... كل علاقة... كل كسر...
كان فصل في الكتاب اللي ربنا كاتبه عشانك.

عشان توصل للنسخة دي منك...
الناضجة، الواعية، اللي فاهمة.
علشان نقدر نتواصل مع نفسنا و مع ربنا جوانا

(محدش ضايع)
(إحنا بس بنتجهز 🤍

عايزة تعرفي علاقتك بابنك/بنتك حقيقية ولا لأ؟
*اعملي "اختبار العين" فى اهم لحظتين
لحظة ما يغلط و لحظة ما يفرح

1. اختبار الغلطة:
بصي في عينه وهو جاي يقولك "ماما أنا كسرت... أنا غلطت..."
عينه فيها رعب وبيستخبى؟ ولا فيها أمان وبيجري عليكي؟
لو بيخاف... يبقى إنتِ مبقتيش الأمان... بقيتي القاضي.

2. اختبار الفرحة:
بصي هيجري على مين أول ما ينجح أو يضحك من قلبه؟
هيجري عليكي يحضنك و يقولك "شفتي يا ماما"؟
هيفرح و عارف أنه هيشوف فى عنيكى نظره فخر بيه
ولا هيروح يصوّر ستوري ويبعت لصاحبه؟
جرى يشاركك و اللا يشارك حد غيرك

يا أمهات... ولادنا مش بيعاندوا
(ولادنا يا إما حاسين بالأمان في حضننا... يا إما بيدوروا على حضن تاني)

لو لقيتي الخوف في عينه... متزعقيش
ارجعي احضنيه وقولي "حتى لو الدنيا كلها ضدك... أنا في صفك"
عشان العلاقة اللي فيها خوف... بتطلع إنسان مكسور
والعلاقة اللي فيها أمان... بتطلع إنسان سوي يشيل الدنيا

*إنتِ مش بتربيه... إنتِ بتحددي هو هيجري على مين لما يتكسر* 🤍

يوم ما هيكبر... إحنا هنكون ماضيه 🎀🎀

كل حضن، كل ضحكة، كل "تعالى في حضني"
كل مرة شيلتيه وهو تعبان، كل مرة سمعتي رغيه للصبح
دي مش لحظات عابرة... دي (ذكرياته) اللي هيعيش عليها العمر كله.

إحنا مش بنربي عيال... إحنا بنبني ماضي.
ماضي هو اللي هيساعد أنه يبقى سوي ولا مكسور، قوي ولا خايف، حنين ولا قاسي.

حاول دايماً تكون الجزء الحلو في ماضيه.
كون الأمان اللي يفتكره لما الدنيا تقسى عليه.
كون الحضن اللي يرجعله في خياله لما يتوه.

"يا بخت الطفل اللي ماضيه كله دفا..."

إنت مش بتربيه النهاردة... إنت بتزرع الراحة اللي هتعيش معاه باقى عمره 🤍

الدنيا دلوقتي بقت زحمة و جرى زى اللعبة
جرافيك عالي، أحداث سريعة، دوشة 24 ساعة 🎮

بس الكل نسي أهم سؤال في اللعبة:
"أنا دورى إيه هنا؟"

مشكلتنا مش إننا بنخسر...
مشكلتنا إننا بنلعب من غير ما نعرف الـ Mission بتاعتنا.

الأحداث بتجري وبتشدك معاها...
صحابك بيجروا في اتجاه، التيك توك في اتجاه، الشغل في اتجاه.
وإنت بتجري وراهم... وناسي إن ليك خط سير مرسوم ليك إنت بس.

*يا بخت اللي عرف دوره وقال: "أنا هنا عشان كذا"*
يا بخت اللي بطل يجري ورا الدوشة... وبدأ يجري ورا رسالته.

دورك مش هتلاقيه في الضوضاء.
دورك هتلاقيه في السكوت... لما تسأل نفسك: "يا رب خلقتني ليه؟"

اعرف دورك... قبل ما العمر يخلص وإنت لسه بتتفرج 🤍

لازم تفهم أن ربنا مش بيعاقبك... ربنا بيعلمك📚

كل ذنب عملته؟
كل تجربة كسرتك؟
كل علاقة سامة سابتك مكسور؟

دي مش مصايب... دي "كورسات مكثفة" ربنا باعتهالك مخصوص.

تخيل ربنا فاتحلك مدرسة خاصة،
وكل موقف وحش في حياتك هو (حصة).👌🏼👌🏼

الحصة دي بتقول إيه؟
"تعالى يا عبدي، الدرس النهاردة اسمه: مينفعش تثق في أي حد"
"الدرس النهاردة: كرامتك أهم من أي علاقة"
"الدرس النهاردة: الذنب ده بيوجع... عشان متكررهوش"

وساعتها إنت عندك اختيارين:

يا تقعد مع نفسك وتسأل: "يا رب إنت عايز تعلمني إيه من الوجع ده؟" و تفهم الدرس، فتتعلم، تقوم أقوى.
ساعتها هتقول لنفسك: "مبروك عليك... اتخرجت من الحصة دي"🎓
والحصة دي عمرها ما هتكرر تاني.

يا إما تسيب نفسك للحزن والندم احساس "يا ريتني"
تفضل تعيط على اللي فات بدل ما تتعلم منه
ساعتها ربنا هيعيدلك نفس الحصة... بنفس الوجع... مع أشخاص تانيين لحد ما تقوم وتقول "خلاص فهمت يا رب"

مفيش حاجة اسمها "ليه يا رب ده حصلي؟"
فيه حاجة اسمها "يا رب فهمني ده حصلي ليه؟"

اطلب من ربنا كل يوم: "يا رب علمني، وفهمني"
عشان توصل لمرحلة الوعي...
والوعي هو أول طريق السعادة.

الوجع مش نهاية القصة...
الوجع هو بداية فهمك لنفسك 🤍