C/omar tiger

المكسب مش ميدالية !

الناس دايما بتسأل
اخدت ميدالية؟... فريقك كسب؟... جبت رقم ايه؟
بس محدش بيسأل
السباح ده اتغير قد ايه اتعلم ايه نضج اد ايه فهم ايه

في ناس بتشوف ان المكسب في السباحة هو انك تقف على البوديوم و تلبس ميدالية و الناس تصقفلك … بس المكسب الحقيقي في الرحلة مش اخر لقطة
كل تمرينة كل تعب كل فشل قبل النجاح… هو ده المكسب الحقيقي

في عالم السباحة الانجاز مش بس تحقيق رقم أو مركز
الانجاز انك تكبر كل يوم خطوة… تتعلم حاجة جديدة…
تبني صداقات عمرها ما تتنسي…انك تعرف يعني ايه التزام يعني ايه تنظم وقتك و تقاوم تعبك وتشتغل على نفسك تتعود تحافظ على جسمك ونومك واكلك و تتعود تواجه خوفك

و انت في الميه مفيش غش مفيش واسطة مفيش حظ فيه تمرين فيه ارادة وفيه اصرار

لكن النجاح ده مش بييجي لوحده ورا كل سباح حقيقي فيه مدرب شايله و مؤمن بيه حتى لما هو شك في نفسه او اللي حواليه و بيكون معاه وقت الخسارة قبل المكسب.... (المدرب) مش بس اللي بيوقف على التمرين المدرب ممكن يكون دكتور نفسي واخ كبير وسند

وفي الجمب التاني فيه حد بيسهر على راحتك ينظملك اكلك نومك مدرستك مذاكرتك تمرينك يومك كله (ولي الامر)

الأب والأم اللي بيقدموا نفسهم كوقود لحلم ابنهم
اللي بيضحوا برفاهيتهم عشان ابنهم أو بنتهم يوصلوا
اللي بيشيلوا جواهم الخوف والقلق وبيداروه بابتسامة تشجيع
اللي بيقفوا في المدرجات قلبهم واقع من الخوف بس صوتهم فيه ثقة علشان أولادهم تسمع (انا فخور بيك مهما حصل... كمل )
السباحة بتربي وبتصنع انسان مش بس رياضي

فلكل سباح
ما تفكرش ان الميدالية هي الدليل الوحيد على نجاحك انت ناجح من اول يوم قررت تقوم بدري في عز السقعة وتتمرن... من اول مرة وقفت على البلوك ستارت... من اول مرة خسرت وكملت ...من اول مرة حطيت هدف قدامك و ما استسلمتش ... من اول مرة بعدت عن كل اللي يعطلك عن هدفك

ولكل ولي امر
انتم الركن الثابت السند اللي من غيره مفيش حلم بيكمل وجودكم واهتمامكم بيوصل للسباح رسالة ثقة (انت بطل)

علشان كده بنقول
المكسب شخصية ناجحة
المكسب احترام
المكسب علاقات و صداقات
المكسب انك تبقى انسان عارف هو مين ورايح فين وقد ايه تعب علشان يوصل

السباحة اسلوب حياة🖤🏊🏊🫵👑📊
C/omar tiger 🖤🖤

مساء الخير يا شباب وبنات عاملين ايه يا رب تكونوا بخير دائما
نصيحه لكل سباح وسباحة وكلام مهم ليكوا
انت اخترت تتمرن ٣مرات في الاسبوع 😔 .. يبقي متبصش علي مستوي و ارقام اللي بيتمرن ١٠ مرات ..،💪🖤

انت اخترت تقعد ف السرير وتريح وقت متكون تعبان أو سقعان ..🥶 يبقي متبصش علي مستوى وارقام واحد مطحون كل يوم بين التمرين ومتطلباته🏊🏊

انت اخترت تاكل براحتك وتعك في الاكل .. 🫄🫄يبقى متبصش على مستوى واحد متابع مع دكاترة وملتزم بكل حاجه بتتقاله.🏋️🏋️

انت اخترت تتحجج بالدراسة والوقت 📚📚📚.. يبقى متبصش على مستوى وارقام اللي منظم وقته بين تمرين ومدرسة ودروس ومذاكرة عشان مفيش تمرينة واحدة تضيع عليه.📊📊

- ⁠انت اخترت تحوش مصروفك ..🔐🔐 يبقي متبصش ل مستوى واحد بيفرتك اخر ٢٠٠ج في جيبه علي الاكل و المكملات عشان التمرين ..،🖤🤍🤍⚖️

مفيش بطل بيتولد بطل ، البطل قرار ومسؤولية وإرادة واستمرارية.🖤🙏🏼🏃

سيب كل واحد في حاله و حاسب نفسك علي نتائج قراراتك و اختياراتك أنت ، و قبل ما تتمني مستوي وارقام غيرك .. اعمل زيه🖤🏊‍♂️🏊‍♂️🏊‍♂️💪🏊‍♀️🫵🥇

مساء الخير ازي حضرتكوا عاملين ايه يا رب تكونوا بخير دائما الصفحة هيبقي عليها كل يوم معلومه جديده عن السباحة يارب اقدر أفيدكم
C/omar tiger