Mahmoud Neshawy

The power of words lies in the conditions that surround them.

Be careful what you tell yourself about yourself.

الحمد لله… منتخب يشرف، وقدّم مباراة نفتخر بيها، سواء في الأداء أو الروح 🔥🇪🇬❤️ ولكن في سؤال كنت ديما بسأله لنفسي من سنين .. ليه مابنقدرش نلعب لحد الدقيقة 90 كأننا لا كسبانين ولا خسرانين زي اي فرقة اجنبية؟ ليه ديما سواء على مستوى الدوري او المنتخب مع التقدم أو الخسارة .. طريقة اللعب كلها بتتأثر قبل الماتش مايخلص ..كأننا بنشوف فرقة تانية!!

من وجهة نظري، دي مش مشكلة فنية … دي مشكلة نفسية

في علم النفس في مفهوم اسمه Loss Aversion ..يعني ان الإنسان بيتألم من خسارة شيء أكتر بكتير من سعادته بالمكسب نفسه. لما كنا 2-0 الهدف النفسي بيتغير من “إحنا عايزين نكسب” ل “يارب ما نخسرش اللي كسبناه”. و هنا بيبدأ الخوف يقود القرارات بدل الثقة او الحيادية اللي بدأنا بيها.

‏مع المكسب وقبل انتهاء الماتش المخ بيبدأ يدخل في دايرة الدوبامين Dopaminergic Reward System..مجرد الإحساس إن الفوز بقى حقيقي بيديك جرعة dopamine قبل النهاية. المشكلة إن نسبة الدوبامين العالية ممكن يخلي التركيز يقل بدري، ويتشتت والعقل يدخل في وضع “الحفاظ على المكسب” بدل الاستمرار في الأداء اللي وصّلنا للمكسب من الأساس.

علشان كده، أنا مؤمن إن الإعداد النفسي في كرة القدم مش رفاهية. تدريب اللاعبين على مقاومة Loss Aversion، وتأجيل الإحساس بالمكافأة جزء من الـ Football Psychology وده بالمناسبة اللي اكبر فرق العالم بتطبقه و اللي المفروض يكون بنفس أهمية التدريب البدني والخططي. ويمكن انا كنت من المحظوظين اني اتعرف على العلم ده من خلال مقابلتي لـ Football Psychologist في دبي سنة ٢٠٢٢ وعرفت منه بلاوي سودا في ال coaching اللي بيعملوه مع اللاعيبة بره. حقيقي احنا فنياً في حتة تانية والله، ولكن يبقى الجانبب النفسي اللي محتاجين نشتغل عليه ونصرف عليه في المستقبل زي مافرق العالم متوجهه ليه 🙏