Hatem Elmalah -The natty

لما تعمل دايت ليه وشك بيبان عليه أسرع من الكرش؟

جسمك مش قاصد يضايقك 😅الموضوع له تفسير فسيولوجي واضح.
1️⃣ تدفق الدم (Blood Flow)
الوجه من المناطق ذات التروية الدموية العالية نسبيًا.
ولأن تحفيز خروج الدهون من الخلايا الدهنية بيعتمد على وصول هرمونات زي الأدرينالين عبر الدم،
فالمناطق ذات التروية الأفضل قد تستجيب أسرع أثناء العجز الحراري.
لكن ده عامل مساعد، مش العامل الوحيد.

2️⃣ نوع مستقبلات الخلايا الدهنية (Adrenoreceptors)
الخلايا الدهنية فيها نوعين أساسيين:
مستقبلات Beta تسهّل تكسير الدهون
مستقبلات Alpha-2 تقلل معدل التكسير
مناطق زي البطن والجناب عند الرجال بيكون فيها كثافة أعلى نسبيًا من مستقبلات Alpha-2،
وده بيخلي معدل فقدان الدهون فيها أبطأ مقارنة بمناطق تانية.
الوجه عادةً لا يُعد من المناطق ذات الكثافة العالية لـ Alpha-2،
فبيظهر عليه التغير أسرع.

3️⃣ سُمك طبقة الدهون
ده من أهم الأسباب
طبقة الدهون تحت الجلد في الوجه رفيعة نسبيًا فأي نقص بسيط في الدهون تحت الجلد يبان فورًا في تحديد الفك والخدود.
بينما في البطن مثلاً
الطبقة ممكن تكون أكثر سُمكًا،
فمحتاج كمية فقدان أكبر عشان الفرق يكون واضح بصريًا

طيب الحل ايه للحوار ده؟

هنزل بوست مفصل عن الحل سيب تعليق وانتظره ان شاء الله🌺💪

📫 للاشتراك في المتابعة الاونلاين ابعتلي رسالة

جسمك معندوش مخزن بروتين💁🏻‍♂️

البروتين الزيادة بيتحول لطاقة… مش عضلات

يا إما البروتين يُستخدم في بناء وإصلاح الأنسجة (خصوصاً العضلات)تصنيع إنزيمات وهرمونات ، أو يتحرق كطاقة

لو مش محتاجه للبناء؟ مش هيتساب كده… هيتحرق.

ثانياً: في سقف لكل وجبة (Muscle Protein Synthesis)

الأبحاث بتوضح إن تحفيز بناء العضلات في الوجبة الواحدة بيصل لحد أقصى تقريباً عند 0.3–0.5 جرام بروتين لكل كجم وزن.

يعني واحد وزنه 80 كجم أقصى استفادة للبناء في الوجبة حوالي 25–40 جم بروتين.

الباقي؟ مش هيزود البناء أكتر.

مش معناه إنه بيترمي لكن مش هيتحول عضل إضافي.

ثالثاً: بيحصل له إيه بقى؟

لما البروتين يزيد عن احتياج البناء

1. الجسم بيشيل منه مجموعة النيتروجين (عملية اسمها deamination).

2. النيتروجين يخرج في صورة يوريا عن طريق الكلى.

3. الهيكل الكربوني المتبقي يدخل:

إما يتحول لجلوكوز (Gluconeogenesis)

أو يدخل دورة إنتاج الطاقة

ولو السعرات فائضة… ممكن يساهم في تكوين دهون

يعني ببساطةالبروتين الزائد بيتعامل معاه كسعرات.

رابعاً: هل ممكن البروتين يخليك تتخن؟

أيوه… لو إجمالي سعراتك أعلى من احتياجك.

صحيح إن تحويل البروتين لدهون مكلف طاقياً

وتأثيره الحراري عالي (20–30%)

لكن في النهايةفائض السعرات = زيادة وزن
حتى لو الفائض جاي من بروتين.

خامساً: طب أكل قد إيه صح؟

للشخص اللي بيلعب مقاومة: 1.6 – 2.2 جم بروتين لكل كجم وزن يومياً
ده هو النطاق المدعوم علمياً لزيادة أو الحفاظ على الكتلة العضلية.

أكتر من كده؟ مش خطر على الشخص (السليم)…
لكن غالباً مش هيدي مكسب عضلي إضافي يُذكر.

خلي بالك لو مفيش تمرين مقاومة مفيش تحفيز عضلي

مفيش توزيع مناسب على اليوم يبقى الزيادة هتتحرق كطاقة…
أو تدخل في حساب السعرات وتزود

لو عايز نظام يناسبك ابعتلي رسالة وابدأ معايا المتابعة📩

صعب عليا ابغي اصرفله فري😂😂😂😂😂

انا بحس اني جعان لما بعمل دايت؟ طيب ماهو ده طبيعي😃

الجوع مش عدوك الجوع هو صوت الماكينة وهي بتشتغل وعلامة انك ماشي صح في الغالب

لما جسمك بيبدأ يجوع ده معناه إن:

١-الجلوكوز في الدم قل.

٢- هرمون الأنسولين (هرمون التخزين) هدي ونزل.

٣- الجسم بدأ يكسر الأقفال ويفتح مخازن الدهون عشان يسحب منها طاقة.

الغلطة اللي ممكن تعطل كل ده:

كل مرة تحس فيها بـ قرصة جوع وتقوم تلقط سناك حتى لو سناك صحي إنت كده بتعمل Spike للأنسولين، وبتقول لجسمك وقف حرق دهون، الأكل جه بره أهو

الخسسان مش للي عمره ما جاع.. الخسسان للي فاهم جوعه صح

✅ جوع حقيقي = الماكينة بدأت تسحب من الدهون (اصبر عليه شوية).

❌ جوع ملل أو عاطفي = ده اللي محتاج تسيطر عليه بمجرد شرب المياه وانك تشغل نفسك.

نصيحة :لما تجوع، اصبر 20 دقيقة واشرب كوباية مية كبيرة.. هرمون الجوع بييجي في موجات وبيهدى، ولو عديت أول موجة، هتلاقي نفسك دخلت في طور الحرق بجد.

صاحب جوعك.. لأنه العلامة إنك ماشي في الاتجاه الصح

سؤال بجد: إنت من الناس اللي بتصمد قدام الجوع، ولا أول ما معدتك تصفر بتجري على التلاجة؟ 🧐

📩 للاشتراك في المتابعة الاونلاين ابعتلي رسالة

هو القهوة والشاي الأخضر بيحرقوا الدهون؟ ☕

ناس كتير فاكرة إن الحل السحري لحرق الدهون هو تشرب قهوة أو شاي أخضر… والدهون تسيح لوحدها.

الحقيقة مختلفة شوية 👇

القهوة، الشاي الأسود، والشاي الأخضر فيهم كافيين.
والكافيين فعلاً ممكن يساعد الجسم إنه يزود أكسدة الأحماض الدهنية (Fat Oxidation)، يعني يخلي الجسم يستخدم الدهون كمصدر طاقة بنسبة أكبر.

ده بيحصل لأن الكافيين بيحفّز الجهاز العصبي وبيزود إفراز هرمونات زي الأدرينالين، واللي بتساعد على تحفيز تكسير الدهون من الخلايا الدهنية.

لكن النقطة المهمة اللي ناس كتير بتفوتها: أكبر تأثير للكافيين على استخدام الدهون بيظهر أثناء النشاط البدني، خصوصاً تمارين الأيروبيك زي: المشي السريع الجري ركوب العجلة نط الحبل

ساعتها الكافيين ممكن يساعد على ✔️ زيادة تعبئة الدهون من الخلايا الدهنية
✔️ رفع استخدام الجسم للدهون أثناء المجهود
✔️ تحسين الأداء شوية في التمرين

صحيح إن الكافيين ممكن يزود معدل الحرق بشكل بسيط جداً حتى في الراحة،لكن التأثير ده صغير لدرجة إنه مش كفاية يخسسك أو يحرق دهون ملحوظة لوحده.

يعني ببساطة لو شربت قهوة أو شاي أخضر…وقعدت على الكنبة تتفرج على الموبايل 📱

مش هيحصل حرق دهون حقيقي يعتمد عليه.

الكافيين مش حارق دهون سحري هو مجرد عامل مساعد صغير لما يكون مع:

عجز سعرات حرارية

نشاط بدني منتظم

تمارين أيروبيك

لو هتستخدمها صح:
كوب قهوة قبل التمرين بـ 30–45 دقيقة ممكن يساعدك تاخد أفضل استفادة.

لو حد تعرفه بيشرب شاي أخضر ومستني الكرش يختفي لوحد ابعتهوله 😂

📫 للاشتراك في المتابعة الاونلاين ابعتلي رسالة

لو فيتامين D عندك قليل أنت حرفيًا بتتمرن بنسخة محدودة من قوتك 😄

مش هزار ده علم جينات
فيتامين D مش فيتامين تقليدي ده Secosteroid Hormone

يعني بيشتغل زي الهرمونات

إزاي؟ بيدخل جوه الخلية العضلية ويربط مع مستقبلات اسمها VDR وبعدها يدخل على النواة (مركز التحكم)
ويبدأ يغيّر التعبير الجيني 👇

✔ يزود تصنيع بروتين عضلي
✔ يحسّن استجابة العضلة للتمرين
✔ يرفع كفاءة البناء (Anabolic State)

بيأثر على ألياف القوة تحديدًا نقص فيتامين D مش بيضعف العضلة كلها…لا بيضرب تحديدًا ألياف Type II (Fast-Twitch) ودي المسؤولة عن:
✔ القوة التقيلة
✔ السرعة
✔ الضخامة

يعني ببساطة لو D عندك قليل انت بتتمرن بس مش بتبني القوة الحقيقية

وفي دراسات نسيجية رفع مستوى D زوّد حجم (قطر) الألياف دي يعني قوة أعلى + أداء أقوى

⚙️ بيشتغل إزاي جوه العضلة؟

1) الكالسيوم = شرارة الانقباض
فيتامين D بينظم حركة الكالسيوم جوه الخلية وده أساس الانقباض السريع والقوي

2) مسار البناء (mTOR)

فيتامين D بيساعد على تعزيز إشارات البناء يعني استجابة أعلى للبروتين والتمرين يعني Muscle Protein Synthesis أقوى

لو عايز فعلاً تستفيد:

✅ المستوى في الدم
استهدف: 50 – 80 ng/mL
(ده المدى اللي مرتبط بأداء عضلي أحسن في دراسات كتير)

✅ ما تاخدوش لوحده!
دي غلطة ناس كتير:
✔ مع Vitamin K2 (MK-7) يوجّه الكالسيوم صح
✔ مع Magnesium ضروري لتحويله للشكل النشط

[طبعا بعد التحاليل وعرضها علي طبيب متخصص]

✅ امتى تاخده؟
مع وجبة فيها دهون عشان امتصاصه يعتمد على الدهون

علامة ناس كتير بتتجاهلها:
ضعف في Grip Strength (قوة القبضة)ممكن يكون من أول المؤشرات لنقص فيتامين D (خصوصًا مع إرهاق وضعف أداء عام)

فيتامين D مش رفاهية ولا مكمل شتوي

ده عنصر أساسي في:
القوة + البناء + الأداء

آخر تحليل D عملته كان كام؟
ولو ما عملتش قبل كده… يمكن ده أول سبب موقفك

📫 للاشتراك في المتابعة ابعتلي رسالة

يوم وجبات مشتركة معايا في المتابعة🔥💪🏻🤫

📩 للاشتراك والتفاصيل ابعتلي رسالة

ازاي لخبطة مواعيد أكلك ممكن تبطيء نتايجك في الدايت؟

1. جسمك شغال بنظام الساعة البيولوجية⏰
فيه نظام داخلي اسمه Circadian Rhythm
بينظّم الحرق والهرمونات والهضم

لما تاكل كل يوم في وقت مختلف بيحصل لخبطة في الإشارات فكفاءة الحرق تقل شوية، وجسمك يميل للتخزين.

مش معناه إنك هتتخن فورًا… بس بتصعّب المهمة على نفسك.

2. الإنسولين بيشتغل أحسن بدري
حساسية الجسم للإنسولين بتقل مع الوقت خلال اليوم، وده بيخلي استخدام الكربوهيدرات أقل كفاءة في الليل.
مش معنى كده إن الأكل بالليل بيتحول لدهون مباشرة، لكن مع زيادة السعرات، فرص التخزين بتكون أعلى.

3. الحرق نفسه بيتأثر بالتوقيت

فيه حاجة اسمها Thermic Effect of Food

يعني جسمك بيحرق سعرات وهو بيهضم.

الدراسات بتشير إن الأكل في مواعيد منتظمة
وأقرب للنهار بيخلي الحرق أثناء الهضم أفضل نسبيًا

4. هرمونات الجوع بتتظبط على مواعيدك 🧟‍♂️

هرمون الجوع Ghrelin
بيشتغل بالساعة لو مواعيدك عشوائية هتجوع في أوقات غلط
تزيد احتمالية الأكل بشراهة

هل المواعيد أهم من السعرات؟ 🤔

❌ لا
✔️ السعرات لسه هي العامل الأساسي

لكن المواعيد = بتسهّل الالتزام + بتحسّن كفاءة الجسم

ثبّت مواعيدك ( يعني تاكل وجباتك حوالين ساعة بالكتير من ميعاد اكلك سواء قبل مياعدك او بعد ميعادك)
خلّي وجبتك الرئيسية الغداء في النهار
بلاش وجبات تقيلة قبل النوم

شير وفيد غيرك🌹

📩 للاشتراك في المتابعة الاونلاين ابعتلي رسالة

ليه السيلوليت موجود حتي بعد نزول الدهون؟💁🏻‍♂️

السيلوليت مش مشكلة دهون دي مشكلة تركيب تحت الجلد
الحل مش في كارديو أكتر أو تمارين بس للأسف ده جزء صغير من الصورة.

السيلوليت بيتحدد من تركيب الأنسجة + الهرمونات + جودة الجلد + توزيع السوائل

خليني أفهمك 👇

1️⃣ شكل الألياف الضامة (Fibrous Septa)🕸️

تحت الجلد فيه ألياف بتربط الجلد بالأنسجة اللي تحته.

📌 عند معظم النساء:
الألياف بتكون أقرب للشكل الرأسي بتسمح للدهون تضغط لفوق

📌 عند معظم الرجال:
الألياف بتكون متقاطعة بتقاوم بروز الدهون

📌 النتيجة:
نفس نسبة الدهون ممكن تبان بشكل مختلف تمامًا

✔️ العامل الجيني مهم
✔️ لكن بيتأثر كمان بزيادة الدهون، وقلة الحركة، وجودة النسيج

2️⃣ جودة الكولاجين (مش كميته)🧪

الجلد المشدود مش معناه كولاجين كتير…معناه كولاجين مرن وسليم

📌 مع الوقت وبعض العوامل زي:
زيادة السكر
التدخين
الإجهاد التأكسدي

بيحصل Glycation يقلل مرونة الكولاجين

📌 النتيجة:
الجلد يفقد تماسكه → السيلوليت يبان أوضح

3️⃣ الهرمونات (خصوصًا الإستروجين)⚖️

الإستروجين بيلعب دور طبيعي في جسم المرأة
بيساعد على تخزين الدهون تحت الجلد
بيأثر على خصائص الجلد ومرونته
بيأثر على توزيع السوائل في الأنسجة

📌 عشان كده السيلوليت شائع جدًا عند النساء… حتى مع وزن مثالي أو تمرين منتظم

4️⃣ الدورة الدموية وتصريف السوائل

السيلوليت مش دهون بس…فيه كمان عنصر مهم تجمع سوائل داخل الأنسجة

📌 ضعف الحركة وقلة النشاط ممكن يؤدي إلى بطء نسبي في الدورة الدموية
تجمع سوائل موضعي

📌 ده يخلي الشكل غير متجانس
فيه تموجات واضحة

طيب نعمل إيه فعليًا؟ (بدون وهم)

✔️ تمارين مقاومة تزود الكتلة العضلية وتحسن شكل الجلد بصريًا

✔️ تقليل السكريات العالية
يساعد في الحفاظ على جودة الكولاجين

✔️ بروتين كافي + فيتامين C لدعم بناء الكولاجين

✔️ حركة يومية تحسن الدورة الدموية وتقلل تجمع السوائل

✔️ مساج / dry brushing
ممكن يحسن الشكل مؤقتًا (بسبب تقليل السوائل مش الدهون)

شير وفيد غيرك 🌹

للاشتراك وتفاصيل للمتابعة الاونلاين ابعتلي رسالة📩

أنهي منطقة في جسمك بتنزل دهون أسرع؟

خلينا نتفق على حقيقة مهمة مفيش حاجة اسمها حرق دهون من منطقة معينة بتمرينها (Spot Reduction).
فقدان الدهون بيحصل لما يكون في عجز سعرات… والجسم بيسحب طاقة من مخازنه كلها، لكن بمعدلات مختلفة.

طيب ليه في مناطق بتنزل أسرع من غيرها؟ السبب علميًا بيرجع لـ 4 عوامل رئيسية:

1️⃣ توزيع الدهون المرتبط بالجنس (هرمونات)
2️⃣ كثافة مستقبلات الخلايا الدهنية
3️⃣ تدفق الدم للمنطقة
4️⃣ الحساسية للإنسولين

المناطق اللي فيها تدفق دم أعلى ومستقبلات تحفّز تفريغ الدهون أكتر غالبًا بتستجيب أسرع.

والمناطق اللي فيها مستقبلات تعاكس التفريغ أعلى أو تدفق دم أقل بتكون أبطأ في الاستجابة (اللي الناس بتسميه دهون عنيدة).

بشكل عام إحصائيًا:

اجسام النساء تميل لتخزين الدهون أكثر في الجزء السفلي من الجسم (الفخذين – الأرداف – أسفل البطن)
بسبب تأثير الإستروجين.
علشان كده الجزء العلوي أحيانًا يستجيب أسرع.

انما اجسام الرجال: بتميل لتخزين الدهون أكثر في منطقة البطن والجذع ( البطن واسفل الظهر).
لذلك الأطراف قد يظهر عليها النقصان أسرع نسبيًا.

بس ده اتجاه عام، مش قانون ثابت الجينات الفردية بتلعب دور كبير.

أهم نقطة عشان نفهم الصورة صح الجسم مش بيخلص الدهون السهلة الأول بالمعنى الحرفي.
هو بيفقد دهون من كل المخازن في نفس الوقت، لكن بمعدلات مختلفة.
عشان كده في مناطق بتبان إنها نزلت أسرع.

ف لو شايف منطقة بطيئة في التغيير ده مش معناه إن الدايت مش شغال.

مع الاستمرار في عجز سعرات معتدل و تمارين مقاومة وبروتين كافي مع نوم كويس

المنطقة الأبطأ هتستجيب… بس محتاجة وقت أطول.

الصبر جزء من الفسيولوجيا 💪

لو عايز تبدأ رحلتك معايا ابعتلي رسالة واحجز مكانك في المتابعة📫