Ahmed Maher Primo - أحمد ماهر بريمو

احنا نحط التمثال ده

فى ميدان الاونطة كا رمز للجهل 🤚
و كل اسبوع يروح المجاذيب يلحسوا التمثال و يتمسحوا فيه
و يبقى مولد بعد كدا ..
و يبقى اسمه مولد سيدى العشوائي 😂

نفس تركيبة😳 وتوقيت محمد هانى و ياسر ابراهيم
بتاع (٣ اهداف) الترجى
سبحانك ياربى 🤦🏻
مصممين على الغلط

ولا كمان منتخب المغرب عمل اى حركة و اتصور بيها

مش فاهم الشحن الزيادة و الخروج بره الإطار الفنى لصالح مين 🙄

اللى خرج منتخب مصر من البطولة المدرب
قبل ما نعمل الهيصة على الحكم دى 😉

الدور قبل النهائي

فى كأس الأمم الأفريقية الأخيرة
خرجنا من السنغال
بعد ما استقبلنا هدف فى الدقيقة ٧٨
قبل نهاية الماتش ب ١٢ دقيقة .. اخر كوارتر

مصر لعبت فى المونديال ٥ ماتشات
فازت فى ماتش واحد ضد نيوزلندا من قارة أوقيانوسيا
اتعادلنا مع بلجيكا من اوروبا و ايران آسيا و استراليا من أوقيانوسيا و خسرنا من الارجنتين

استقبلنا ٧ اهداف و أحرزنا ٨ اهداف
الملاحظ أن كل الاهداف استقبلناها الشوط التانى ما عدا هدف نيوزلندا

دايما فيه إنهيار فنى بيحصل من الدقيقة ٦٥
بعد ما المدرب بيعمل تغييرات

و ده اللى قلناه قبل البطولة
مفيش مجال للحب و الكره و المجاملات
و دى مشكلة حسام حسن
اللى لازم يتحاسب فنيا عليها
لو فيه سيستم صح
و نركن مواضيع الانشاء و التعبير على جنب دلوقتى
لان أى حد يقدر يزعق و يتف و يتخانق و يتصدر المشهد
لكن مش اى حد هيبقى مدير فنى يقرأ و يحضر ويجهز و يتدخل

المصيبة أن المدرب بقاله سنتين ماسك المنتخب
مفيش مره طلع اتكلم كورة أو فنيا
دايما خناقات و مشاحنات و كلام تاريخ و جغرافيا
و هو مدرب المنتخب أو مدير فنى بتاع كورة

محتاجين نسمع وجهات نظره
و يشرح ورقة العمل فى ضم بعض اللاعبين زى عبد المنعم و زيزو و حمزة عبد الكريم و استعباد آخرين زى ناصر ماهر

الاهم يقول هو ليه لما بيتدخل و يعمل تغييرات و يعدل الطريقة المنتخب بيقع و يستقبل اهداف

و دى سمة حسام حسن طوال تاريخه كا مدرب
مبيعرفش يدير اخر ربع ساعه 😳
وأنت مغمض دور و أبحث و ارجعلى تانى

مفيش شك لو جبت أى بنى ادم عاقل بعيد عن أى الوان
محدش يختلف أن حسام عبد المجيد افضل مدافع يحمل الجنسية المصرية و ميخشش مقارنه مع حد كمان

المدرب مبيعتمدش على اللاعب بشكل أساسى
و حتى لما بيحتاجه واللاعب بينزل فى وقت قليل يعمل أداء كبير برده المدرب مصمم على استبعاد اللاعب

من قبل البطولة و عندك مشكلة فى كل الكور العرضية
لدرجة أن محمد هانى و ياسر ابراهيم بقى واقفين غلط دايما و واحد سايب المهاجم و التانى هو اللى بيحط الكورة
وارتباك دفاعى فى كل الماتشات و المدرب بيعاند و مستمر فى الأخطاء و التركيبة الغلط

امبارح لما يكون فاضل ١٠ دقائق و انا كسبان ٢-٠
و يخش هدف فى الدقيقة ٧٩
ثم هدف فى الدقيقة ٨٣
ثم هدف فى الدقيقة ٩٢

ده اسمه إنهيار فنى ☺️
مالوش اسم تانى

أى فريق كورة في العالم يخش فيه ٣ اهداف ف ١٠ دقائق
دى كارثة ولا شك فى هذا 🤚
مفيش تماسك مفيش خطة ل إدارة الموقف
و عشوائية و حنجورية و كله بيزعق و كله بيجرى يتخانق

الدوشة اللى عملها حسام حسن اتمنى لما تنتهى
يطلع يبرر الانهيار الفنى
ازاى استقبل ٣ اهداف فى ١٠ دقائق فقط
دى اسمها سذاجه فنيه و مفيش كوتش شايف الماتش

العيل الصغير
قال لو نزلنا عبد المجيد و محمود صابر هنقفل الملعب و نموت الماتش

بل إنك هتتغاظ اكتر
لما تكتشف أن تدخلات الكوتش زى تغيير حمدى فتحى وتريزيجيه ساعدوا المنافس كمان فى العودة 😳

اتمنى بعد ما الدوشة تخلص
و الناس تهدا نكتشف أن المدرب أضاع على مصر مشوار تاريخى فى البطولة اللى كانت سهله فى المشوار من حيث عدد الفرق و موقف إيران مع أمريكا و باقى التفاصيل دى

التوظيف و استخدام الاوراق و إدارة الماتشات
و إدارة نفسية اللاعبين و الحفاظ على التركيبة التكتيكية
كلها أمورة فنية تحتاج ل كوتش و مدرب

لكن الكلام عن العروبة و فلسطين و التاريخ والحاضر و الجغرافيا و الكيميا دى كلها اظن كلام مرسل أى حد من الجماهير يعرف يتكلم احسن منه فيها

بس المدرب امتى هيتكلم فنياً ؟
امتى حسام حسن هيعترف أنه بيغلط ؟
أخطاء المدرب بداية من القائمة طبعا والحالة الجدلية اللى عملها و المشاكل اللى تسبب فيها
خدت محمد هانى ظهير ايمن رغم أن اللاعب عامل موسم كارثى
راح جاب هدفين فى مرمانا .. عملت حسابك على بديل ؟
لا طبعاً

خدت زيزو و هو عامل موسم فضيحة
كل ماتش تنزله لحد ما عملت تذمر داخل الفرقة و هيثم حسن اتخانق عشان يلعب و اتضح أن المدرب كان غلطان

محمود صابر المدرب كل ما ينزل اللاعب يتألق فجأة يحرمه من النزول تانى

عملت كارثة لما دفعت ب محمد عبد المنعم أساسى و اللاعب خارج فورمة ممارسة اللعبه و لبسنا ضربة جزاء و اضطريت تسحب اللاعب بسرعه

نفس الفرصة مخدهاش عبد المجيد اللى كان قطعا أجهز من عبد المنعم مع ناديه و مستواه فى البطولة عالى جدا فى اى وقت بيشارك فيه خصوصا لما نزل ظبط الملعب فى ماتش استراليا

أى كوتش متوسط
امبارح كان يعرف يقفل الماتش و يموت الملعب و يعمل تغييرات منطقية صح و يكسب بسهولة و يقتل ال١٠ دقائق

لكن المدرب بيحب تريزجييص
لدرجة انه غير التكتيك عشانه فى ماتش استراليا السهل
و خسرنا أمام عاشور ناحية اليمين ماتشين إيران و استراليا
مع أن اللاعب عدلته و خطورته من الشمال

نفس عناد تغييرة ابو كونية
عشان تلبس جيم مفتوح من الأفريقى التونسى بدون خبرة إدارة الماتش هو هو مش بيتغير ولا بيتطور.
ولسه بيدور على خناقة بعد كل ماتش

المدرب عاوز يراضى حمدى فتحى فا ينزلة بدون لازمه و يخلى حسام عبد المجيد بره .. تغيير مش فنى
و اغلب تغييرات المدرب من نوعية شرف المشاركة من اول البطولة

لو جبنا أى مدرب فى العالم معتقدش او مستحيل ياسر ابراهيم يكون ده كواليتى مدافع مصر الأساسى
لكن حسام حسن عنده وجهة النظر دى

وهو الحقيقة نجح فى حاجة واحدة فقط
وأنه خلى المنتخب يدفع فاتورة مصالحته على جماهير
الأهلى و الميديا بعد ٢٦ عام من الجفاء و الهجوم على المدرب 😳

ممكن نتكلم فنيا فى خمسين تفصيلة
فيها عناد و مكابرة و غطرسة فنية و مجاملة من المدرب

عاوزين مثلا كشف حساب لمستوى حمزة عبد الكريم
هل منتخب مصر استفاد من اللاعب
ولا حصل العكس و السبوبة هى اللى مشيت ؟
حصل العكس طبعا 😐

كان فى الإمكان افضل مما كان
و اللى يقولك غير كدا عقلية رجعيه بسيطه
اتعودت تهول و تكبر أى حاجة

ايسلندا اتعادلت مع الأرجنتين
السعودية كسبت الارجنتين
انا كسبان ٢- ٠ لحد الدقيقة ٨٠
و أى مرتدة منظمة هتعملها هتجيب التالت والرابع

جايز يكون اللى حصل ده خير لينا
لان الناس امبارح عاشت فرحة جنونية معرفش السقف بتاعها كان هيوصل لفين

بس مؤكد فيها إخفاق فنى و هرتلة تكتيكية حصلت
تتحدث عنها ارقام و إحصائيات و سيناريوهات كل الماتشات

مسألة أن المدرب يلمس أو يزغزغ الحس الوطنى
أو يرمى نفسه فى حضن الأغلبية
أو نرسم الرأى العام على المزاج

دى كلها أمور استهلاكية
اتراهن مع اى حد
إن الكونغو و الرأس الأخضر دلوقتى شغالين على التطوير الفنى مش التهاب الأحداث و افتحلك صندوق إعادة الماتش
عشان تخش تقعد فيه كمان ٢٠ سنه بتحلم بالوهم

طب هل المدرب عنده مشكلة تاريخيه فى الشحن الزائد اللى بيخلى نص الفرقة تتصاب من اول ماتشين فى اى بطولة
لازم هتلاقى كمية انذارات على إصابات بدون داعى أو مبرر
لكنها ثقافة المدرب 😕

لانى بسمع اى مدرب يقول هنهاجم هنكسب هنطور الأداء
لكن مدرب يقول هنقاتل و نحارب و نموت 😳
ده مش كلام كورة و بيحمل ضغط عصبى على اللاعيبة كمان

احنا مش جايبين سمير الاسكندراني يمسك المنتخب و اللى عاش حبك يعلم أى كلمة مستحيل

انت مدرب كورة 🤦🏻

كارثة كمان عملها حسام حسن أنه عارف ان فتوح مصاب و كمل باللاعب و خسر واحد من أهم العناصر
ده غباء فنى ولا شك فى هذا
و مسألة كبيرة لازم يحاسب عليها

منتخب مصر قولا واحدا
عنده من العناصر اللى لو كان معاك كوتش محترم
كان فعلا وصل لحتة بعيدة

أمر زى مستوى مرموش اللى كان بينزل أثناء البطولة
ده أمر يسأل عنه حسام حسن
لان معاملته ل اللاعب غلط طبعا و بيقتل أى حد نفسيا و من ثم فنيا
لو خدت بالك من تصرفات المدرب مع كل المهاجمين اللى ضمهم منذ تولى المنتخب هو بيقتلهم فى الملعب نفسياً و فنيا 🤦🏻

حسام حسن عنده مشاكل فنية بالجملة
ولا بيعرف يدير الشوط التانى
ولا بيعرف يقرأ الماتش ولا بيعرف يعمل تبديلات
و بيعمل مشاكل مع نص قوام أى فريق ماسكه
نتيجة سياسية الحب و الكره والتخوين بتاعت المدرب فى شخصيته 😶

و عنده كارثة أنه مستحيل يطلع يقول أنا عملت تبديل غلط
أو قريت الماتش غلط او حطيت سيناريو معاكس

مهم جدا المدرب بدل ما يتكلم فى علوم الحياة والسياسة
إنه يتكلم فنيا الاول

أو الافضل نجيب متحدث لبق مدرس جغرافيا مثلا يمسك المنتخب
و حسام حسن يروح يدرس هو تربية وطنيه

مفيش مدرب هيقعد عمره التدريبى كله
من ٢٠٠٨ لحد ٢٠٢٦ يعنى ١٦ سنه
بيعمل تغييرات غلط و يستقبل و يخسر الماتشات اخر ١٠ دقائق و مش عاوز يتعلم أو يعترف أنه غلط حتى 🤦🏻

الارجنتين كسبت مصر ٣-٢
الارجنتين كسبت كاب فيردى ٣-٢

لكن شتان الفارق .. اعتقد السيناريو و المقارنة بين الماتشين هيقولك كل حاجة
ازاى مدرب يقدر يرجع و ازاى العكس مدرب يفرط فى فوز سهل

المدير الفنى يا جماعة ببساطة مطلوب منه إدارة الماتشات
مش مطلوب منه حل معادلات الفيزياء..
مش بتاعته خالص .. خليك فى شغلك الاول
كفانا متاجرة و شعارات و لعبة استوغماية 😉

هدفين النهاردة فى ١٠ دقائق
واحد اتلغى بسبب خطورة محمد هانى علينا 🤦🏻
و نفذ نفس الهدف و استغل المساحات دايما صح

مصطفى زيكو 👏

شايف أن أمريكا تدى الكأس و اللقب ل ميسى
و نلعب ماتشات تنافسية تحت اى مسمى تانى
وليكن كأس تمثال الحرية فى أمريكا 😂

- محمد صلاح
- امام عاشور
- مصطفى شوبير
- مصطفى زيكو
- حسام عبد المجيد
- هيثم حسن
- احمد فتوح
- محمود صابر
- مهند لاشين
- رامى ربيعه

اللاعيبة دى أعلى الدرجات من منتخب مصر
فى كل ماتشات البطولة 🤚

تريزيجيص و احمد زيزو و محمد هانى و حمزة عبد الكريم
لاعيبة خدت مساحة وقت فى الملعب
بدون أدنى دليل 👎