17/08/2026
الأربعاء القادم في Revive Summer Edition
The Grieving Womb
مش كل الحزن على حاجة حصلت.
أحيانًا أعمق حزن…
بيكون على حاجة ما حصلتش أصلًا.
على أم ما عرفتيش معاها الأمان.
على حب كنتِ مستنياه وماجاش.
على اعتذار عمرك ما سمعتيه.
على علاقة انتهت، ومعاها مستقبل كامل كنتِ شايفاه.
على طفل أو أمومة ما اكتملوش.
على سنين عدّت وإنتِ بتحاولي تنجي.
وعلى نسخة منكِ ما أخدتش فرصتها تعيش.
أحيانًا إحنا مش بنحزن بس على اللي فقدناه.
بنحزن كمان على اللي ماخدناهوش أصلًا.
على الحماية اللي ماجتش.
على الاحتواء اللي ماعرفناهوش.
على الحياة اللي كنا فاكرين إننا هنعيشها.
وعلى حاجات فضل جزء مننا مستنيها سنين.
مستني حد يرجع.
حد يفهم.
حد يعتذر.
حد يختارنا.
أو مستني الماضي، بطريقة ما، يصلّح نفسه.
وده نوع من الـ grief قليل لما بنتكلم عنه.
مش بس:
What happened to you?
لكن كمان:
What should have happened… and never did?
الأربعاء القادم هنقابل The Grieving Womb.
هنفهم إزاي الحزن بيتحرك في الجهاز العصبي…
وإزاي ممكن جزء مننا يفضل searching, yearning, waiting، حتى بعد ما عقلنا يكون عارف إن الحاجة انتهت.
وهنفهم كمان إن healing مش معناه إننا نغرق في الحزن،
ومش إننا نجبر نفسنا نعيط أو نعمل emotional release.
لكن إننا نقدر نقابل الحقيقة بجرعة يقدر جسمنا يحتملها…
نحس من غير ما نغرق.
ونقرب من اللي وجعنا من غير ما نسيب نفسنا جواه.
يمكن بعض الحاجات مش محتاجة تتعوض.
يمكن محتاجة أخيرًا نعترف:
آه… دي كانت مهمة.
آه… كنت محتاجاها.
وآه… ما حصلتش.
وأحيانًا اللحظة اللي نبطل فيها نستنى الماضي يتغير…
هي أول لحظة نقدر فيها نرجع للحياة.
What are you still grieving?
And what are you still waiting for?
الجلسة مفتوحة للـ Drop In لمن ترغب في الانضمام لنا هذا الأسبوع.
