Tarek Reda Swimming Academy

🏊‍♂️♥️

🛑 الإنقاذ 🛑
من نعم ربنا اللي كانت سبب إني في ناس تعيش بسبب هذه النعمة هي نعمة الإنقاذ
من صغري بعد ما اتعلمت السباحة و دخلت الفريق و لحد ما وصلت للفريق الأول ربنا بيقدر إني أكون في وقت حد فيه بيغرق سواء كان في حمام السباحة أو البحر الكلام ده على مدار ٢٢ سنة و من غير ما أقول عدد الناس أنا حابب احكي عن مرة من المرات القريبة و هي بعد ما عملت عملية الرباط الصليبي كنت طالع أعمل تأهيل على الرملة في الساحل و بعد شهر ونص من العملية و بحاول أمشي و الدكتور قال لي ماينفعش تسافر و انت سايق أصلا وحاجات كتير و المفروض إني كنت سبت عكاز و ماشي بعكاز واحد
المهم وانا رايح على البحر بحاول اتعود على المشي لقيت في ٢ جوه بيغرقوا و الليف جارد مش واخذ باله و التاني فاكرهم بيهزورا و انا الحمد لله بحس باللي بيغرق دي حاجة ربنا وضعها فيها من زمان المهم انا مش عارف إزاي لقيت نفسي بجري و بنط في البحر كأني في بطولة مسافات طويلة و روحت للي أثنين قبل ما المنقذ يوصل لهم والحمد لله جبناهم بس أثناء و انا بطلع واحد فيهم بيقولي أرجوك متسبنيش انا بموت و جسمي كله مش حاسس بيه الكلام ده طالع من شاب عنده ٢٥ سنه المهم طمنته و خرج معايا و اللايف جارد سحب الثاني و البحر كان عالي و السحب عالي برده فلما خرجنا كلنا أنا مكنتش مصدق أنا إزاي جريت و نطيت و تعاملت كأني في كامل عافيتي سبحان الله علشان كده لازم الشباب اللي مش بيعرف يعوم ميحاولش يلعب مع البحر و يدخل جوه تماما و على المنقذين إنهم أذا جالهم شك إن في حد بيغرق ينزل علطول ده في ناس بتغرق و هي ليها طول في البحر و في لحظة رجله تخونه و يفضل يشرب في مايه لحد ما يموت و أخيرا لازم تتعلم السباحة علشان أسباب كثيرة جدا أهمها حياتك و الحمد لله على نعمه التي لا تعد ولا تحصى وربنا يزيد من المنقذين في البر و البحر و في كل مكان لأن لله جنود في كل مكان ينقذوا عباده من أي ضيق .

👑رياضة السباحة رياضة صعبة جدا 👑

الأوجاع اللي بيحسها لاعب السباحة المحترف بتبقى في كل مكان في جسده حرفيا و بيعيش مع الأوجاع دي من أول سباق له حقيقي في بطولة منذ صغره نتيجة السرعة و القوة و النفس السريع و تحريك رجله بأقصي سرعة و كذلك الذراع و حركة الظهر و الكتف و كل مفاصل الجسم الكبيرة و الدقيقة في اليدين و القدمين و سلسلة الظهر علشان يكسر رقمه في أي سباق وبسبب ذلك لاعب السباحة لاعب قوي جسديا و نفسيا و عقليا وعنده من الصبر ما يجعله ينجح في أي شيء أراد أن ينجح فيه .