MAGED academy

MAGED ACADEMY
تحذير هام لكل ولي أمر (ابنك مش حقل تجارب!)
بنشوف الفترة دي انتشار رهيب لأكاديميات كرة القدم، وكل يوم تفتح أكاديمية جديدة تحت السلم. للأسف، الموضوع عند ناس كتير اتقلب من "تربية وتأسيس" لـ **"سبوبة وتجارة"** على حساب صحة ومستقبل الاولاد
فيه وهم كبير بيقع فيه أولياء الأمور لازم نفوق منه:
# # # ❌ وهم "التمرين الشديد" والـ "هدّ حيل الولد"
بنشوف أولياء أمور بيفرحوا جداً لما الطفل يخرج من التمرين مش قادر يمشي على رجله ونفسه مقطوع، ويقولوا: *"الله! الكابتن ده ميعرفش أبوه ، ده فرم الولد انهارده! ههههههه
**الحقيقة المُرّة:** ده مش نجاح، ده تدمير!
السن الصغير (تحت 13 سنة) **مش محتاج حمل بدني عنيف** ولا جري لمسافات طويلة، ولا تمارين "جر وتكسير عضم".
# # # 📉 النتيجة العلمية للكوارث دي:
* **تأخر المهارة:** الحمل البدني الزايد بيحرق عضلات الطفل وبيخليه يكره الكورة، وبدل ما مهارته تزيد.. مستواه بيضعف وبتقل مرونته.
* **إصابات بدري جداً:** بنشوف أطفال جيلهم إصابات ملاعب (مزق، والتهابات مفاصل) وهم لسه معملوش 10 سنين بسبب غشومية المدربين!
* **عقدة نفسية:** الطفل بيكره الرياضة ومبيستمتعش بيها لأنها اتحولت لـ "معسكر تعذيب" مش لعبة.
# # # 💡 السن الصغير محتاج إيه؟
في السن ده، المدرب "المحترم الدارس" بيشتغل على:
1. **المهارة بالكرة:** الاستلام، التسليم، المراوغة، والمتعة.
2. **التوافق العضلي العصبي:** الرشاقة، التوازن، والسرعة (بدون أحمال ثقيلة).
3. **الجانب النفسي:** حب اللعبة والالتزام وروحه الرياضية.
# # # ⚠️ نصيحة لوجه الله قبل ما تشترك لابنك:
اسأل عن **"السي في"** بتاع المدرب.. هل هو لعب كوره علي مستويات عاليه ، هل هو مؤهل ، دارس ، خريج اي ؟
الاهم من كده انت ك مدرب اكاديمي طلعت كام لاعب من عندك للانديه وبتسعي ل كده مع الأولاد وبتشجعهم ولا لا
> **افتكر دايماً:** ابنك أمانة، وصحته ومستقبله أهم بكتير من لقطة في تمرين علي قد حاله . اختاروا الأكاديمية اللي بتفهم سيكولوجية وجسم الطفل، مش اللي بتجري ورا السبوبة!
الممارسه + العلم + الاخلاص
كابتن/ ماجد ابراهيم
MAGED ACADEMY حيااااااااااااه
>

خلصت أجازه العيد دبحنا وأكلنا اللحمه والفته ههههه
بكره ان شاءالله عوده تمرينات MAGED ACADEMY
بكامل طاقتها هنجهز تدريبات وعدد من المباريات
علشان اولادنا المميزين يجهزوا عندنا اختبارات
وكمان باقي الأولاد يجهزوا ويتطوروا للي جاي

كل عام وانتم طيبين وبخير عيد أضحي مبارك

كتيبه الاعدام من التمرين الصباحي اليوم ، اللي لعب كوره بجد ، فريق اول ، مش ناشئين هنا وهناك ، عارف اهميه التغيير المناخي للاعب فتره صباحيه ، فتره مسائيه ، احساس الشمس وقت التمرين ، مع مراعاه الوحده التدريبيه وفترات الراحه ، ونسبه السوائل اللي محتاجها الجسم ، المعلومه دي اللي دارس بس هيفهم الولد هيروح نادي معاد تمرينه غير معاد الاكاديميه ، هينزل اختبار معاده غير معاد الاكاديميه ، انت كمدرب بتجهزه وبتحضره لكل السناريوهات والأجواء دي ، كل ده محتاج مدرب بيعلم ويجهز بجد ويعامل ربنا وضميره ، بعيد عن الشووووو والاستثمار
موجودين علي ملاعب باوور امام الفيوتشر مول
ايام التدريب السبت والاتنين والاربعاء
شكرا

الانطلاق من هنا الحمد لله شغالين بكامل قوتنا قبل واثناء وبعد الامتحانات بنجهز كويس ومحضرين مباريات تجهيزيه للاولاد لتسويق اللاعبين المميزين كالعاده لانديه القاهره ، حتي لو مش موجود معانا داخل الاكاديميه وحابب تجهز وتطور كويس تعالي جرب بنفسك
MAGED ACADEMY علي ملاعب باوور
ايام السبت والاتنين والاربع
MAGED ACADEMY حياااااااااااااااه

اولادنا البراعم والكيدز اللي خلصوا امتحانات مستنينكم داخل اكاديميه MAGED ACADEMY
لممارسه الرياضه وتعليم وتأسيس كره القدم
تعالي جرب تمرين واتنين
شغل كوره بس ، تجهيز وتسويق لاعبين ، مباريات وديه
مسابقات تنافسيه ، العاب ترفيهيه للكيدز
موجودين علي ملاعب باوور نادي المستقبل

الاكاديميه بترحب بجميع اللاعبين المنضميين اليها ونتمني لهم التوفيق وشكرا علي اختياركم وثقتكم في الاكاديميه
MAGED ACADEMY الانطلاق من هنا

معلومه ع الماشي
النوم = سر القوة اللي محدش شايفه في الملعب

ناس كتير فاكرة إن التطور في الكورة بييجي من التمرين بس…
لكن الحقيقة؟ 🛌
أقوى لاعب هو اللي بيعرف ينام صح!

💥 ليه النوم مهم للاعب الكورة؟

⚡ استشفاء العضلات
جسمك بيصلّح نفسه وأنت نايم… يعني لو نومك وحش، عضلاتك بتدخل التمرين اللي بعده وهي لسه تعبانة!

تركيز أعلى في الملعب
القرار الصح في جزء من الثانية هو الفرق بين لاعب عادي ولاعب تقيل… والنوم هو اللي بيظبط دماغك.

🚀 سرعة ورد فعل أقوى
نوم قليل = بطء في الاستجابة = هتخسر كور كتير حتى لو مهارتك عالية.

زيادة القوة والتحمل
هرمونات البناء بتطلع وانت نايم… لو نومك بايظ، مستواك هيقف مكانه.

❌ طب إيه اللي بيحصل لو نومك وحش؟

* أداءك بيقل حتى لو بتتمرن كويس
* إصاباتك بتزيد (شد عضلي / إجهاد)
* تركيزك بيضيع في نص الماتش
* مزاجك بيتقلب وده بيأثر على مستواك
* لياقتك بتقع أسرع من الطبيعي

من الاخر كدا با نجم
لو بتتمرن 100% وبتنام غلط…
يبقى انت بتضيع نص مجهودك بإيدك!

✅ نام من 7 لـ 9 ساعات
✅ ابعد عن الموبايل قبل النوم
✅ خليك ثابت في مواعيد نومك

عايز تبقى لاعب تقيل بجد؟
ابدأ من سر بسيط جدًا…
نام صح.
ك/ ماجد ابراهيم

الاختلاف مش بس داخل الملعب كمان خارج الملعب علشان بنحب الكوره ومهتمين بالتفاصيل لازم يكون في افكار وابداع مختلف عن الباقي وعن الشوووو والمهرجانات ، استغلينا النهارده اجازه وعملنا
(اليوم المفتوح) للاولاد اه زي ماقريتها كده عملنا
التدريب فترتين التدريب الصباحي (الساعه ٩)
وهنعمل التدريب المسائي ( الساعه ٥ )
والاتنين مرتبطين ببعض ومكملين للأفكار للاستفاده من اليوم
عارف انها صعبه ، وعارف ان في ناس هاتخدها زي ماهي كده
الممارسه +العلم + الاخلاص
الانطلاق من هنا MAGED ACADEMY

معلومه ع الماشي
التدريب تحت اشعه الشمس من اهم العوامل اللي بتفرق في مستوي اي لاعب خصوصا في قطاع الناشئين
اولا : اهم العوامل هي
اللاعب يكمل بنفس القوه لآخر دقيقه
جاهزيه بدنيه اقوي من المنافس
تركيز اعلي تحت ضغط
ثاني : المميزات
بناء جسم قوي متوازن
زياده التحمل البدني
التعود علي أجواء المباريات الصعبه
شخصيه اقوي داخل الملعب
ثالثا : التدريب بشكل علمي
شرب الماء باستمرار
تنظيم الحمل التدريبي
فترات راحه كافيه
اللاعب القوي المتكامل اللي جسمه وعقله حاضرين باستمرار طواال التدريب اوالماتش تحت اي موقف
ك/ ماجد ابراهيم