عراب التسعين

ياتري عرفت دلوقت الفرق بين العظمة اللي قدمها منتخب بلدك قدام الارجنتين بطل العالم وبين الانبـ، ـطاح اللي قدمه المغرب قدام وصيف العالم ؟! ولا لسه بردو منتخب بلدك مش عاجبك؟!

منتخب مصر نزل بقوة شخصيته، نزل مش خايف ولعب واستحوذ وسيطر وسجل هدف واتنين وتلاتة ولولا حكم فا، جر كان زمانا في دور ال 8
علي الجانب الاخر شوفنا منتخب مغربي ضعيف، جبان، قليل الحيلة، متوقع داخل منطقة جزائه لمدة 90 دقيقة ومرعوبين من لعيبة فرنسا حرفيا اللي بتلعب عليهم ماتش ف منتهى السهولة كأنه حصة تدريبية وبيسجلوا هدف واتنين ومضيعين بلنتى ومليون فرصة كان ممكن يكون اسكور تاريخى..

فرنسا وهى بتلعب علي الواقف كسبت اسهل ماتش ليها في البطولة..

عشان لما كنت اقولكم المغرب دي فقاعة محدش صدقنى ، لمجرد انهم قابلوا اول منتخب منظم ظهروا قدامه كأنهم اطفال صغيرة...

من حقك دلوقت تفتخر بالعظمة اللي عملها منتخب بلدك في بطل العالم...
وانا من حقي اقول دلوقت بأعلي صوت ان افضل اداء وشخصية لمنتخب افريقي في كأس العالم 2026 هو اداء المنتخب المصري وبفرق شاسع عن اقرب حد ليه

مفيش شك إن أكتر ناس كانت متضايقة من اللي قدمه منتخب مصر في كأس العالم، هم بعض المسؤولين في اتحاد الكورة... لأن الأداء الكبير للمنتخب نسـ، ـف سيناريو كان ناس كتير مستنياه ألا وهو رحيل حسام حسن.

لكن اللي حصل كان العكس تمامًا... منتخب مصر أبهر الجميع، وحسام حسن خرج من البطولة وهو كسبان احترام الشارع الكروي.

هل تعلم عزيزي القاريء إن حسام حسن راح مع منتخب مصر في كأس العالم، وهو أصلًا ماكانش عنده عقد رسمي مكتمل يربطه بالمنتخب؟! 🤯

وبعد كل اللي حققه...

يخرج اتحاد الكرة النهارده ويقول: "هنجدد عقد حسام حسن حتى 2030... لكن بشروط."

🔴 أولًا: التأهل لكأس الأمم الأفريقية...

🔴 ثانيًا: الوصول إلى المربع الذهبي في البطولة...

🔴 ثالثًا: التأهل لكأس العالم 2030.

طيب... أنا معنديش مشكلة مع وجود أهداف أو محاسبة.

لكن عندي سؤال واحد:

كانت فين الشروط دي مع المدربين الأجانب؟!

عمري ما شفت اتحاد الكورة حط شرط واحد من دول في عقد اى مدرب أجنبي.

طيب خد التقيلة بقي 👇
انت تعرف ان راتب حسام حسن مع منتخب مصر هو 20 ألف $ فقط...

بينما كان راتب فيتوريا
اخر مدرب اجنبي مسك المنتخب كان 250 ألف $ متخيل الفرق 🤯

يعني المدرب المصري بياخد أقل بكتير... ولو نجح يتحطله شروط عشان نعجزه او بمعنى ادق نطفشه !

هو إحنا ليه بنتعامل بمنطق مختلف مع ابن بلدنا؟

لو حسام حسن دي أول تجربة ليه مع المنتخب، كان ممكن تتفهم إنك تحط شروط وتستنى تشوف النتائج.

لكن الراجل قاد المنتخب لنتائج كبيرة، ووصل به لمستوى أشاد به الجميع في كأس العالم، وأثبت إنه قادر ينافس أمام منتخبات كبيرة.

كان الطبيعي إن التجديد يكون رسالة ثقة وتقدير...

مش رسالة تشكيك، وكأن كل اللي اتعمل اتنسى.

السؤال اللي لازم يتسأل بجد وياريت حضراتكم تجاوبوني :

هل اتحاد الكورة كان هيجرؤ يحط نفس الشروط دي في عقد مدرب أجنبي راتبه 250 ألف $... ولا الشطارة كلها بتظهر بس مع المدرب المصري؟ 🔥

اينعم مفيش خبر ممكن ينسينا وجع مباراة الارجنتين بس انا متأكد انك هتفرح للخبر دا...

تقارير صحفية اوروبية بتؤكد اهتمام كبير جدا من نادي ليفربول الانجليزى بالتعاقد مع هيثم حسن...

انا كتبت امبارح وقولت هيثم حسن لا ينقصه شىء انه يلعب في أندية الكبار في اوروبا لانه عنده المقومات لدا

🔷 لاعب صغير ف السن 24 سنة وهو نفس السن اللي اتعاقدوا فيه مع صلاح

🔷 عنده مهارة وقدرات عالية جدا علي مراوغة المدافعين

🔷لاعب عنده جرأة كبيرة جدا مش بيستنى المدافع، دا بياخد الكورة ويروحله

🔷 لاعب سريع جدا يقدر ينقلك من الدفاع للهجوم ف غمضة عين

هيثم بالتأكيد محتاج يطور بعض الحاجات عنده زي الفينش وانه يقطم لجوا ويسد، د ويهتم بالبدنى بتاعه ولو اتقن ال3 حاجات دول هيكون لاعب class A ..

الصفقة دي لو تمت هتكون نقلة عظيمة جدا جدا لهيثم وبسببها القهاوي المصرية هترجع العلاقات تاني مع ليفربول 🤝♥

كل الدعم والتوفيق لنجمنا القادم هيثم حسن
👏🇪🇬❤

من وجهة نظرك لو الصفقة تمت هل هيثم هيقدر يثيت نفسه ف الدوري الانجليزي ؟؟

كنت واخد قرار من اول البطولة اني لا هتكلم علي المغرب ولا هتفرج علي ماتشاتهم كمان لأنهم بالنسبة ليا زيهم زى هايتي او باراجواي او اسكتلندا، يعنى منتخب اجنبي مفيش بينى وبينه اى صلة تعاطف...

بعد ماتشنا مع الارجنتين فجأة لقيت كل البوستات اللي بتظهر قدامى كلها من صفحات مغربية والبوستات مليانة شما، تة وحـ، ـقد ملهوش وصف وضيف علي كدا شتيمة وسفا، لة واخر قلة اد، ب علي منتخب مصر.....

هل المغرب كان طرف ف المباراة؟! لا

هل المغرب هتستفاد شىء من فوز الارجنتين؟! لأ..

هل لما تفرح وتشمت في ظلم الحكم ليا دا مكسب ليك ؟! لا

الحقيقة انهم بيستمتعوا بهزيمتنا اكتر من فرحتهم بفوز منتخبهم والكومنت اللي ف الصورة دا هتلاقي الاف منه في صفحاتهم ، ودا ان دا علي شىء فيدل انهم جمهور حقود، قلبه مليان غـ، ـل وسو/اد...

وبناءا علي ما سبق اوعى تيجى تقولي دا مننخب عربي وواجب عليك دعمه لأنهم نفسهم بيقولك احنا مش عرب...

انا عمري ما هشجع منتخب غير منتخب بلدي لأن هو الاول والاخير بالنسبالي و لكن وانا بتفرج النهاردا علي ماتش فرنسا والمغرب بالتأكيد كل التأكيد هتكون عاطفتى مع المنتخب الفرنسي عشان يرموهم برا البطولة وأتمنى ميكونش خروج مشرف، يكون خروج بفضـ، ـيحة كمان واللي أتمناه اكتر واكتر ان الحكم الارجنتينى يعمل معاهم الواجب عشان يبقوا يشمتوا كويس ق ظلم الحكم لينا
كل الدعم للديوك الفرنسية ♥

ف الختام هسأل حضراتكم ؛ تعاطفك هيكون مع مين النهاردا ؟؟

"مش هتكلم عن أداء المنتخب... هتكلم عن الجر، يمة اللي حصلت قدام العالم كله. 👇"

أي عيـ،ـل متـ، ـني خا،ـين لبلده وكان بيشجع الأرجنتين، ولسه بيقولك الحكم كانت قراراته محايدة... تـ، ـف في وشه ومتتناقش معاه أصلاً. ❌

تعالى أقولك إزاي حكم يقدر يغـ؛ـتال حلم شعب كامل...

🔴 احسب عليا ركلة جزاء من لمسة خفيفة بتحصل في كل دوريات العالم وبتعدي عادي.

🔴 أوعى ترجع للفار... لأنك لو رجعت للفار يبقى معناه إنك متردد في ارتكاب الجر، يمة.

🔴 صفر على كل لمسة مني لأي لاعب أرجنتيني، وكأنه لاعب من زجاج خايف عليه يتكـ، ـسر.

🔴 حطني تحت ضغط إني ممنوع أحتك أو ألمس أي لاعب أرجنتيني.

🔴 لو سجلت هدف... ارجع للفار فورًا، ودقق وافحص ومحص، وحاول تطلع أي هفوة حتى لو كانت على بعد 80 متر، المهم تلاقي سبب تلغي بيه الهدف.

🔴 اسمح لكل لاعيبة الأرجنتين بالاحتكاك والخشونة ضدي بدون صفارة، عشان يفضلوا ماسكين الكورة ويخنقوني طول المباراة.

🔴 لو ليا فاول أو حتى اشتباه في ضر، بة جزاء... أوعى تراجع الفار، وكمل اللعب عادي.

🔴 لو الأرجنتين سجلت هدف، وقبله حصل نفس الخطأ اللي ألغيت بيه هدفي... أوعى ترجع للفار، واحسب الجول مباشرة.

🔴 أي لاعب أو إداري من عندي يحاول يناقشك في قراراتك... وزع الكروت الصفراء بالكوم، ولو لزم الأمر طلع الأحمر.

🔴 ومع كل لعبة، اجري كلم الحارس ومدافعيني، وهددهم بالإنذارات والطرد لو ضيعوا ثانية واحدة.

🔴 حطني تحت ضغط طوال الـ90 دقيقة إني مظلـ،ـوم...

وفي الآخر يقولك الحكم كان محايد!

والله العظيم اللي شاف الماتش بعينه، مستحيل يقتنع إن التحكيم كان طبيعي.

من وجهة نظرك هل قرارات الحكم دا كانت مجرد اخطاء عادية ولا دا سيناريو وبيتتفذ ؟؟

في اوليمبياد باريس 2024، مصر بتقابل فرنسا "صاحب الارض" في مباراة نص النهائي وكل الترشيحات رايحة لفرنسا ويبدأ الماتش ومننخبنا يقدم ملحمة كورية تدرس ومش بس كدا، دا كمان بيتقدم بهدف لمحمود صابر علي فرنسا في ملعبها وقدام جماهيرهم وفضلنا لغاية الدقيقة 86 كسبانين 0/1 وبعدها انهار كل شىء 😢
امبارح نفس السيناريو بيتكرر قدام بطل العالم الارجنتين وبسيناريو يخلينا نتوجع كل ما نفتكر الماتش دا...

الماتشين دول العامل المشترك فيهم هو ضياع التركيز اخر 10 دقايق 😢

🔴10 دقايق بس كانت ممكن تخليك تلعب نهائي الاوليمبياد وتحقق ميدالية لأول مرة ف تاريخك في كورة القدم..

🔴10 دقايق بس كانت ممكن تخليك تخرج بطل العالم من كأس العالم...

🔴10 دقايق بس كانت كافية انك توصل دور ال 8 لأول مرة ف تاريخك...

🔴10 دقايق بس كانت كافية ان الجيل دا يكتب اسمه بحروف من دهب في تاريخ الكورة العربية والافريقية..

🔴10 دقايق بس كانت كافية انها تضيع حلم ميدالية اوليمبية وحلم دور ال8 ف كأس العالم 😢

الجروح اللي زى الماتشين دول عمرها ما بتتنسي ابدا بس لازم نقف ونرجع اقوي من تاني وناخد من الماتشين دول اكبر درس نتعلمه عشان منكرروش ف المستقبل...

ال10 دقايق دول وقعنا فيهم بسبب اكتر من عامل👇
🔷 غياب التركيز
🔷تم استهلاكنا بدنيا
🔷 قرارات تحكيمية خلت المنافس يخنقك حرفيا 👌

طيب لو دا اتكرر نفلت منها ازاى ؟!

🔴اولا لازم المدرب وقتها يتدخل فورا لأن دا وقته ويحاول يعمل التبديلات اللي تدي نفس انعاش للفريق..

🔴ثانيا اللعيبة الخبرة لازم تكـ، ـسر رتم وسخونة الماتش بأى طريقة ممكنه

🔴ثالثا حارس المر، مي يضيع وقت بأى طريقة بحيث يحبط المنافس

🔴رابعا التركيز ثم التركيز ثم التركيز لأن اى هفوة هتضيع مجهود فريق كامل...

من وجهة نظرك هل كان ممكن نعدي ال10 دقايق دول بأنهو طريقة؟؟

خرجنا من كأس العالم ورأ، سنا مرفوعة... لكن فيه لاعب واحد ساب وجع أكبر من وجع الخروج نفسه، تفتكر هو مين 🤔

من وجهة نظري اللاعب دا هو عمر مرموش...

نفسي الكلام ده يوصله، لأن وقتها هكون مضطر أقوله بكل صراحة...

أنت خذلت الجمهور المصري.

اقعد مع نفسك واسأل سؤال واحد:

هل أنا كنت جاي ألعب عشان أساعد منتخب بلدي يوصل لأبعد نقطة... ولا كنت جاي أثبت إنى نجم النجوم ومينفعش أقعد دكة في السيتي؟

إحنا كنا مستنيين منك حاجة تانية خالص.

أنا واحد من الناس كان عندي يقين إن مرموش هيكون نجم البطولة الأول لمنتخب مصر... اللاعب اللي هيفرق في اللحظات الصعبة، وهيشيل الفريق لما الأمور تتعقد.

لكن اللي شفناه كان العكس تمامًا.

راجع ملخص لمساتك في ال 5 مباريات، واسأل نفسك بكل أمانة...

هل ده مستوى لاعب الناس كانت معلقاله كل الأحلام دي؟

في الوقت اللي محمد صلاح، وهو عنده 34 سنة، كان بيقاتل في كل كورة، ويجري، ويضغط، ويحاول يرفع الفريق على كتفه...

كان المفروض الدور ده يبدأ ينتقل ليك.

كان المفروض نشوف مرموش اللي يشيل الراية، ويقود المنتخب، ويقول: "متقلقوش... أنا موجود."

لكن للأسف...

شفنا لاعب تايه، فاقد للتركيز، متسرع في قراراته، وفي أوقات كتير كان همه الأول إنه هو اللي يسجل وياخد اللقطة.

وده مش اللاعب اللي كنا مستنيينه.

الكلام ده مش كراهية... بالعكس.

الكلام ده لأننا مؤمنين إن عندك إمكانيات أكبر بكتير من اللي قدمته.

ولأن منتخب مصر كان في أشد الاحتياج ليك... لكن وقت الجد، خذلت الآمال اللي كانت متعلقة بيك.

أتمنى تكون البطولة دي درس، وترجع أقوى، لأن مصر لسه محتاجاك...

لكن لازم تعرف إن الجمهور اتوجع... واتصدم... وكان مستني منك أكتر من كده بكتير.

سؤال للنقاش:
من وجهة نظرك... مين أكتر لاعب خذلك مع منتخب مصر في كأس العالم؟

بعيدًا عن وجع الخروج... في كنز لقيناه لازم نحافظ عليه....

مش قادر أتخطى وجع امبارح... لكن لو فضلنا واقفين عند الخسا، رة، عمرنا ما هنبني منتخب يحقق حلمنا.

وعشان كده، لازم نتكلم عن أهم مكسب خرجنا بيه من كأس العالم ... ألا وهو اللاعب هيثم حسن. 🇪🇬

بصراحة، من زمان وإحنا مفتقدين لاعب بالمواصفات دي.

لاعب مهاري، عنده الجرأة يروح للمدافع بدل ما يستناه، مستعد يعدي واحد واتنين وتلاتة لو الموقف محتاج، وسرعته تخليه ينقل المنتخب من الدفاع للهجوم في ثوانٍ معدودة.

الأهم من كده، إنه بيديك حلول هجومية غير تقليدية... والحلول دي هي اللي بتفرق قدام المنتخبات الكبيرة.

طيب... نستفيد منه إزاي؟

✅ أولًا: لازم يكون هيثم حسن هو العمود اللي هتبني عليه خطة المنتخب في السنوات الجاية. اللاعب ده مشروع نجم، ولازم يتعامل على الأساس ده.

✅ ثانيًا: بلاش نقـ، ـتله تكتيكيًا. متطلبش منه يبقى ظهير وجناح في نفس الوقت. قلل واجباته الدفاعية على قد ما تقدر، وفرغه للحاجة اللي هو مميز فيها... المراوغة، الاختراق، وصناعة الخطورة.

✅ ثالثًا: هيثم محتاج وكيل أعمال شاطر. الإمكانيات اللي عنده تؤهله يلعب في دوري زي الإنجليزي أو الألماني مرتاح ، وف اندية كبيرة كمان

✅ رابعًا: هو كمان عليه دور. لازم يطور اللمسة الأخيرة. يشتغل على إنه يقطم للعمق أكثر، ويحسن الإنهاء قدام المرمى، لأن اللاعب اللي عنده السرعة والمهارة دي لو أضاف لهم الفينيش... هيبقى سلا، ح مرعب.

في النهاية...

كأس العالم خلانا نكتشف إن منتخب مصر قادر يقف قدام الكبار، لكن كمان كشفلنا إن عندنا لاعب ممكن يبقى من أهم نجوم الجيل الجديد إذا عرفنا نستثمره صح.

أوعوا تضيعوا هيثم حسن... لأن النوعية دي من اللاعبين مش بتتكرر كتير. 🇪🇬🔥

ف الختام ياريت تقولي رأيك في هيثم حسن؟؟؟

ما تيجى نحسبها مع بعض ياصاحبي...
مهو بردو مكنش ينفع الارجنتين تخرج ، السيناريو بيقول نفضل نزق معاها لغاية ما توصل النهائي والناحية التانية كذلك فرنسا ونعيد قصة نهائي 2022 والمرة دى فرنسا تنتقم ، السيناريو جميل ومشوق ويجيب اعلانات ورعاية بالكوم انما مصر ايه دي اللي عاوزها تبوظ السيناريو...

🔴هنعمل فترات توقف جوا كل ماتش نكسـ، ـر بيه رتم الماتش بس مش مهم، المهم اننا هنجيب شوية اعلانات زى اللوز...

🔴هنكسـ، ـر القوانين واللوايح عشان نلغي ايقاف لاعب واخد كارت احمر، مش مهم بردو المهم ننول الرضا من اصحاب الفرح...

🔴نختار دولة لتنظيم كأس العالم وهم اساسا شعب كورة القدم اخر اهتمامتهم، بس مش مهم المهم البيزنس والشركات تستفاد....

🔴نخلي المنتخبات تلعب الساعة 12 الضهر ، وايه يعنى، يستحملوا لان السبوبة تستاهل...

🔴نمنع حكام من دول معينة تدخل المونديال، مش مهم ونعمل مش واخدين بالنا

🔴بعثات المنتخبات تتهان و تعامل معاملة تجار المخد،،، رات وقت التفتيش، مش مهم، نستحمل شوية

خلاصة القول
انفانتينو دا مينفعش يبقي مسؤل عن اكبر مؤسسة بتدير كورة القدم في العالم. نقطة انتهى

مش لاقي كلام اكتبه يعبر عن الوجع اللي جوايا والله بس عموما ارفع راسك فوق منتخبنا عمل اللي عليه وزيادة..

للاسف السيناريو كان قاسي اوي علينا وكل الظروف كانت حرفيا ضدنا
🔷لعبنا قصاد منتخب قـ، ـذر مرسوم له يوصل النهائي عافية

🔷لعبنا قصاد حكـ، ـم بايع ذمته و محطوط له اجندة بينفذها

🔷لعبنا قصاد فوارق فنية كبيرة جدا بين لعيبة بتلعب ف دورينا المحلي ولعيبة بتلعب ف اعلي ليفل للكورة الاوروبية

🔷لعبنا ضد الاجهاد والارهاق البدني بعد اشواط اضافية قدام استراليا

محدش يزعل ياشباب منتخبنا رجالة ومحدش فيهم بخل بنقطة عرق واحدة

لو عندك رسالة تقولها للمنتخب ياتري تقولهم ايه ؟؟