Thor Gym

لو انت عديت الأربعين وهرمون الذكور واقع 🥀 !!!
لاتستسلم أعرف رجال كان شكلهم مش لطيف وباين عليهم السن 😮‍💨
راحوا لعبوا رياضة واستمروا في التمرين والنتيجة شكلهم اتغير ولو قابلت واحد منهم مش هتعرفه 🤔
الرياضه مش بس بتخلي جسمك يتغير وتتخلص من الترهلات وإنحناء الظهر 😃
لا دي هتخليك فحل فحل فحل آه والله زي ما بقول لك كده هتعلي هرمون الذكورة وهتخليه في أعلى مستوياته بعد ما كان يا عيني هبطان ونازل لتحت 💪💪💪
وإيه بقا هتشيل شوية الرخرخة والربربة واللغد إللي مدلدل من وشك هتخلي وشك حاجه كده وش عنتره ابن شداد اه وهو انت شفته يا حج سعيد ‼️آه شفته ❓ طيب شفته فين ⁉️ شفته في وش كل لاعب كمال اجسام او كل رياضي ⚔️🗡️⚔️
وينك يا عبله وينك عنتره جي جي ♥️
بالله عليك انت وهو ما تستسلم واستعيذ بالله من الكسل واستعن بالله وروح إلعب رياضه وشويه بشويه جسمك هيفك وهتتعود على الرياضة 💪💪💪🌶️
كم شهر بس وبص في المرايه هتعرف إن أنت نجحت إنك تموت آه تموت الرجل الورق إلي جواك الرجل الخانع الرجع الضعيف الرجل المستسلم الرجل بتاع مفيش الرجل بتاع مش قادر 😂😂 .
هتشوف في نفسك نموزج هتحمد ربنا عليه .
قوم وسيبك من الكسل وسيبك من كلمة خلاص العمر راح
والله انت صغير .
في الفلاحين لما بينادوا على حد ميت خاصه اذا كان رجل وتحت الخمسين بينادي الميكروفون انتقل إلى رحمة الله تعالى فقيد الشباب فلان .
يعني هما مؤمنين انك شباب حتى بعد الموت ربنا يطول في أعماركم وانت الوقتي حي ومؤمن انك عجزت يا أخي أنت شباب جسمك بس محتاج شوية رياضه .
انزل لصالة كمال الأجسام المهم تستمر وريح يومين في الأسبوع وما تتقل على نفسك في الأثقال فقط أحمال خفيفة وعدد أكثر .
وممكن تستعين بشوية حسك Tribulus لرفع هرمونات الذكورة
Testosterone
لأن الحسك يحتوي على مادة
Protodioscin.
دي هتزود هرموناتك الذكريه وهتسعدك في التمرين وإيه كمان هتخشن صوتك وتخلي عندك الدافع للقوة والنشاط وحاجه كل الرجاله بتحبها الـــ6ــتات ..
وممكن تشرب معاه شوية من نبات القريص هيثبط إنزيم 5α-reductase وهيخفض بشكل ملحوظ في مستوى ثنائي هيدروتستوستيرون داخل البروستاتا (DHT) عن طريق تقليل تحويل التستوستيرون إلى DHT .
وخلي التصخم في عضلاتك مش في البروستاتا بتاعك يا خبيبي 😶‍🌫️🫥🫣
وبكده هتعيش افضل أيام حياتك .
وعلى فكرة الرجل الكبير القوي المفتول بيكون محل ثقة ومكان للأمان اكثر من الشباب لان قوته معاها حكمة وخبرة السنين اكثر من الشباب وتهوره .
لياقة بدنية يعقبها صحة جنسية وثقة في النفس وقوة عضلية و يا عنترة عبلة في إنتظارك 🌹♥️🌹.
مالكش عذر ولا حجه الرياضة من أمامك والـ .... مش عاوز أقول .
و بدون الرياضة مفيش عشبه ولا برشامه هتحل لك المعضلات .
محبكم/ أحمد السعيد العطار

لو وصلت لهذا المكان في نهاية المنشور ضع الإعجاب بالمنشور وضع تعليقك ورأيك لكي يصل المنشور للجميع .

🔥 معظم الناس يظنون أن التعب، الشد العضلي، فقدان القوة أو انخفاض الانفجار العضلي في التمرين يعود إلى الإفراط في التدريب… لكن الحقيقة أبسط بكثير، وأسهل للإصلاح!
كل حركة تقوم بها أثناء التمرين تحتاج إلى معدنين أساسيين يعملان في توازن مثالي:

✅ الكالسيوم: يحفّز انقباض العضلة لتحريك الوزن.
✅ المغنيسيوم: يحفّز استرخاء العضلة لتكون جاهزة للتكرار التالي.
كلما زادت كثافة التدريب، كلما استهلك جسمك هذين المعدنين بسرعة.
النتيجة؟ الرياضيون، رافعو الأثقال، وأي شخص يمارس الرياضة بانتظام قد يصاب بنقص هذه المعادن دون أن يدرك أن مشكلته في الأداء ليست في التدريب، بل في التغذية!

💥 وعندما ينخفض الكالسيوم والمغنيسيوم كثيرًا، تظهر الأعراض سريعًا:
تشنجات عضلية
حركة الأرجل أثناء النوم
أرق وضعف النوم
توقف التقدم في القوة
شعور بالتعب أو الانفعال
ذلك الشعور الغريب بـ"مجهد ومرهق في نفس الوقت"
ليس لأن تدريبك سيء، بل لأن جسمك محرك عالي الأداء يعمل بوق منخفض الجودة!

✨ الخبر السار؟
تعويض هذه المعادن يمكن أن يحوّل أداءك التدريبي بشكل شبه فوري ويعيدك إلى أفضل مستوياتك.

كلمة شكر تكفينا وتزيد من دعمنا على تقديم كل ما هو مفيد 💯

💥نصيحه لأخواتي💥 الصغيرين ال فاهمين انهم بيتمرنوا بالعلم...ومفيش اي نتائج عليهم ولا شايف لهم عضلات بتطور او بتكبر ...وفاكرين انهم بيتمرنوا بالعلم وانهم مهكرين اللعبه خلاص...
اه ممكن اشوف اوزانهم ال بيلعبوا بيها بتتطور...لكن عضلاتهم مفيش تطور او اوزانهم بتطور اكتر من نمو عضلاتهم...
يتري ايه السبب...؟!!! انا متابعهم بقالي فتره بحكم شغلي ان متواجد في الجيم طوال الوقت ...وعندي شويه ملاحظات هي السبب في عدم تطور عضلاتهم... برغم ان اوزانهم ال بيرفعوها بتطور...!!!

علي الرغم ان تغذيتهم تمام وبياخدوا فترات راحه ونوم كافي وفاهمين علم الحركه والتشريح العضليوعندهم معلومات صح ...لكن مفيش تطور في عضلاتهم...والسبب :👇

💥اولا💥 معظم ال بيطبقوا نظام الشده العاليه في التمرين وعدد مجاميع قليله بيطبقوه غلط ... مش عارف مين لعب في ...دماغهم...وقالهم ان كل ما تلعبوا عدد مجموعات قليله جدا جدا كل ما اوزانكم هتطور وعضلاتكم هتكبر ...
مهو فعلا كل ما تتمرن عدد مجاميع قليله لكل عضله وحجم تدريبي قليل من الطبيعي أن اوزانك وعداتك هتزيد...لكن...هل ده كافي لتطور وبناء عضلاتك...لا لا لا لا لا ... انت هدفك ايه من الجيم ان عضلاتك تكبر وتطور ولا هدفك ترفع اوزان عاليه فقط وتجيب عدات زياده وخلاص لو ده هدفك يبقي الكلام ده مش ليك وخليك زي ما انت ...لكن لو هدفك تطور من شكل جسمك وعضلاتك يبقي بلاش المبالغه في تقليل عدد المجموعات لكل عضله بشكل مبالغ فيه...

انا بشوف العجب الاقي اللاعب دخل يلعب مجموعه واحده وخلاص كده هو كده خلص ...و راح يلعب تمرين تاني... ودايما تلاقيهم لابسين نضاره وشعرهم منكوش وصوتهم عالي ...تقريبا بيتمرنوا صوت بس ولابس الشداد في ايده طول الوقت لو ازازه الميه وقعت منه بينزل يسحبهابالشداد ... بيشرب بالعلم ...😂

💥يابني يا حبيبي 💥يا صغيري انا عارف انك بتقرا وتتعلم وشاطر وجميل برافووعليك لكن نقصك خبره لو سمحت ...زود عدد المجموعات لكل عضله ضعيفه عندك انت عايز تطورها...لانك كده انت بتتمرن بالضحك مش بالعلم....لو هدفك بناء عضلات ...

💥السبب التاني💥 بلاقي 99 % منهم الأداء بتاعهم غلط عباره عن حزق ومزق ورعشه ووشهم يحمر وجسمهم يرعش اكن عندهم صرع او حاله عصبيه...والله مش ببالغ...وطبعا وزن عالي جدا لا يناسب اطلاقا حجمهم العضلي ...واداء وتكنيك 0% ...

وزن عالي مبالغ فيه مع تكنيك وحش مع كمان عدد مجموعات قليله..

💥بالله عليكم مستنين تطلع لكم عضلات اذاي...اه اوزانك هتطور وعداتك هتطور لكن عضلاتك بتدعي عليك ومفاصلك واربتطك بتدعي عليك وغضاريفك بتدعي عليك...وانا بدعي عليك ...ودعوة الكوتش مستجابه دي حاجه معروفه...
تفتكر عمرك التدريبي هيكون قد ايه...لما حضرتك الكتله العضليه قليله جدا وعمال ترفع اوزان عاليه علي حساب مفاصلك واربطك وغضاريفك...تفتكر هيكون عمرك التدريبي قد ايه يعني جسمك هيستحمل اسلوبك ده في التمرين لمده كام سنه وهيقولك كفايه من الاصابات ال هتحصلك...

💥بالله عليكم بلاش مبالغه في تريند الشده العاليه وعدد مجموعات قليله...عشان نفسي اشوف عضلات في الجيمات زي زمان...
ده مش معناه انك تزود عدد المجموعات بشكل مبالغ فيه وتزود عدد التمارين وتلعب سوبر سيت ودروب سيت ...
هو ممكن نتعلم من المدرسه القديمه الحلو ال كان فيها ونترك الوحش ونتعلم من المدرسه الحديثه والعلم زي ما بتقولوا ونترك السلبيات بتاعتها برده...
💥فيه مشكله اننا نعمل توازن بين المدرسه القديمه وبين العلم الحديث عشان نبني عضلات وكمان نقلل الاصابات ونقدر نتمرن ل ٢٠ و٣٠ سنه كمان من غير مشاكل ...
اللهم بلغت اللهم فأشهد...
#الجميع