كريم الهرم

تحية خاصة لأحدث المتابعين لي! يسرني انضمامك! الحاج ممدوح الزهار, الداعية خالد قنديل الازهري, هندي الشريف, ابراهيم البوليني, حسام الزوز, Youssef Saied Elgazzar, اسلام افخم, Tarek Elhadidy, احمد الحمصي, احمد وليد هيكل, ابو عبده, على الريفى, ابو هاني, Ahmed Mohamed, Ahmed Ali Mohamed

فات أسبوعان من الدوري العام، وكل فرق البطولة خاضت مبارياتها بتهدئة، وإن كانت هناك بعض الحالات التحكيمية فهي مجرد اجتهادات أو حالات جدلية غير مؤثرة إطلاقًا على نتائج المباريات. معظم الأندية تلعب في أجواء طبيعية وتنافسية متكافئة...
إلا نادٍ واحد معروف للجميع! لا يمر له أي مشهد أو مباراة إلا وبها أخطاء تحكيمية صارخة تثير الذهول.
رغم الصفقات الخيالية والملايين التي تُنفق، يبدو أنه لا جديد يُذكر؛ فلا وجود لمباراة تمر دون جدل تحكيمي أشد وأوضح مما قبله! بالوضع الحالي، لم يعد ينقص الأطقم التحكيمية في القادم إلا أن تتولى بنفسها تسديد الكرة في شباك المنافسين!
المنظومة بحاجة ماسة للعدالة والتطوير، لأن ما يحدث بعيد كل البعد عن الروح الرياضية والتنافس الشريف

لما كنا صغيرين، كان في كل شاري عيل رخم، مش بيعرف يلعب ولا يوقف جول، بس للأسف كان هو «صاحب الكورة». العيل ده كان شايف نفسه أوصى على الشارع كله: هو اللي بيختار مين يلعب معاه، ومين يقف ضده، وهو الحكم، وهو اللي يقرر الماتش يبدأ أمتى، وأول ما يتعب يقول «استراحة محارب» ويلم الكورة وي روح!
لغاية ما جه اليوم اللي فاض بينا الكيل، وقررنا نجمع من بعض ونعمل «شرك» ونشتري كورتنا الخاصة، ونخلص من القرف والتحكمات ده.
أول ما العيل ده عرف، جاله انهيار وبدأ يلف علينا واحد واحد:
«الواد اللي بيجمع الفلوس ده هيعمل مصلحة من وراكم!»
«يا جماعة خدوا فلوسكم وأنا هسيبلكوا كورتي تلعبوا بيها في أي وقت براحتكم.. بس بلاش تشتروا كورة جديدة!»
بس القرار كان اتأخد خلاص.. اشترينا الكورة، واستغنينا عن كورته وتحكماته، ولعبنا براحتنا وبدماغنا وبالمبادئ الصح. وكان أول قرار صح وأهم خطوة عملناها: إننا طردنا العيل ده من وسطنا ومبقاش له مكان معانا، لأنها بصراحة مكانتش ناقصة بدانة ومزايدات!
نفس الفكرة بالظبط هي اللي بتعملها بعض الأصوات والإعلاميين مع نادي الزمالك:
شايفين إنهم أوصياء على النادي، وعايزين يحددوا مين يلعب، ومين يمشى، وإيه القرارات اللي تتاخد.
أول ما الزمالك يقرر يعتمد على نفسه، وينظم بيته من جوة، وياخد قرارات استقلالية تعبر عن هيبته وحجمه، تلاقيهم بدأوا يلفوا ويشوشوا ويشككوا في كل خطوة ويهولوا من أي تجميع أو قرار!
يمارسوا شوية الترهيب وشوية المسكنة: «بلاش الخطوة دي.. خلوا الوضع القديم مستمر وأحنا هنضمنلكم الهدوء!»
الزمالك مش محتاج كورة حد، ولا محتاج وصاية من حد، ولا محتاج «صاحب كورة» يحددله أمتى يلعب وأمتى يوقف. الجمهور والإدارة الناجحة هما الشركاء الحقيقيين، والقرارات الصح دايماً بتبدأ لما تنضف حوليك وتبعد كل اللي فاكرين نفسهم أصحاب اللعبة وهما مجرد حجر عثرة!

الليله حصل اغرب حوار ف التاريخ بين سيف زاهر والخبير التحكيمي احمد الشناوي عن ضربة جزاء الاهلي واحتسابها بالجاذبية....

سيف بدأ الحلقة بالاشادة بالحكم العظيم محمود ناجي وقراراته العظيمة وقالك اتحاد الكرة كلم الحكم واعطي له شهادة ف النزاهة والشرف بعد القرار التحكيمي العالمي ف احتساب بلنتي للاهلي... وجاب الشناوي عشان ياخد رايه ف ضربة جزاء الاهلي وهنا ابتدأ الضحك...

زاهر سأل الشناوي رايك اية ف بلنتي بن شرقي يا كابتن...

المشناوي قاله الكورة دي تدرس ف قانون كرة القدم كأحد اعظم القرارات التحكيمية ف التاريخ لان الحكم لقط الاحتكاك ف ثانية واحتسبها بلنتي والفار متدخلش..

زاهر قال للشناوي اشرحلنا اللعبة بالتفصيل يا كابتن عشان حكام اوروبا والعالم اللي بيتفرجوا علينا يستفيدوا من التحكيم النزيه ف الدوري المصري...

الشناوي قاله ان بن شرقي جاي من اوراء وخلاص بقت الكورة بتاعته وبقا مستحوذ ع الكورة فالمدافع مد ايده بقوة وزق بن شرقي زقة قوية جدا اتسببت ف البلنتي...

زاهر قاله بس الكورة ف الهواء ياكابتن بن شرقي مكنش لسه استحوذ عليها...

الشناوي قاله ماهوا ده بقا الجديد يا كابتن سيف ان الحكم دارس قانون الجاذبية وهوا قانون جديد بيتيح للاعب الاستحواذ ف الكورة وهي فى الهواء.. عشان كده لازم القرار يتدرس ف اوروبا ويتعلموا من حكام مصر النزاهة والشرف والحياد.
تحكيم بالنيوتنية، والبلنتي بـ تفاح نيوتن! 🍎😂
لما الجاذبية تحسم الدوري، يبقى المفروض الفيزيائيين يعتزلوا، ويتعين آينشتاين رئيسًا للجنة الحكام! وواضح إن بن شرقي عنده المجال المغناطيسي الخاص بيه، فـ الحكم قرر يحسب "خطأ في النسيج الزماني والمكاني"!
دوري العجائب.. حيث القوانين الفيزيائية تتغير حسب لون الفانلة! 🚀⚽

سواء بقي هو بيعمل كده من دماغه أو بيعمل كده عشان في حد محرضه برضوا مش فارق معانا
احنا مش مستعجلين علي أقل أقل اقل من مهله هو لسه باقي في عقده ٣ سنين يعني ربنا يدينا ويديله طولة العمر وهي دي الرساله اللي لازم توصل لبيزيرا أو للمحرضه
احنا بالنا طويل ومش بنزهق ومش هانزهق
طب نبيع ونستفاد بفلوسه ونحل مشاكلنا بدل مانخسره ونخسر تمنه ؟
لا نخسر عادي وبكملة الخساره عادي مااحنا ياما خسرنا ياعم ولا تزعل نفسك اعتبره رجع واتصاب بس بيع الود ده بلوي الدراع مش هايحصل
النادي مكمل في موقفه بدون أي تراجع، واللي مراهن على استعجالنا أو إننا هنضعف تحت أي كارت ضغط، يراجع حساباته كويس.

سؤال منطقي ومحيرني.. طالما التحكيم المصري مأمن ليك البطولة وحاسم الأمور من قبل ما تبدأ، ليه الأهلي بيكلف نفسه وبيحرق ملايين في صفقات جديدة؟ ما الدعم اللوجستي جاهز والصفارة أضمن من أي مهاجم أجنبي!"

تعادل سلبي بطعم الخسارة للزمالك! 🏹⚽
افتتاحية غير متوقعة للفرسان في الدوري السنة دي، بتعادل صفر - صفر مع الاتحاد السكندري. مبارة كانت مقفولة وتكتيكية من الدرجة الأولى، الزمالك حاول ووصل لكن غاب الحسم أمام المرمى سوء توفيق هجومي واضح.
على العكس، الاتحاد قدم مباراة دفاعية منظمة جداً وقدر يخرج بالنقطة اللي كان بيلعب عليها.
أول نقطة في المشوار.. القادم أفضل وإن شاء الله التعويض الماتش الجاي! 🔥⚪🔴
#الزمالك

عادي جداً إن أي لاعب يجيله عرض احتراف ويركب رأسه ويتمرد عشان يمشي، وعادي برضو إن ناديه يحاول معاه بكل الطرق عشان يقنعه يقعد. دي كرة قدم وفيها احتراف، وبيحصل كل يوم في أكبر أندية العالم. احنا حالياً في الزمالك عندنا نفس الحالة تقريباً مع "بيزيرا"، ومحدش يقدر ينكر ده ولا بنكابر، لأننا نادي طبيعي زي أي نادي في الدنيا.
لكن الأزمة الحقيقية والعقدة النفسية عند الأهلي وإعلامه إنهم معقدين الأمور على نفسهم بزيادة. عايشين دور المثالية الزائفة، وشغالين نغمة "إحنا النادي اللي مابيتوسلش للاعب" و"محدش بيشرط علينا" و"الناس بتسيب أوروبا عشان تيجوا تمضوا على بياض"، وشوية الشعارات اللي مابتخش القافية ولا يدخل عقلياً على طفل عنده سنة!
الكلام الفاضي ده والشعارات دي هي اللي عملت الأزمة دي كلها في قصة إمام عاشور. لو كانوا اتعاملوا بواقعية واعترفوا إن كرة القدم بقت فلوس وتجارة، وأن اللاعبين بييجوا عشان العرض الأفضل والأرقام والأمان المادي مش عشان السواد الأعظم ولا الانتماء المطلق، كانت الأزمة انتهت وبقت شيء طبيعي.
الغريب بقى والمأساة الحقيقية مش إن لاعب يتمرد.. الغريب إن النادي اللي بيغني بالشعارات دي هو نفسه اللي يجيب لاعب كان بيسب رموزه وأمهاتهم ويجري وراه ويتحايل عليه!

لو سألت أي زمالكاوي النهاردة عن عبد الله السعيد أو بيزيرا أو شيكوبنزا، هيقولك بصراحة ومن غير لف ولا دوران: "لعيبة غير ملتزمة ومتأثرة بغياب الانضباط"، ورغم إن النادي مقيد بإيقاف قيد ومعندوش رفاهية البدائل، إلا إن قطاع كبير من الجمهور كان رأيه واضح: "اللي يبيع النادي أو يتمرد ما يلزمناش، ويمشي عادي". الزمالكاوي بطبعه مابيحبش يطبل، مابيحميش خطأ، وماعندوش حد فوق النادي مهما كان اسمه.
في المقابل، روح اسأل أي أهلاوي عن الواقع اللي قدامه:
إمام عاشور؟ عرفتوا تخلوا إدارتكم تسيطر على طلباته أو تفرض كلمتها عليه؟
أحمد سيد زيزو؟ هل وافق يخفض جنيه واحد من عقده، ولا مشي كلامه ورغباته في النهاية؟
ياسر إبراهيم؟ جددتوا له بسهولة ولا المماطلة كانت عنوان المشهد؟
أكرم توفيق؟ اتصرفتوا إزاي لما رفض التجديد ومشي، وبعدها رجع تاني؟
مش هتسمع منه إجابة واقعية واحدة! هيسيب الحقيقة ويتسحب لورا شعارات محفوظة من نوعية: "نادي القيم والمبادئ"، "صالح سليم قال ساعتين وترد علينا"، و*"مافيش حد يقدر يلوي ذراع الأهلي"*. ولما يتقفل أمام الجدل والواقع، الإجابة الوحيدة اللي هتسمعها هي: "روح شوف عبد الله السعيد وبيزيرا الأول!"
وده بالضبط الفرق بين الطرفين:
جمهور الزمالك بيواجه المشاكل وبيسمي الأمور بمسمياتها. أما الناحية التانية، فيه منظومة إعلامية وجماهيرية بتشتغل كـ "جيش تلميع" جاهز يغطي على أي تمرد لللعيبة، ويبرر أي أخطاء للإدارة، ويسوق للجمهور نغمة "المبادئ والقيم"، فالجمهور يصدق الرواية وبيشتري البيعة زي ما هي!