forma gem C zezo

اللي يقولك راحت عليه قوله لسه اللعبة في إيديه 💪🏾

حضرت لقاء امبارح لفضيلة مولانا الدكتور Dr. Yosry Gabr د. يسري جبر
من علماء الازهر الشريف
واستشاري الجراحة العامة وجراحة الأوعية الدموية
عن التغذية العلاجية وكان ملخصها :

١. إن الإنسان لازم يعيش في الدنيا مش عشان استكمال الملذات والشهوات ولكن ياخذ من الدنيا على قدر الضرورة وديه كانت سنة سيدنا رسول الله ﷺ وان السبب الرئيسي في كثير من الامراض الشائعة هو السمنة وهي من علامات يوم القيامة اللي سيدنا رسول الله ﷺ اخبر بها والسبب الرئيسي في السمنة هي الاسراف في الاكل وركز قوي فضيلته في الجزء الاول من اللقاء على ان الإنسان لازم يكون عنده قناعة ورضا وعدم إسراف في جميع جوانب الحياة لاننا مش مخلوقين في الدنيا لكده

٢. وانتقل بعد كده إن اهم حاجة انك لازم تتحرى طلب الرزق الحلال وانك تضمن اللي هيدخل فكك يكون حلال وميكونش فيه إسراف

٣. تاكل على سنة النبي ﷺ لا تاكل حتى تجوع وإذا اكلت لا تشبع ووصى إنك تاخر جوعك شوية مش اول ما تجوع تاكل لان ده فيه ظبط للنفس وتحكم لشهواتها وتاكل الموجود ولا تطلب المفقود

٤.وتطرق لنظام الطيبات وإنه له ملاحظات عليه لكن اي انسان هيتحكم ويظبط طريقة اكله هيبقى عنده تحسن في الصحة وده لاينفي إن القمح لازم يكون بالحبة الكاملة وده بإجماع العلماء والاطباء وان طريقة الزراعة وتربية الدواجن فيها خلل كبير واحنا نعتبر بنتسمم مش بناكل

٥. واقترح اقتراح واظن ده افضل شئ ممكن يحسن صحة الناس وإن الحكومة تتحرك في القرار ده إن العيش يتعمل من
خلطة تكون تلتين شعير وتلت قمح الحبة الكاملة وخبز الشعير ده كان اغلب طعام سيدنا رسول الله ﷺ

٦. وقال إن الجوع بيقتل كثير من الخلايا السرطانية لانها عبارة عن بروتين والجسم بيتغذى عليها في حالة الجوع وعشان كده الصيام ده مهم جدا

٧. وكمان من سنة النبي ﷺ إنه كان يحب الاكل البسيط وأن اغلب اكله كان مفهوش تنوع كثير يعني صنفين او ثلاثة
وان النبي ﷺ كان بيحب اللحم وكان عنده مقدرة ياكله كل يوم ولكن كان بيأكله على فترات

ولو حد شاف اللقاء او حضره حابب يزود حاجة اكون شاكر ليعم النفع

منقوله

تعالى أقولك الفرق بين الدامبل، البار، والأجهزة... بشكل بسيط ومفيد:

1. الدامبل:

بتحرك إيدك بحرية كاملة.

بيشغّل العضلات الكبيرة والمساعدة كمان.

بيساعدك على تقوية التوازن والتناسق بين الجهتين.

محتاج تركيز وتحكم، خصوصًا لما الوزن يزيد.

2. البار:

بتحرك في مسار شبه ثابت، بس لسه محتاج توازن.

بتقدر تشيل عليه أوزان أعلى من الدامبل.

ممتاز للبناء العضلي والقوة.

بس لو في فرق قوة بين الجهتين، ممكن يظهر أكتر معاه.

3. الأجهزة:

الجهاز بيحددلك حركة معينة، وانت بتمشي عليها.

بيشتغل على عضلة واحدة بس تقريبًا.

مناسب للمبتدئين، أو لو تعبان، أو عايز تعزل عضلة.

بس مش هيقوّي توازنك ولا العضلات المساعدة زي الحديد الحر.

الخلاصة:
لو عايز تقوّي جسمك كله وتبني عضلات طبيعية = ركّز على الدامبل والبار.
لو عايز تشتغل على عضلة معينة أو تقلل الضغط على المفاصل = الأجهزة هتكون مناسبة.

نَصَايِح غَريبة هتخلّيك فُورمَة في وقت مَش مَعقول!
لو زهقت من الكلام اللي بيتقال في الجيم زي "شدّ، كُل بروتين، نام"، تعالى اسمع الكلام اللي مبيتقالش…


1. نام زي البيبي…
العضلة مبتكبرش وإنت بتشيل حديد، لأ يا باشا، بتكبر وإنت نايم ومش سامع من الدنيا غير الشخير!

2. بطّل تستعجل في التمرين!
إهدا كده وعدّ مع نفسك… خليك بطّيء والوزن يلسع فيك. كأنك بتعاقب عضلتك عقاب مُر.

3. خاف من السكر… مش من الزبدة!
زيت زيتون، أفوكادو، زبدة فول سوداني؟ دول أصحابك مش أعداءك! دي بنزين العضلة يا وحش.

4. مرّن رجلك… حتى لو نفسك في عضلة باي!
رجلك هي الريموت كنترول بتاع جسمك… لما تشتغل، كله يشتغل، حتى صدرك بيفرح.

5. اضحك وانبسط!
الاسترس بيهدم العضل أسرع من الدايت الوحش… خليك رائق زي قعدة على القهوة بعد التمرين.

6. المية؟ دي أكتر من ضروري!
لو عطشان، العضلة بتقولك: "أنا مش قادرة يا كابتن". اشرب كأنك بتملّا تانك بنزين!

7. تمرين قصير × تركيز = فورمة جامدة!
45 دقيقة عالسِلك أحسن من ساعتين لعب في الموبايل وفووتوسيشن مع الحديد.

8. كُل بروتين يا نجم… حتى لو نباتي!
لو مش من أهل اللحمة، خدها من العدس والفول، المهم تبني مش تتهد.

9. بعد التمرين؟ العضلة جعانة أكتر منك!
لو ما أكلتهاش بعد نص ساعة، هتزعل وتقولك: "كُنت فاكرة إننا عشرة".

10. خيالك أقوى من دمبلك!
اتخيل الباي وهي بتنفجر مع كل عدة… دماغك لو دخلت في التمرين، جسمك هيولّع عضل.

لو عجبك الكلام، اعمل شير عشان الكل يستفاد،

لما تطلع الهدوم الصيفي

عايز تبقي محترم الكرياتين هيخليك محترم