NileNet Sports Media

🔴 الحمد لله الفوز التاني على التوالي لفريقنا في بطولة الدوري 🦅

الأهلي يواصل البداية القوية ويحقق الفوز التاني على التوالي في مشوار الدوري ويحصد 3 نقط جديدة تقربنا خطوة من هدفنا.

المشوار لسه طويل لكن كل فوز وكل نقطة من دلوقتي ليها قيمتها والأهم إن الفريق يفضل بنفس التركيز والجدية من مباراة للتانية ونتعلم من أي أخطاء ونطور من نفسنا مع كل جولة.

هدفنا واضح من البداية إحنا عايزين الدوري ومش بس عايزين الدرع إحنا عايزين موسم استثنائي ونكمل الدوري من غير هزيمة بإذن الله.

خطوة جديدة اتحققت ولسه المشوار مكمل وإن شاء الله الفوز ده يكون بداية لسلسلة انتصارات طويلة لحد ما نرجع درع الدوري للجزيرة ❤️🦅

من قلب المدرجات بنحكي الحكايه | NileNet Sports Media

#الأهلي
Al Ahly SC

🔴 التشكيل المتوقع 👈🏻 الأهلي 🔴 زد 🦅

مواجهة جديدة للأهلي في الدوري والمرة دي قدام زد في الجولة الثانية واللقاء هيكون الساعة 8م وده التشكيل الأقرب اللي ممكن الأهلي يبدأ بيه المباراة:

🧤 حراسة المرمى: مصطفى شوبير.

🛡️ خط الدفاع: محمد هاني، عمرو الجزار، ياسر إبراهيم، كريم فؤاد.

⚙️ خط الوسط: أحمد سيد زيزو، مروان عطية، علي محمود.

⚡ خط الهجوم: أشرف بن شرقي، سفيان بنجديدة، طاهر محمد طاهر.

🚫 خارج القائمة: إمام عاشور لعدم الجاهزية.

ده التشكيل المتوقع والقرار النهائي هيكون للجهاز الفني قبل انطلاق المباراة.

من قلب المدرجات بنحكي الحكاية | NileNet Sports Media 🦅❤️

#الأهلي

🔴 المباراة القادمة 👈🏻 الأهلي 🔴 زد🦅

النهارده راجعين للدوري من جديد وهنواجه زد في الجولة الثانية من البطولة الساعه 8م في مباراة لازم الأهلي يدخلها بنفس الجدية والتركيز من أول دقيقة.

الدوري مش بيتحسم في جولة ولا في ماتش واحد لكن الفرق الكبيرة بتعرف إن البداية القوية هي اللي بتبني مشوار طويل وده تاريخ الأهلي ومعروف عشان كده كل نقطة بنجمعها دلوقتي ممكن تفرق جدا في نهاية الموسم وكل مباراة لازم يكون ليها نفس الهدف وهو الفوز بالدوري.

مواجهة زد مش مجرد 90 دقيقة وخلاص لكن هتكون خطوة جديدة في طريق طويل مليان تحديات عشان كده نفسنا نشوف الأهلي بيفرض شخصيته ويسيطر على المباراة من اول دقيقة ويحقق المطلوب منها وال3 نقط من غير ما يسيب أي فرصة سهلة للمنافس زي ماحصل في المباراة اللي فاتت ولازم نتعلم من أخطائنا ونبنبي عليها عشان متتكررش تاني.

وبالنسبة لينا الهدف واضح من بدري إحنا عايزين الدوري ونفسنا الموسم ده نكمله من غير هزيمة وإن شاء الله نمشي خطوة خطوة ونكسب مباراة وراء مباراة لحد ما نرفع درع الدوري في اخر الموسم وإن شاء الله يكون الدوري من غير هزيمة.

المشوار لسه طويل ومليان تحديات وإن شاء الله تكونوا قدها زي ما عودونا دايما علي الإنجازات إنتوا لعيبة رجالة وقد المسؤولية وليكم مننا كل الدعم والثقة في كل خطوة لحد ما نحقق هدفنا ونرجع درع الدوري 🦅❤️

من قلب المدرجات بنحكي الحكايه | NileNet Sports Media

#الأهلي

@أبرز المعجبين Al Ahly SC

🌙🕌 كل عام وأنتم بخير بمناسبة المولد النبوي الشريف ❤️

نسأل الله أن يجعل أيامكم كلها خير وبركة وأن يملأ قلوبكم بالطمأنينة والسعادة ويرزقكم راحة البال ويديم عليكم نعمه 🤲🏻

اللهم صل وسلم وبارك على سيدنا محمد وعلى آله وصحبه أجمعين ❤️

مولد نبوي شريف عليكم وعلى كل أحبابكم بكل خير 🌙✨

@أبرز المعجبين

🦅 ريمونتادا الأهلي في تحقيق الهدف. الحمد لله على أول 3 نقاط

بصراحة الماتش ده خلانا نعيش كل حاجة في الـ 90 دقيقة بدأنا بشكل وحش جدا واستقبلنا هدفين بدري والواحد كان مستغرب هو إزاي الأهلي بكل اللاعيبة دي وكل الإعداد اللي حصل في المعسكر التدريبي والمباريات الوديه ويدخل أول مباراة في الدوري بالشكل ده.

الدفاع النهارده كان عامل قلق بصراحة أخطاء كتير ومساحات وتركيز مش موجود في كذا كرة وكمان ضربة الجزاء اللي ضاعت من الشرقية إنبي خلت الواحد يقول الحمد لله ويارب الماتش يعدي على خير.

لكن الحمد لله الأهلي بدأ يفوق ويرجع للمباراة وسجلنا الهدف الأول وبعده التاني والضغط زاد وفجأة لقينا نفسنا بنلعب على الفوز بعد ما كنا متأخرين 2-0 لحد ما سجلنا الثالث عن طريق أفشه رجل الأوقات الصعبة وقلبنا الماتش 3-2. ❤️🦅

والحقيقة أنا مش عايز أقول إن كل حاجة تمام عشان كسبنا بالعكس في حاجات كتير لازم نقف عندها وخصوصا الدفاع لأن مش كل مباراة هنقدر نستقبل هدفين ونرجع نقلبها.

عموتة كمان لازم يقعد مع اللاعيبة ويشوف اللي حصل في البداية دي، لأن الأهلي عنده لاعيبة تقدر تعمل فرق كبير ومينفعش نشوف الشكل ده قدام أي فريق، انت الأهلي المفروض تنزل الملعب تجيب الاول والتاني والتالت، ده اللي إحنا كنا متعودين عليه مع الأهلي طول تاريخه.

بس في الآخر دي أول مباراة وأهم حاجة إننا خدنا الـ3 نقاط وبدأنا المشوار بفوز وان شاء الله هنستمر في الفوز لتحقيق الدوري اللا هزيمه.

نفرح بالريمونتادا ونفرح بالمكسب بس لازم ناخد بالنا من الأخطاء عشان اللي جاي أصعب.

إحنا مش داخلين الموسم ده عشان ننافس وخلاص 👈🏻 إحنا عايزين الدوري.

🦅 الدوري يا أهلي 📌 الدوري يا أهلي 📌 الدوري يا أهلي❤️

من قلب المدرجات بنحكي الحكاية | NileNet Sports Media

#الأهلي

📌 ماتش برشلونة خلص واللي يهمنا دلوقتي هو الأهلي هيطلع بإيه من التجربة دي.

بص يا صاحبي الأهلي خسر 2-1 قدام برشلونة والنتيجة طبعا مش هي اللي كنا عايزينها. لكن لازم نحط الماتش في سياقه الحقيقي إحنا بنتكلم عن الأهلي في بداية موسم جديد وقدام برشلونة. فريق عنده جودة كبيرة جدا في الاستحواذ والتمرير والتحرك والسرعة ولاعيبته قادرة تعاقبك على أي مساحة أو غلطة في لحظة.

وعشان كده الماتش كان اختبار قوي ومفيد جدا للأهلي لأنه حط الفريق قدام مستوى مختلف من السرعة والجودة والضغط وخلانا نشوف بشكل أوضح ايه اللي الأهلي قادر يعمله وايه اللي لسه محتاج يشتغل عليه قبل بداية المنافسات الرسمية.

وفي نفس الوقت مش محتاجين نحول ماتش واحد لحكم على موسم كامل لسه مبدأش اصلا ولا نحكم علي الحسين عموته بمجرد ماتش لأن الأهلي لسه في بداية مرحلة جديدة والجهاز الفني لسه بيبني شكل الفريق واللاعيبة لسه محتاجة وقت عشان يحصل الانسجام المطلوب بينهم وتبقى الأدوار واضحة بالشكل اللي يخلي الفريق ثابت طول الموسم الجاي.

🔴 لكن في نقطة تحديدا بجد صعب نتجاهلها وهي خط الدفاع.

برشلونة أظهر قد ايه السرعة في نقل الكرة والتحرك بين الخطوط واستغلال المساحات ممكن تعمل مشاكل كتيره في الأهلي في المباريات الرسمية وده بيأكد إن الأهلي محتاج يشتغل على المنظومة الدفاعية بشكل أكبر ومحتاج فعلا خط دفاع كامل يكون عنده السرعة والقوة والتركيز والقدرة على التعامل مع المساحات والضغط والمواقف المختلفة طول الموسم.

الأهلي محتاج يبني من الخلف بشكل أقوى لأن وجود مدافع كويس لوحده مش كفاية المطلوب يكون عندك خط دفاع متفاهم ومتوازن وكل لاعب فيه عارف دوره وبيغطي زميله ويقدر يتعامل مع التحولات والهجمات السريعة من غير ما الفريق كله يتأثر مع أول ضغط.

وفي نفس الوقت لازم ندي برشلونة حقه الفريق عنده جودة كبيرة جدا ووجود لاعيبة بالمستوى ده بيكشف تفاصيل ممكن ما تظهرش بنفس الوضوح قدام منافسين أقل جودة وده بالظبط اللي يخلي التجربة مفيدة للأهلي لأنك مش بتقيس نفسك بس على النتيجة لكن بتشوف مستواك لما تواجه فريق بيضغط عليك ويختبر كل تفصيلة في الملعب.

⚽ وده مش معناه إننا بنهدم الفريق بسبب مباراة برشلونة.

بالعكس احنا بنتكلم عن فرصة ظهرت فيها عيوب واضحة ونقدر نعالجها بدري قبل ما ندخل في ضغط الموسم ومباريات الدوري والكونفدرالية اللي مفيهاش مجال كبير لتكرار نفس الأخطاء.

والنقد لازم يفضل موجود لكن من غير ما يتحول لإحباط أو أحكام نهائية على الفريق من دلوقتي. دعم الأهلي مش معناه إننا نتجاهل الأخطاء. الدعم الحقيقي إننا نشوف الغلط ونطالب بعلاجه وفي نفس الوقت ندي الفريق والجهاز الفني الفرصة يشتغلوا ويطوروا شكل الأهلي.

الماتش خلص والنتيجة اتكتبت لكن الأهم دلوقتي إن اللي ظهر قدام برشلونة يتحول لشغل حقيقي في التدريبات والمباريات الجاية وإننا نشوف الأهلي بيتحسن من مباراة للتانية بدل ما نفضل واقفين عند نتيجة ماتش واحد.

🏁 الاختبار انتهى لكن الدرس لسه شغال واللي هيحدد قيمة التجربة فعلا هو شكل الأهلي بعد كده.

من قلب المدرجات بنحكي الحكايه | NileNet Sports Media

#الأهلي #برشلونة