Uschaouia Fans

الأشغال متوقفة دون توضيحات إلى متى ؟🟡⚫

‎[Le temps passe,La tanière trépasse]
‎[الوقت يمر و العرين يندثر ]

‎تمر الأيام سريعًا و يقترب موعد انطلاق الموسم الكروي الجديد بينما يبقى ملعب زاداني حسونة المعلم التاريخي لنادي اتحاد الشاوية أسير الإهمال والتوقف غير المبرر للأشغال مشهد يبعث على الأسى ويطرح أكثر من علامة استفهام حول مصير الاشغال التي كانت من المفترض أن تعيد بعضا من الروح إلى معقل الفريق وجماهيره
‎
‎من غير المقبول أن يقف نادٍ بتاريخ اتحاد الشاوية أحد أعرق الأندية الجزائرية على أعتاب موسم جديد دون ملعب يحتضن مبارياته داخل الديار و من غير المعقول أن تبقى الأشغال متوقفة في ظل غياب أي توضيحات أو آجال رسمية تعيد الأمل للأنصار الذين طال انتظارهم
‎
‎إن ما يحدث اليوم هو مساس بصورة نادٍ عريق وإهانة لتاريخ مدينة بأكملها و حرمان لآلاف الجماهير من حقها الطبيعي في رؤية فريقها يلعب على أرضه وبين أنصار.
‎
‎وعليه، فإننا نوجه نداءً شديد اللهجة إلى جميع المسؤولين المعنيين بهذا الملف و ندعوهم إلى تحمل مسؤولياتهم كاملة و الخروج عن صمتهم و تقديم توضيحات للرأي العام مع الإسراع في استئناف الأشغال وإنهائها في أقرب الآجال لقد سئمت الجماهير من الوعود وحان وقت الأفعال
‎
‎إن تاريخ اتحاد الشاوية أكبر من أن يُترك رهينة للتأجيل والتسويف فملعب زاداني حسونة هو جزء من ذاكرة المدينة وهوية النادي
‎

فريق كان على مشارف المحترف الأول العام هذا يلقى روحو بلا ملعب يكمل في تحضيرات و قادر توصل حتى تلعب جولات الأولى خارج المدينة لي يسمع هكا يقولو الفريق هذا يشف و هو لا عندنا زوز ملاعب لكن استهتار بعض الأشخاص خلانا ندخلو في حسابات تع فرق هاوية جماهير كان موضوعها الأول الصعود ، التشكيلة.. إلى غير ذلك من المواضيع لي تعكس طموح الجماهير ...

ملعب زرداني حسونة ناس كامل علابالها بلي لازملو اشغال فالقريب العاجل يعني من المفروض يكمل الموسم تبدأ فيه ماشي تخلي بطولة بقالها شهرين ول اقل و تبدا و المشكل انو الحاجة الأهم خلاوها و لي هيا المدرجات لي العام و الخاص يعرف خطورتها سما هكا أرواح الناس ماتسوى والو عندكم ول كيفاه !! نروحو لمشروع القرن لي هو الصتاد لي لتحت ديما نفس الاسطوانة ادرب فيه شهر و اقفلو عامين الأرضية ماتصلحش الدوش مكانش و غيرها من المشاكل لي مزال مالقاولهاش حل من هذاك العام و الخاسر اتحاد الشاوية لي ممكن راح يولي كل يوم يتنقل إلى مدينة أخرى صباح و يرجع لعشية بلا مانحكيو كي تبدا البطولة ...

المنكر هذا حنا مافهمناش شكون سبة فيه اذا الإدارة تعنا ول البلدية ول شكون بالضبط الأنصار حابين يعرفو المصير تع فريق تعهم ماناش حابين تفض علينا متشردين او عيييب ام كانو يجيو يلعبو عندنا و يديرو تربص عندنا سما غير ديرولها حل و ماذا بينا رئيس الفريق يخرج يفهمنا وش كاين وش مكانش بالتفاصيل باه حنا نعرفو مع من نهدرو و وش نهدرو ....

انطلاق البطولة سيكون يوم 11 سبتمبر 2026

فتحي علاوة : نطالب الجهات المعنية بتسريع وتيرة الأشغال بملعب زرداني حسونة و ملعب بغو عبد الحميد لمواصلة التحضيرات...

صراحة مشكل كبيرة عدم جاهزية الملاعب راح يخلي الفريق يتنقل إلى ملاعب مجاورة و هذا راح يأثر بزاف على التحضيرات و المشكل الاكبر انو مايكونوش واجدين منا لبداية الموسم لي مابقالهاش بزاف ان شاء الله السلطات المعنية تكون على قدر المسؤولية و تحاول تجهز الملاعب هكا باه الفريق تعنا يبدأ البطولة بقوة و ماتكون حتى سبة لي تاثر على المجموعة

اليوم حفل زفاف خونا النورو المناصر الوفي للشاوية العاقبة للذرية الصالحة إن شاء الله ❤️⚫🟡

شريف حجار : سنلعب على ورقة الصعود 🔥🔥

هاذي هيا الفريق العام لي فات وصل لأبعد نقطة سما عام سنة مكانش كيفاش تلعب باه تلعب لازم ديما سقف الطموحات يكون عالي و خليها تشعل من اول جولة و اي فريق راح يلعب مع اتحاد الشاوية يدير حسابو بلي راهو مع فريق مايديرش الوجه و لي يجي فالطريق نعفسو عليه 🔥

بما انو الفيد نحكيلكم هاذي

فالموسم لي قبل لي فات لعبنا ماتش في برج منايل المهم كنا خاسرين و عدلنا فدقايق الأخيرة كان ماتش رايح نيل ايا ڤارديان تعنا جانويلجي مسعودان معجباتوش نتيجة و قرر يديرها تغلي و يزيدولنا الثاني و يبدا تعراش من المدرجات هو يبكي دمعة و خنونة مهم سينما كبيرة كمل الماتش جاو لي جوار عندنا قالك اسمحولنا و ماتش جاي تع رويسات علينا و نتا مريض يربحو شاوية في زرداني غير لي يخبط صدرو و يقولك عليا الماتش ، سخنتلنا لفرفارة بيان ايا فوتناها و قلنا معليش تصرا ... و يلحق اليوم الموعود أجواء باردة زخات المطر سيدهم رغيس كحل من الغيوم مهم تقول راك في ملعب ستامفورد بريدج كل المؤشرات تقول بلي ماتش عالمي و فالجيب و يبدا الماتش قريناهم بالون راطينا واحد 6 ول كثر لڤارديان استحضر روح ديدا البرازيلي نهار هذاك مع هو اسمر البشرة قالك ذبانة ماتفوتش المهم ادي و جيب ادي و جيب وصلو دقايق لخرة و بينما نحن نستناو نماركيو غفلونا و تقلع كونتر أتاك لرويسات وصل جوار تعهم ل 18 و معاه ديفونسار تعنا و ياكتيفي مود هاري مغواير شخبط لخبط حركة اكروباتية و يخدعو بطاكل قريب بعثو يدي لاروترات في ريعان شبابو ضربة جزاء تسيفلات و ماركاوها و يبداو الكرافل و الأحجار الكريمة من الماجيكا لمهم لي كان نهار هذاك او علابالو وش صرا بلا تفاصيل ههههه كمل الماتش وسط حسرة و غضب و حسينا بالحشوة و لي كانو يخبطو في صدورهم دخلو في ڤشورهم الڤارديان تع رويسات دا 5 ملاين باردة على المباشر و حنا دخل فينا بارد على المباشر ثاني هههههه و هنا تنتهي لحكاية ماحبيتش نحكي على دراما لي صرات ورا الماتش و اشبك و نشبك ربما في منشور لاحق و اطهلاو

🚨نظام المنافسة في الوطني الثاني هواة لن يتغير هذا الموسم.

• الهبوط سيقتصر على 3 فرق فقط هذا الموسم.

• ابتداءً من موسم 2027/2028 ستنطلق عملية
التحضير لتغيير نظام المنافسة.

• النظام الجديد سيدخل حيز التطبيق بدايةً من موسم 2028/2029.

• رسميًا: تأجيل انطلاق بطولة الوطني الثاني هواة إلى 11 سبتمبر.

[Samir Kaabouche]

لولاد لازم الإلتفاف و الإنخراط نبداو موسم بقوة عاونوا لولاد راهي تتعب
🟡⚫

[ إِيلِي ذَارْڨَاز ]
بعد النجاح الذي حققته المرحلة الأولى نواصل غدًا الثلاثاء 2026/08/11 المرحلة الثانية من الانخراط ننتظر جميع الراغبين في الالتحاق بصفوف المجموعة غدًا على الساعة 22:00 امام ملعب زرداني حسونة
1000 دج كحقوق للانخراط

الجولة 1 بني ولبان/زرداني🏠
الجولة 2 نجم مڨرة /خارج الديار✈️
الجولة 3 جمعية الحروب/زرداني 🏠
الجولة 4إتحاد عنابة/خارج ديار✈️
الجولة 5 بارادو /زرداني🏠
الجولة 6تلاغمة/زرداني🏠

اول 6 جولات عندنا ربعة هنا في زرداني و زوز على برا سما أقل شيء 12 نقطة دجيبها مافيهاش نقاش لعام هذا لازم نركزو على نقاط لي في زرداني و مانراطيو حتى ماتش لي يجي يخلي ثلاث نقاط و يروح ديماراج يكون بقوة باه من بعد ماتندمش و تسيرها كيما تحب