Cric-Z

له ښه ورور مې قربان کړې !
غمي ځدراڼ د یو ورور په توګه ډېر دروند مسؤلست ادا کړ .
تکړه زلمیه تا د خپل ورور او د ملت لویې هستۍ شاپور ځدراڼ لپاره وروستۍ شپږ میاشتې ډېرې ستړې وګاللې تا د هغه روغتیا لپاره هر در ته ځان ورساوه تا د خپل ورور لپاره د هر چا دروازه وټکوله .
تا بې خوبۍ وکړې د ورور لپاره دې زارۍ وکړې ته به ان شاء الله کله هم بده ورځ ونګورې .
پرون مې له غمي ځدراڼ سره خبرې کولې یوه شېبه مو سره وژړل ځکه د ملي اتل شاپور ځدراڼ وروستی حالت یې د ویډیو له لارې راته وښود هغه شاپور چې مونږ لیدلی و هغه نه و ددهٔ هم زړه ډک و یوازې څو چغې یې وکړې بس .
راته وایي چې د ناروغۍ دوهمه میاشت یې وه روغتون کې مرحوم شاپور ځدراڼ له لاس کلک ونیولم او راته یې دومره وویل چې په تا زما ډېر باور و چې تکړه ورور مې یې مګر زما تر باور څو برابره ته تکړه وختې زما او ستا ملګرتیا شوه ما به یوازې نه پرېږدې ،اه .
ورور ډېر لوی نعمت دی لویه هستي ده ډېره سخته ورځ کې به دې همدا د ادې زوی څنګ ته ولاړ وي زړونو مو غمي ځدراڼ ته دعاوې وکړې چا چې ورسره لږ منډه هم کړې رب ج دې اجرونه ورکړي او چا چې ځان غلی کړ او حتی د سنګر ملګري پوښتنه یې ونکړه هیڅکله به ښاد نشي دا ورځ په هر چا راتلونکې ده .
الله ج دې دا لوی لومړۍ ستاسو وېرژلې کورنۍ ته بیا ټول ملت ته اسانه کړي دا غم یوازې ستا ندی مونږ ټول درسره شریک ځان ګڼو صبر او استقامت مو يه برخه شه .