Rana J. Life Coach

لو خلوك تختار مشكلة وحدة بحياتك شو بتختار؟

كل حدا بشوف مشكلته اكبر مشكلة… فكر فيها.

تخيل لو مشاعرك كانت مقروءة للجميع، كيف ممكن يأثر هالشي على علاقاتك؟

ليش هالسؤال مهم؟

لأنه كتير من علاقاتنا مبينة على أشياء ما بنحكيها.
بنزعل وما بنحكي. بنخاف وما بنبين. بنحتاج وما بنطلب. وبنقول "كله تمام" وهو مش كله تمام…

لو ما خفيت مشاعرك مين علاقتك معه باعتقادك حتخرب؟

أشياء اعملها قبل ما تندم؛

١. اهتم بصحتك
٢. وازن بين حياتك العملية والشخصية
٣. عيش اللحظة
٤. تعلم تدير قلقك
٥. علي ثقتك بنفسك
٦. ما تهتم بكلام الناس

ولو مش عارف احجز جلسة فردية.

الوعي بإنك تعرفي إيمتى تحكي وإيمتى الصمت بكون هو القرار الصحيح

كل ما كنت داخليا متوازنة اكثر كل ما فقدتي الرغبة بإثبات شي بأس طريقة لأنه غالبا الرد المنفعل بيجي من مكان فيه قلة ثقة او خوف.

الرد الصح بالمكان الصح بجي من مكان واعي وهادي.

بامكانك حجز جلسة لنوصل لطريقة تفكير ايجابية اكثر تساعدك تضبطي نفسك.

أحيانا ما بنكون بنستنا كلمة "آسف"

نحن بنستنا إنه اللي قبالنا يأكدلنا إنه اللي صار حقيقي.

إنه يقول "أه أخطأت وأذيتك واللي شعرت فيه كان إله سبب مش وهم."
لأنه الاعتراف بيعطينا أحياننا إحساس بإنه في أثبات.

بس نفسيا هون بتخلق مشكلة… لما يصير هدوئك مشروط باعتراف الشخص اللي أذاك فبتكون كأنك بتعطيه مفتاح سلامك الداخلي.

لانه على الاغلب مش حيعترف. يمكن يبرر او ينكر أو يحكي القصة بطريقة مختلفة.

وهالشي مش حيغير حقيقة اللي عشته.
-النضج مش انك تخلي يعترف عشان ترتاح.. النضج إنك توصل لمرحلة تقول فيها: أنا بعرف شو صار معي حتى لو ما حدا اعترف بفعله.

وهيك بتستعيد مفتاح سلامك.

صار معك شي وانتظرت تأكيد اللي أذاك بإنه أذاك؟

في أشياء لازم الواحد يذكر حاله فيها كل ما اختل توازنه أو خرج عن المسار…

مش كل موقف بيستحق رد، ومش كل شخص لازم تثبتله إنك صح.

أحيانا الناس بتحاول تجرك للمكان اللي هي فيه، ولما تنجرف معها بتصير جزء من الفوضى اللي صنعتها. قوتك مش إنك ترد على كل كلمة، قوتك إنك تعرف إيمتى تحكي وايمتى تنسحب وإيمتى تختار التجاهل.

مش كل سكوت ضعف. أحيانا السكوت وعي والتجاهل حماية لسلامك النفسي.

ما تسمح لحدا يحدد أسلوبك من خلال سوء أسلوبه.

#وعي